超抵食！油麻地$68海參花膠撈麵 每日限量鮑魚撈麵＋鹿茸菌龍躉湯米線
油麻地「村爺爺龍蝦湯・泡飯・燉湯專家」以抵食足料的燉湯和泡飯見稱，供應超過30款湯品，招牌花膠螺頭雞煲翅連秋生哥也推介過，餐廳不定時會推出限定Menu，今季打頭陣有$68的海參花膠撈麵，以及每日限量發售的鮑魚撈麵，$70有找便歎到「鮑參翅肚」，想知有幾抵食即睇詳情！
油麻地「村爺爺龍蝦湯・泡飯・燉湯專家」
提到油麻地美食，泡飯專門店「村爺爺龍蝦湯・泡飯・燉湯專家」一定榜上有名，即使已經開業一段時間仍然人流多，每到午市和晚市時段，門外都會出現排隊人龍，舖頭內外都貼滿明星合照和媒體報導，便知來頭不小，憑著抵食又足料的燉湯和泡飯，成功儲落一班回頭客，不少食客幾乎每星期都會幫襯至少一次，大讚燉湯和泡飯夠足料無味精，而且價錢親民。
Photo from PressLogic
新推海參花膠撈麵
「村爺爺龍蝦湯・泡飯・燉湯專家」不定時會推出限定菜單，今季打頭陣有海參花膠撈麵及鮑魚撈麵，單看賣相便知份量絕不惹少，其中海參花膠撈麵用料絕不馬虎，一碗有齊花膠、原條海參和厚花菇，花膠厚身炆得軟腍入味，海參夠大條食落爽口彈牙，再配搭爽彈的伊麵和鮑汁同食相當惹味，而且價錢只是賣$68，以平民價錢就可以一次過歎齊花膠和海參，難怪食客們大讚抵食。
Photo from PressLogic
Photo from PressLogic
每日限量鮑魚撈麵
另外特別推出限定菜式鮑魚撈麵，用上新鮮的鮑魚，每隻鮑魚足足有拳頭般大，鮑魚肉質厚實帶鮮甜味，如此足料價錢都只是賣$68，CP值爆燈，不過想歎到鮑魚撈麵要特別留意，每日只限售10碗，每晚8時半開賣，各位打工仔收工前來都食到，記得bookmark定開賣時間！
Photo from PressLogic
鹿茸菌龍躉魚湯米線
小店出名湯品，所以一場來到必定要試它們的生滾湯，店內供應超過30款湯品，選擇非常豐富，而且會推陳出新，近日小店新推鹿茸菌龍躉魚湯米線，龍躉魚每日新鮮在街市購入和處理，裏面有齊鹿茸菌、黑魚片和龍躉魚，湯頭飲落鮮甜濃郁，充滿膠質夠滋補，龍躉魚特別選用龍躉頭腩的位置，食落爽滑鮮甜。
Photo from PressLogic
Photo from PressLogic
價錢方面只是賣$58，還可以揀選多一款餸和時菜，配料方面推介肉眼筋和豬頸肉，是店舖每日新鮮購入，無經過調味，食落肉質鮮爽，平時來舖頭通常都是食泡飯，其實配米線一樣出色。
Photo from PressLogic
招牌花膠螺頭雞煲翅
不過要數到舖頭招牌，一定是花膠螺頭雞煲翅，連影帝秋生哥也推介過就知有多巴閉，湯底用上多隻雞及豬骨等多款材料熬煮16小時而成，飲落鮮甜濃郁，配料有齊半隻雞、花膠和螺頭，雞肉肉質嫩滑，而且吸盡湯底精華。
Photo from PressLogic
生滾龍蝦湯
不少食客都特別推介招牌生滾龍蝦湯，湯底以豬骨、雞和龍蝦殼熬煮，湯頭飲落鮮味突出，上枱時賣相已經夠震憾，大大隻開邊龍蝦，還有齊帆立貝、青口、墨魚仔和日本蜆肉，如此足料只售$138，價錢親民，難怪俘虜一眾食客的胃。
Photo from PressLogic
小食推介：鵝腸＋消暑特飲
店內供應多款特色小食，包括墨魚手指拼魚腐、南乳炸雞翼、豬求其和鵝腸等，其中鵝腸皇就最受歡迎，鵝腸爽脆無渣，蘸上自家製辣椒豉油同食夠惹味，最後再歎杯果汁梳打特飲，消暑一流！
Photo from PressLogic
Photo from PressLogic
村爺爺龍蝦湯・泡飯・燉湯專家
營業時間 11:30am-11pm
電話：6395 6703
地址：油麻地砵蘭街72號地下
更多【美食推介】請按此
相關文章：
相關文章：
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
