盤點男女穿搭地雷區大不同，網民話最緊要揀啱自己、著得舒服！

潮流變得咁快，fashion嘅野真係唔係個個識欣賞，有網友就係網上發表一篇文章，話男生睇唔明嘅女生穿搭，網民除咗紛紛表示同意之外仲要求整返個女仔睇唔明男仔版嘅地雷穿搭，睇完超有同感！

Photo from 《校閱女孩》 劇照

有位台灣網友係討論區分享自己女朋友成日話自己係「直男」，連穿搭上都唔明女朋友諗咩，於是就列咗八個「男生也看不懂的女生地雷穿搭」！

男生不懂女生版

1. Choker

Choker係指戴係鎖骨以上、緊貼條頸嘅頸鏈，網友話Choker係地表上男生都唔明嘅配搭！仲話同女朋友約會見佢著咗黑色連身裙覺得好正，但抬頭見到條Choker就本能咁問：「這是狗鍊嗎？」仲笑稱從此就無過正眼望過女朋友。呢兩年的確好興Choker，但爭議性依然都係咁大，因為唔少女仔都覺得Choker又易襯又好睇！不過對於男仔黎講差唔多九成都會覺得似狗鍊…

Photo from Dcard 截圖

Photo from Dcard 截圖

2. 寬褲

網友話有一款闊腳褲係得一條橡筋無修腰，著起黎真係好似著睡褲出街，如果上半身再加一件鬆身嘅T-shirt就更加似岩岩訓醒，亦話比較矮嘅女仔著完顯得更細粒同無精神。不過女仔通常都係覺得真係好舒服！

Photo from Dcard 截圖

3. 碎花衫

樓主表示自己覺得碎花衫好日系，係身邊朋友覺得碎花衫著完好似阿婆！不過佢就提到碎花衫好睇個人氣質，同埋好視乎碎花嘅花紋，某啲碎花嘅花紋好似80年代嘅窗簾，如果加上大紅大紫嘅配色仲好似「行走的窗簾」。

Photo from Dcard 截圖

4. 單車褲

單車褲通常會顯得下半身好臃腫，仲會顯得個人嘅線條好奇怪，而且話長唔長、話短唔短，完全係會將缺點放大嘅五分褲。不過佢又話係健身室見到有做開gym嘅女仔著又覺得OK，所以好睇個人造化！

Photo from Dcard 截圖

5. 各種動物紋的衣服

豹紋、斑馬紋、乳牛紋樓主都表示接受不能，佢話動物紋風格比較強烈，總係會有風情萬種嘅感覺，某啲配色仲會有好似「舞會阿伯」嘅感覺！不過有女網友就覺得乳牛褲明明好可愛。

Photo from Dcard 截圖

Photo from Dcard 截圖

Photo from Dcard 截圖

6. 老爹鞋

老爹鞋其實係運動鞋嘅一種復古款，叫老爹鞋係因為好似80年代爸爸爺爺間流行著嘅鞋款。樓主話老爹鞋好似台灣不良少年嘅標準配置，女仔著完就有一對巨人國嘅腳，因為呢種鞋無論係正面、側面都顯得鞋身又大又厚，就算係名牌樓主都表示「送也不要」。而女網友就話會顯腳長同腳幼，但都有部分女網友難得地比較認同樓主嘅意見，更加笑稱著完好似打咗石膏！

Photo from Dcard 截圖

Photo from Dcard 截圖

Photo from Dcard 截圖

Photo from Dcard 截圖

7. 爛褲

樓主表示爛褲、爛牛等，爛少少都可以接受，但如果係爛到有一堆流蘇又或者好大個窿，就會令人好想幫佢補返條褲！而且會比人一種「小屁孩」嘅感覺！

Photo from Dcard 截圖

Photo from Dcard 截圖

8. 超厚羽絨外套

樓主話覺得著完好似「米其林寶寶」，又指台灣嘅天氣根本唔需要呢種外套，加上如果係鮮豔嘅配色就更加似阿婆去街市嘅穿搭，著上身仲顯得好臃腫，重點係仲好似賣得好貴？

Photo from 米其林

Photo from Dcard 截圖

樓主最後就分享同一般男仔一樣，比較鍾意女仔著緊身上衣、短裙，又或者係簡約風嘅穿搭。而呢篇文章引起大部分男生認同，亦都話完全見到男女審美大不同，於是大批網友就敲碗出一篇「女生也看不懂男生的地雷穿搭」！

Photo from Dcard 截圖

女生不懂男生版

1. 暗黑系T-shirt

女網友就分享暗黑系Tee令人覺得「這個人很抑鬱」，著完之後有種不良少年自以為好潮嘅感覺﹐加上超搞笑配圖，更稱「翅膀是穿了會飛起來嗎」。

Photo from Dcard 截圖

Photo from Dcard 截圖

2. 鉛筆褲

以前曾經非常流行嘅褲款，網友表示全黑或者素色嘅都還好，偏偏街上面嘅人都會著好奇怪嘅顏色，或者亂咁設計做爛褲，如果係上身比較健碩對腳比較幼嘅男仔著，就會好似「行走的豬血糕」。

Photo from Dcard 截圖

Photo from Dcard 截圖

3. 手拿包

網友話通常用手拎包最後都會變成用腋下夾住，睇落好似驚比人搶錢咁，而且夏天感覺會變臭！又以女仔嘅腋下包做例子，指雖然個袋有條比較短嘅帶，袋同腋下有段安全距離。

Photo from Dcard 截圖

Photo from Dcard 截圖

Photo from Dcard 截圖

4. 短袖入面著長袖

網友話以前歐美電視嘅小朋友好興咁著，自己完全唔明點解要咁襯，亦建議穿搭嘅新手唔好嘗試、越級打怪，因為呢個著法實在太睇個人風格。

Photo from Dcard 截圖

Photo from Dcard 截圖

5. 開口開到勁低嘅背心

樓主只用「無法接受」四個字形容，就算係身材幾好都無法理解。

Photo from Dcard 截圖

Photo from Dcard 截圖

6. 短袖連帽衫

夏天見到短袖衫加帽會感覺後面頂帽好笨重好熱，而且樓主表示男仔仲好鍾意加一條不明所以嘅頸鏈？有啲仲會設計到加上拼布、補丁，令人感覺好多餘，「街頭風變街頭流浪風」。

Photo from Dcard 截圖

Photo from Dcard 截圖

Photo from Dcard 截圖

7. Polo衫

樓主話Polo衫剪裁較貼身、袖口有束帶，可以突顯身材優勢，亦容易突顯身材劣勢，如果儀態唔好會更放大「沒精神、疲態」嘅感覺，平時都係少著為妙。

Photo from Dcard 截圖

Photo from 淘寶 截圖

Photo from Dcard 截圖

Photo from Dcard 截圖

8. 飛鼠褲

著上身會顯得上半身非常長，而對腳得返好短，表示唔明係咪為咗似嘻哈街舞風定係著咗會涼爽啲，總之會顯得個人嘅比例好奇怪。

Photo from Dcard 截圖

而呢篇文嘅作者就話以上係比較主觀嘅意見，同埋好多時唔係服飾本身嘅問題，而係對自己嘅身材、風格認識唔夠，所以先會出現令人覺得奇怪嘅感覺。網友都認為揀衫要揀適合自己同符合自己氣質，亦有網友覺得只要自己著得舒服就可以，唔需要太介意其他人嘅睇法。

Photo from Dcard 截圖

Photo from Dcard 截圖

Photo from Dcard 截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）