YouTuber arhoTV備受爭議，被爆向觀眾賣淘寶貨？推出NFT不受年齡限制，被批誤導中小學生？！
Youtube頻道「arho TV」嘅情侶KOL Sunny及Creamy近來是非不斷，早前已經因為未有限制NFT購買人嘅年齡而被網民批評。最近，佢又再被網民大爆居然出售淘寶貨，形象受到打擊；現時佢哋似乎暫時「潛水」，對上一次更新影片嘅已經係2星期前！
Photo from Sunny IG
YouTuber Sunny+Creamy陷入爭議？！
Youtube頻道「arho TV」係KOL Sunny所創立嘅頻道，訂閱人數高達約51萬，係YouTube界都算小有名氣！而佢拍攝嘅影片類型都係以日常生活為主，例如：試食、挑戰影片等，並且經常同女友Creamy一齊拍片，大晒恩愛。
Photo from arhoTV @YouTube
Photo from arhoTV @YouTube
網民大爆用淘寶訂造自家產品！
最近，有網民就大爆Sunny疑似喺淘寶訂製咕?，並公開與淘寶店主嘅對話紀錄。只見該網民嘗試用Sunny自家設計嘅公仔詢問淘寶店員，而店員就透露「這個圖我記得」；不過隨後店家表示由於設計圖片太模糊要求清晰版本，而網民就疑似將Sunny嘅淘寶帳號講出，之後店家回覆「有圖，要幾個」，似乎暗示緊佢哋可能真係透過淘寶訂製自家設計嘅物品？！
Photo from 連登討論區
Photo from 連登討論區
Photo from 連登討論區
過往曾揚言絕對不用淘寶貨！
唔少網民見到之後都批評自家產品嘅設計，指「食水真係好深」、「香港人真係好識搵錢㗎」等；部份網民批評佢哋呃觀眾，因為過往佢哋曾公開表示「唔會買淘寶」！
Photo from 連登討論區
Photo from arhoTV @YouTube
部分網民認為問題不大！
同時，部份支持Sunny嘅網民認為以上對話內容有機會係網民P圖後嘅對話；亦有網民覺得現時唔少產品都係內地製作，只要佢哋唔係抄其他人嘅設計就冇問題！
Photo from 連登討論區
二人暫時「潛水」？！
喺事件曝光後，二人暫時都唯有喺IG出post，而本身會定期更新嘅YouTube頻道都已經2個星期未有更新。不過有網民就疑似公開二人喺粉絲Discord群組中嘅對話，佢哋都坦承今次事件對佢哋嘅打擊非常大，導致自信心大受打擊，似乎需要啲時間先能夠再出現係觀眾面前喇！
Photo from 連登討論區
早前推出NFT已經備受爭議！
其實早前Sunny同Creamy因為推出NFT而引起爭議，每一個嘅售價大約係0.088ETH，不過網民最感到不滿嘅係佢哋強調購買NFT係唔受年齡限制，亦即係未成年嘅觀眾都能夠喺購買NFT！
Photo from arhoTV @YouTube
Photo from arhoTV @YouTube
強調沒有年齡限制而惹怒網民！
由於佢哋本身嘅觀眾都有唔少係年紀比較輕嘅中小學生，觀眾就擔心會因此而誤導年紀少嘅觀眾「啲小朋友根本都唔清楚咩係NFT」、「咁都講得出，對你哋好失望」等，認為佢哋為咗賺錢居然連年紀輕嘅觀眾都「唔放過」！
Photo from arhoTV @YouTube
事後拍片道歉，並更改購買NFT人士年齡必須夠18歲！
不過，Sunny同Creamy後來就拍片解釋重申希望大家係支持佢哋嘅藝術品而購買，並揚言唔鼓勵大家炒賣NFT！而佢哋亦新增限制將購買者嘅年齡提升到必須年滿18歲，並再三向觀眾道歉。
Photo from arhoTV @YouTube
Photo from arhoTV @YouTube
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
盤點過往8位YouTuber 黑歷史！人紅是非多？！有一半已經停更頻道
1 Feb , 2022
Photo from Pumpkin Jenn IG
1.雪姨
有「富貴KOL」之稱嘅雪姨早前因為將2間酒店同茶餐廳嘅盆菜作出比較，令唔少網民認為測試並唔公平，因此而惹起網民一面倒嘅負評。雖然兩度喺社交平台上道歉，但都未能平息大家嘅怒火！
Photo from 雪姨YouTube
Photo from 雪姨IG
就連佢有份籌備嘅新年「大乾爹」市集都因此而掀起退租潮，而雪姨最終亦決定：所有檔主都獲退還全額租金及有權選擇是否繼續參與市集；仲會將所有收益捐俾有需要嘅團體！
Photo from 雪姨IG
2.Pumpkin Jenn
Pumpkin Jenn 以分享美妝以及穿搭為主，豪爽以及陽光嘅形象成功吸引一班粉絲～但係就曾經被網民指責佢嘅藝術畫作疑似抄襲外國創作者，令唔少網民因此而感到反感！
Photo from Pumpkin Jenn IG
Photo from Pumpkin Jenn IG
事後佢一度停止經營自己嘅YouTube頻道，不過現時已經再度活躍於Youtube，仲同朋友一齊投資過百萬嘅自家護膚品牌。而佢2020年就已經獲男友歐喬鋒（Tyrese）@天堂鳥求婚，據悉二人正為籌備婚禮而努力賺錢中。
Photo from Pumpkin Jenn IG
3.Ming仔
Ming 仔因為上載《今日freestyle:每天自戀多一些》而獲得網民們嘅關注，訂閱人數曾經高達50萬人！其後，佢亦獲邀涉足影視界，包括客串電視劇《溝女不離三兄弟》、《三不如三》以及主持旅遊節目《一個人去旅行》。
Photo from Ming仔IG
Photo from Ming仔IG
2019年，Ming仔因為喺直播中多次失言，惹怒一班一直支持佢嘅粉絲，頓時痛失10萬粉絲。直到，現時佢依然會定時喺頻道上載影片，但熱度已經不如以前！
Photo from Ming仔IG
4.Alicehaha
Alicehaha 係一位美妝YouTuber，仲經常同網民分享好用嘅彩妝或者日用品等。後來，佢曾經嘗試經營網店，並且售賣疑似係高仿嘅外國品牌餐具俾客人，被網民批評「食水超深」！
Photo from aliceha IG
Photo from aliceha IG
另外，已經結婚成為人母嘅Alice仲被網民指責佢育兒方式，包括：餵人奶期間食減肥藥、將兒子放入漆黑房間「鎮定情緒」等都引起網民爭議。現時佢已經有接近1年時間冇更新過自己嘅頻道以及社交平台！
Photo from aliceha IG
5.屎萊姆
屎萊姆初時因為上載自己打機嘅影片而為人熟悉，後來就拍攝各種唔同嘅影片，例如：試食、旅遊、日常Vlog等。不過自從被遊戲實況主慕容大爆壟斷香港YouTube界利益，仲嘗試控制網絡輿論，引起網民熱議！
Photo from 屎萊姆IG
而影片中提及屎萊姆幕後有好強大嘅後台，包括：電競公司CGA、英皇、政府等，以及同佢合作嘅一班網紅簡稱「屎家軍」！其後，屎萊姆就拍攝影片一一否認事實，但就由於態度囂張，令網民對佢更加反感。自從該事件後，佢就再冇喺YouTube上載影片，但依然有更新IG！
Photo from 屎萊姆的3次元 @YouTube
Photo from 屎萊姆IG
6.「大佬B」呂倩萍
被稱為「大佬B」嘅呂倩萍係元老級嘅美妝YouTuber，過往因為模仿明星嘅妝容而出名，曾擁有逾20萬粉絲。後來，佢就開始創建自己嘅美容生活品牌，但就被網民指佢嘅其中一款隱形眼鏡同日本品牌非常相似，不過佢堅稱只係包裝相似，唔願意道歉，引起爭議！
Photo from brenlui @IG
Photo from brenlui @IG
除此之外，佢仲因為喺香港《多啦A夢》配音員林保全逝世嘅時候，拍攝化妝影片扮「叮噹」，令唔少網民都認為佢嘅行為係唔尊重逝者！
Photo from 連登討論區
7.Yaki Wong
Yaki Wong表示自己曾經整容逾30次，亦多次喺影片中講述有關嘅資訊，大膽豪爽嘅作風成功吸引唔少網民觀看影片。
Photo from Yaki Wong IG
Photo from Yaki Wong IG
不過有網民就認為佢過度鼓吹瘦身，仲經常喺影片中買廣告等，曾經一度成為網民熱議嘅對象。事到如今，佢已經接近1年冇更新過頻道，並且努力經營自己嘅醫美生意！
Photo from Yaki Wong IG
8. Spoon
Spoon以分享美妝以及服裝為主，憑著多樣化嘅風格成功吸引唔少女粉絲，亦獲邀出席唔少品牌活動。後來，佢喺IG出售自己嘅二手衫，但就被網民發現佢刻意抬高售價，引起網民不滿！
Photo from khengchan_ @IG
Photo from khengchan_ @IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
