打工仔拒食散水餅被斥無禮貌！委屈解釋原因，網友反應各異
Photo from 《大叔的愛》劇照
高層派散水餅，打工仔卻婉拒
香港討論區有網民以「我唔食散水餅=我冇禮貌???」為題開post，佢表示自己公司有高層離職，last day當日對方就向各位同事大派散水餅，而樓主就並無拎到，結果之後返工被上司叫入房「照肺」！
Photo from 《IT狗》劇照
其實派散水餅好多時都會派同一種餅，甚少會專登準備幾種口味以迎合同事唔同嘅取向，如果唔啱食就可能會有人選擇唔攞，樓主就拒攞對方嘅散水餅，但估唔到竟然會被上司鬧。
Photo from 《守護Boss》劇照
Photo from 《我們與惡的距離》劇照
打工仔自稱唔中意食芝士，被上司斥無禮貌
上司表示樓主咁做好無禮貌，而樓主就委屈稱對方派嘅散水餅係有芝士嘅，而樓主本身唔太中意食芝士，於是當對方行埋嚟時佢就婉拒，並表示：「我唔食芝士，不過多謝你～」樓主強調佢係有禮貌回應，當時亦覺得嗰位高層唔係好介意。
Photo from 《我要準時下班》劇照
然而上司卻指樓主應該點都攞咗散水餅先，就算自己唔食都可以叫其他同事幫手食咗佢。但樓主就認為自己攞完唔食仲無禮貌，無奈指：「呢啲所謂嘅人情世顧真心唔理解」
Photo from 《大叔的愛》劇照
Photo from 《歡樂頌》劇照
網民大讚上司好好人
網友各有唔同意見，唔少人都認同樓主上司嘅做法，覺得應該點都攞咗先：「有時係要做俾人睇，小心人言可畏」、「咁真係唔係幾好既，先接受佢既心意，唔食再處理啦。」有網民稱買散水餅通常都按人頭一人一件，如果有幾個同事話唔食，拎住剩返個啲餅就會好尷尬，呼籲佢將心比己。
Photo from 香港討論區
Photo from 《我要準時下班》劇照
不過亦有網友稱拎完唔食更加無禮貌，而且仲浪費食物，如果拎咗無同事願意食多一件餅、自己又唔食、又唔可以扔咗佢，咁件餅就好難處理到。
Photo from 香港討論區
Photo from 《大叔的愛》劇照
有人就指樓主嘅上司好好，本來佢大可以唔理呢件事，但佢突登叫樓主入房仲教佢呢啲職場嘅人事處理方法：「你（樓主）收埋人工嚟學做人道理。」
Photo from 香港討論區
Photo from 《上司實習生》劇照
Photo from 香港討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港男打工10年僅1萬月薪憤而辭職！last day無買散水餅竟被同事串：西餅都買唔起呀？！
18 Aug 2021
喺同一間公司工作10年理應會得到老闆重視，但日前一位打工仔就指佢人工僅得$1萬，到佢辭職當日老細更指佢一定會後悔，就連同事都因為佢無買散水餅而嘲：「西餅都買唔起呀？！」
Photo from TVB
last day派散水餅畀同事算係辦公室一項不成文規矩，甚至有人會認為一種禮儀。日前有網友喺Facebook專頁「奴工處」投搞指「畀同事串我連散水餅都買唔起」。
Photo from TVB
Photo from TVB
事主表示自己已經做咗同一間公司10年，人工只得$1萬，咁多年嚟由好開心做到好心淡，喺6月嘅時候佢因為受到不公平對待決定辭職。
Photo from TVB
Photo from TVB
事主深感自己人工低：「重要我硬食咁多下欄嘢」，但老闆收咗佢辭職信後就指佢一定會後悔，事主：「我叫佢放心，我唔會後悔」，之後又同同事講自己辭職嘅事：「多謝大家，我決定辭職啦，大家唔需要破費去同我搞歡送」
Photo from 大叔的愛
點知佢老闆開始安排事主獨自工作，喺佢一個人做嘢嘅時候，其他同事就喺茶水間齊齊開party，細聲講大聲笑，令事主非常無奈。
Photo from TVB
到last day當日，事主無買到散水餅，喺佢行出公司大門嗰陣，同事竟大聲問：「做咗咁多年，唔係連60件西餅都買唔起呀？請唔起全公司，請我哋呢team人都好呀，計埋都係10個之嘛！」
Photo from TVB
事主聽完都唔識點反應，最後就話：「當初我都講明唔使大家破費同我搞歡送，原因係我唔想虧欠大家，所以根本唔使請大家食散水餅！」
Photo from TVB
唔少網友都支持事主唔使買散水餅：「依家個風氣好似派乜都錯咁，普通蛋糕又比人話cheap, 唔派又話」、「俾著我就寸返佢地話........好肉酸呀~ 咁大個人嚮度R餅食」、「錢唔係用嚟咁嘥嘅～你自己食咗佢好過啦！」
Photo from 奴工處Facebook
Photo from 奴工處Facebook
Photo from 奴工處Facebook
亦有人對於事主得嗰$1萬人工都肯做10年感奇怪：「比老細睇死你唔會走咪唔加人工囉」、「做左10年先得一萬？都好無大志喎」、「我覺得本身樓主可能都要睇返自己係咪有d野做得唔好,,,,第一做左十年都係10k都奇怪」
Photo from 奴工處Facebook
Photo from 奴工處Facebook
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
