港男分享於英國工作感受！列出4大優點 25日AL/準時收工！網民認為：視乎咩工種

近年，唔少港人都會選擇移民，而大家普遍都對能否盡快適應新環境而感到憂慮。最近，一名港男喺討論區大談移民英國後嘅工作感受，大讚宜家工作壓力比以前少，並分享自己嘅搵工經歷及好處等，希望為想向外闖嘅網民們提供參考～

Photo from 《大叔的愛》

港男分享移民英國後工作感受！

香港近年掀起移民潮，其中英國唔少人選擇嘅熱門地方；然而喺踏入新環境前，大家都難免會感到憂慮。日前，有位港男喺討論區向大家分享移民英國後嘅工作經歷，大談現時工作嘅優點！

Photo from 連登討論區

認為搵工比想象中易？！

現時26歲嘅港男表示自己係隻身移民英國，慶幸搵屋嘅過程都非常順利，不過就揚言喺搵到工前已經用咗接近10萬蚊；並坦承喺香港同父母同住，宜家獨自居住嘅花費的確令每個月嘅儲蓄減少。而佢本身已經喺香港從事IT行業3-4年，去到搵咗約2-3個月就成功搵到工作！

Photo from 《跟你老婆去旅行》劇照

Photo from 《她很漂亮》劇照

坦承年薪比香港高

港男表示搵工較易都可能同從事嘅行業有關，認為英國似乎比較重視IT嘅員工，表示人工比佢過往喺香港嘅時候多，一年嘅稅前收入大約係6萬英鎊（逾57萬港幣）；建議網民移民前先好好練習英文幫助搵工，並分享現時份工嘅優點！

Photo from 連登討論區

Photo from 《IT狗》

工作壓力低，超準時收工

港男指現時份工足足有25日Annual leave（年假），不過佢就備註英國嘅公眾假期相對比較少。而且佢話英國非常講求 Work-life balance（工作與生活平衡），所以大家幾乎一到放工時間就會立刻走；同香港嘅OT文化有好大差別。加上現時工作環境夠輕鬆，工作量比以前少，所以都令佢嘅工作壓力比較少！

Photo from 《我要準時下班》

網民表示超羨慕

唔少網民聽到之後都表示非常羨慕港男，認為外國嘅職場文化的確係比較輕鬆「起碼有返生活先」、「放工老闆走得仲快過你」等；亦有部份有意想移英嘅網民討論有關工作嘅話題。

Photo from 連登討論區

Photo from 《未生》

部份網民認為與從事行業有關！

不過部份網民就認為搵工嘅難易度同從事嘅行業息息相關，認為IT行業去到外國的確比較吃香，但其他行業就似乎有啲困難；而且可唔可以準時放工都要視乎公司嘅類型，網民分享「我聽好多文職嘅朋友，日日都做到冇停手」等。

Photo from 連登討論區

Photo from 《上司實習生》

相關文章：高薪厚職港爸賣樓移民英國，卻只能搵基層工作！最終決定回流返港！網民理性分析呢2類人更適合移民？

相關文章：網民列出8個移民英國好處！ 感嘆香港生活壓抑：終於似返個人！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港男徵伴侶移民英國！自稱40歲單身寡佬、英文超差、有經濟能力

11 May , 2022

近年好多香港人選擇移民，英國係其中一個熱門地方。近日Facebook群組有男士「徵友」作伴一齊去英國，佢列出自己嘅條件，稱年逾40歲、單身，更承諾伴侶即使唔做嘢都願意照顧埋佢！

Photo from HolidaySmart

港男發文徵伴侶移民英國

香港近年掀起移民潮，唔少港人都選擇到英國發展，不過人在外地開展新生活，都會希望有人作伴。喺Facebook群組「大埔人大埔谷」就有網民發文徵友。

Photo from 《北京遇上西雅圖之不二情書》劇照

自稱40歲單身、英文差，但有經濟能力

佢指自己40歲出頭，單身寡佬、英文超差，想搵個伴一齊去英國。雖然英文唔好，但佢自稱有足夠財力：「經濟能力方面妳無我有，我可以照顧妳」，揚言即使對方唔使做嘢都夠生活。

Photo from 《特務打爆機》劇照

唔想外地一人終老，要求伴侶係大埔人

不過佢亦表示希望移民時間可以遷就佢，畀佢考埋個車牌先。網民又提到佢之所以想搵個伴侶一齊移民，全因「一把年紀人在外地唔想一人終老」。

Photo from 《北京遇上西雅圖之不二情書》劇照

網民提出因為自己係大埔人，所以盡量想搵返同為大埔人一齊走，又補充指：「最好同村長大」，佢強調「邊個國家都唔愛，只愛自己人生。」

Photo from 《太陽的後裔》劇照

Photo from Facebook群組「大埔人大埔谷」

網民：男士得唔得？

樓主呼籲有意者同佢聯絡。不過就關閉咗留言功能，有網友cap圖後另開新post討論佢嘅帖文，雖然樓主無標明作伴人嘅性別要求，不過似乎網民已默認係女伴：「想問佢男男可唔可以」、「男得唔得？」，有網民幽默回覆：「關回覆『公能』，咁男士都應該得」

Photo from Facebook群組「大埔人大埔谷」

Photo from 《輪到你了》劇照

Photo from Facebook群組「大埔人大埔谷」

又有網民指佢英文唔好但又移民英國點確定到自己一定可以照顧埋另一半，建議佢上下英文班先去英國，有網民則表示好似睇緊以前啲「登報尋偶」廣告咁。

Photo from 《單身男女》劇照

Photo from Facebook群組「大埔人大埔谷」

Photo from Facebook群組「大埔人大埔谷」

相關文章：高薪厚職港爸賣樓移民英國，卻只能搵基層工作！最終決定回流返港！網民理性分析呢2類人更適合移民？

相關文章：41歲單身男網上公開徵友，自稱坐擁3個物業！列出4大擇偶條件！成功交往將會送贈iPhone13？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章