你好香港｜北上藝人獲邀接受回歸25週年訪問！陳偉霆對黃河情有獨鍾/容祖兒到內地工作感到榮幸！
為慶祝7月1日香港回歸25週年，內地傳媒《人民日報》推出《你好，香港》系列嘅人物訪談短片，並邀請咗香港各界嘅名人講述25年來嘅變化，當中歌手容祖兒、謝霆鋒、陳偉霆、金牌經理人霍汶希（Mani)等娛樂圈嘅名人都有份受訪。
Photo from 《你好，香港》
《你好，香港》邀請香港各界名人接受訪問！
聽日（7月1日）就係香港回歸25週年，而內地官媒《人民日報》早前就陸續推出《你好，香港》系列嘅單獨訪談短片，邀請咗香港各界嘅名人等佢哋講述喺香港嘅經歷及變化。當中亦有唔少娛樂圈嘅藝人獲得邀請，不過大部分受訪嘅藝人都已經北上發展。
Photo from 《你好，香港》
容祖兒：回歸後我的人生改變了好多
容祖兒率先分享香港回歸後，自己身上嘅巨大變化「97之前我還是一個求學的學生，但是踏入1997後我的人生就改變了這麼多。」佢憶述2004年第一次去內地工作，出席春節聯歡晚會演唱成名歌《揮著翅膀的女孩》，能夠初上內地春晚嘅大舞台感到非常震撼，認為能夠獲邀出席「簡直是個夢」！
Photo from 《你好，香港》
Photo from 《你好，香港》
近年佢喺內地嘅工作量越來越多，佢表示希望成為橋樑「把我在香港累積的經驗分享給內地的朋友，希望以後再把在這裏（內地）得到的帶回香港」，希望能夠把握推廣港樂嘅機會！
Photo from 《你好，香港》
Photo from 《你好，香港》
謝霆鋒認為自己有責任推廣中餐！
最近成為動作導演嘅謝霆鋒認為現時越來越少動作電影，而且動作演員嘅數量好少，感到十分可惜；強調內地功夫及香港動作電影係佢會用最大嘅努力去保留嘅！而熱愛展示廚藝嘅佢覺得推廣中式菜嘅重要性，認為菜色之所以咁好食係因為歷史悠久，認為自己有責任將菜色發揚光大，仲講到眼濕濕，似乎真係好愛中菜～
Photo from 《你好，香港》
Photo from 《你好，香港》
陳偉霆激動到訪黃河！
陳偉霆一開始就好感恩咁話「覺得自己很幸運，因為我在一個最好的時代、最好的地方」，認為大家只要唔放棄就能夠順利獲得想要嘅東西！佢亦話小時候經常都會喺課本上見到內地著名嘅景點，當時身在香港嘅佢會覺得同佢哋十分遙遠。直到最近佢因為工作有機會親身到訪黃河，佢就忍唔住走近黃河摸一下啲水「我終於碰到你了」情緒激動！
Photo from 《你好，香港》
陳偉霆表示自己曾煩惱應該喺香港或內地定居，最終選擇於北京居住，認為該地方能夠提供「家的感覺」俾佢！
Photo from 《你好，香港》
Photo from 《你好，香港》
霍汶希上年全面搬到內地居住
著名經理人霍汶希（Mani）喺香港事業發展順利，直到2011年決定返內地工作，而佢就話當時係希望可以將香港市場同其他更大嘅地方作出交流。然而，佢回憶起剛剛到內地由零開始嘅辛酸「從低做起，每日好似場記咁執頭執尾」，最終都成功建立自己嘅事業！而佢話自己上年已經全面搬去北京居住，大讚當地環境同人都好好！
Photo from 《你好，香港》
Photo from 《你好，香港》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
《斛珠夫人》陳偉霆古裝造型劣評如潮？超高髮際線+觸鬚瀏海！破顏值新低
4 Nov , 2021
陳偉霆（William）同楊冪主演嘅古裝劇《斛珠夫人》即將開播，日前公開咗預告片，隨即引起網友熱議，喺內地人氣爆燈嘅William罕有被指造型唔好睇，有網友更直言佢喺劇中嘅髮型十分奇怪！
Photo from 《斛珠夫人》
陳偉霆內地爆紅，片酬曾高達1億
現年35歲嘅陳偉霆2013年北上發展，出演《古劍奇譚》後慢慢累積人氣，目前喺內地佢已躋身成一線小生，微博粉絲超高4,000萬。
Photo from 《斛珠夫人》
晉身成炙手可熱嘅男星，人氣高企William佢身價暴脹，有指佢拍劇片酬曾高達1億，不過喺「限薪令」同疫情影響下，傳新劇《斛珠夫人》佢嘅片酬大減7成，由1億減至3千萬人民幣。
Photo from 《活色生香》
楊冪陳偉霆主演古裝重頭劇《斛珠夫人》劇情曝光
《斛珠夫人》改編自同名小說，由內地一線花旦楊冪擔演第一女主角，而陳偉霆則出演男主角，係內地2021年嘅重頭劇。有楊冪同陳偉霆做主角，早喺開播之前已有唔少網民十分期待。
Photo from 《斛珠夫人》
楊冪飾演父母雙亡嘅少女「海市」，被陳偉霆飾演嘅第一權臣「方諸」所救，於是男扮女裝，成為方諸嘅徒弟，兩人其後互生情愫，不過後來因為朝廷陰謀，楊冪飾演嘅「海市」最終入官為妃。
Photo from 《斛珠夫人》
Photo from 《斛珠夫人》
Photo from 《斛珠夫人》
《斛珠夫人》預告公開，陳偉霆披髮造型被批奇怪
近日片方公開咗預告片，即時掀起網友熱議。陳偉霆嘅角色背負住整個朝廷，平時亦十分嚴肅，佢喺預告有唔同嘅造型，但就被網友嫌棄，直言佢新劇造型唔掂！
Photo from 《斛珠夫人》
其實陳偉霆嘅束冠造型都算正常，但披髮就被網友狂批，原因係披髮留咗兩條好似負離子咁直嘅「昆蟲觸鬚瀏海」，再加上超高嘅髮際線，網友直言造型非常違和，而且令額頭更加突出。
Photo from 《斛珠夫人》
Photo from 《斛珠夫人》
Photo from 《斛珠夫人》
Photo from 《斛珠夫人》
不過內地古裝劇唔少男演員都係呢種髮型，甚至林峯喺17年前嘅電視劇《大唐雙龍傳》都係留昆蟲觸鬚瀏海，陳偉霆呢個髮型應該尚算合理。
Photo from 《陳情令》
Photo from 《香蜜沉沉燼如霜》
Photo from 《大唐雙龍傳》
但唔知係咪因為個頭套太緊，十分貼頭皮，顯得臉型浮腫，有網友質疑頭套細咗一個碼，搞到陳偉霆面部比例更大。
Photo from 《斛珠夫人》
Photo from 《斛珠夫人》
網民發現《斛珠夫人》後製幫楊冪「P圖修眉」
《斛珠夫人》喺1年前已公開過先導預告，最新發佈嘅「煉情版預告」就有眼利網民發現劇組後製竟然幫手P圖，為女主角楊冪修眉！
先導預告：
Photo from 《斛珠夫人》
煉情版預告：
Photo from 《斛珠夫人》
對比先導預告同煉情版預告，楊冪嘅眉毛明顯變得更精緻，除咗感歎後製嘅功力外，亦不得不佩服網友強大嘅觀察力。
先導預告：
Photo from 《斛珠夫人》
煉情版預告：
Photo from 《斛珠夫人》
Photo from 《斛珠夫人》
陳偉霆髮型常有突破
陳偉霆一向喺髮型上經常尋求突破，唔單止染過各式各樣嘅髮色：粉紅色、藍色、橙色，又試過剪平頭，反應都唔錯，網友仲大讚佢咩髮型都carry到，今次呢個「負離子披髮造型」劣評如潮，有網民表示佢唔適合古裝。
Photo from 陳偉霆微博
Photo from 陳偉霆微博
Photo from 陳偉霆微博
Photo from 豆瓣
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
