52歲大媽出演相親節目，自認樣靚身材正！主動向69歲伯伯示愛慘遭拒絕！擇偶條件令在場男士卻步？
現時社會出現「遲婚」現象，根據過往統計處嘅資料顯示，香港男女嘅初婚年齡已經突破30歲。最近，一位52歲嘅內地大媽參加相親節目搵男友，而佢就非常有自信咁表示「長的漂亮就是我的本錢」；但佢公開列出擇偶條件後，卻竟然令男士們卻步？！
Photo from 《選擇》
52歲大媽參加內地相親節目
當大家喺現實生活中搵唔到伴侶嘅時候，可能都會嘗試參加各種嘅相親活動。日前，一名52歲陳姓大媽出演內地相親節目《選擇》，對外表十分有自信嘅佢自稱「美魔女」，而佢嘅外型同身材都的確保養得宜，要搵到男友似乎並冇難度～
Photo from 《選擇》
外型條件不錯，追求者眾多
根據內地傳媒報導，陳女士曾經有過一段婚姻，但現時已經回復單身。而本身懂得打扮、性格風趣幽默嘅佢異性緣唔錯，身邊不乏追求者，但就係偏偏未能搵到條件相符嘅男士！
Photo from 微博
現時大多用父母退休金維持生活！
陳女士透露現時自己冇屋冇車，月薪得2,000人民幣（約港幣$2,340），當主持人詢問佢「那兩千多夠生活嗎？」，而佢就立刻表示唔夠「有點慚愧，有一丟丟啃老（花費父母嘅金錢）。」而佢就表示父母嘅經濟狀況幾好「我媽知道我不夠就會給我」。
Photo from 《選擇》
Photo from 《選擇》
強調自己：並非無底線的物質女！
但陳女士話自己「不是無底線的物質女」，坦承過往拍過3次拖。頭兩次都並冇花過男友嘅錢，反而係俾錢嗰個；直到第3任係因為離婚先向對方索取3萬人民幣！
Photo from 《選擇》
Photo from 《選擇》
列出2大擇偶條件後，令在場男士卻步？
而陳女士率先大晒自身優點，認為身上最有自信嘅就係佢嘅外表「我長得漂亮，能讓男人臉上有光。娶我不吃虧，我還有個有趣的靈魂。」認為對另一半而言，佢係一位好朋友亦係好女友，絕對稱得上係「優質」！而佢就公開擇偶條件，要求對方係有錢人或拆遷戶（即已擁有房屋男士），令節目中嘅男士都卻步。
Photo from 《選擇》
主動追求69歲男出演者，卻遭拒絕！
節目中，陳女士似乎對其中一位男出演者幾滿意，對方係69歲嘅朱伯伯，原本任職翻譯員，現時已經退休。當二人正式面對面見面時，陳女士超主動釋出好感；而男士亦因為佢所列出嘅擇偶條件而記得佢。但男士就非常直接咁話「我們不是一類人」，拒絕同佢進一步互相了解。
Photo from 《選擇》
Photo from 《選擇》
Photo from 《選擇》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
疫情下封區撮合2對相親男女？！突然被迫同居！兩對CP結局截然不同
18 Jan , 2022
Photo from TVB
# 28歲女子相親卻被迫與對方同居？！
相信大家都會認同「相遇係一種緣分」，但能否同心儀對象繼續發展落去就要視乎情況喇～日前，來自陝西嘅女子就回鄉相親，但卻竟然因為突然封城嘅關係，而被迫喺第一次見面嘅男士屋企同居幾乎一個月？！
Photo from 微博
# 二人去年12月認識！
根據媒體報導，28歲趙曉青表示相親喺親戚安排嘅，並因此而初次認識男子趙飛。二人上年12月頭第一次見面，當時係男方拜訪女方屋企，並且同佢嘅父母一齊食飯。
Photo from 微博
# 開展接近1個月同居生活！
直到12月中，今次就到趙曉青飛往男方嘅家鄉咸陽，預備同對方見面，而佢當時亦因為覺得初次見面非常尷尬，所以就決定唔會留宿。然而，計畫趕不上變化！趙飛所居住嘅社區因為爆發疫情而需要臨時封閉，而佢就被迫要居住喺男方屋企，開展咗長達接近1個月嘅「同居」生活！
Photo from 微博
# 男方父母催婚，遭女方婉拒！
趙曉青表示「一開始很尷尬，但他們都很好人，慢慢就適應了！」，並融入對方嘅家庭環境中。而男方父母喺同居一個星期後，就已經催促兩人盡快結婚，不過趙曉青覺得過於急促而婉拒對方！
Photo from 微博
# 二人日久生情，決定解封後訂婚！
隨住同男方相處嘅日子變長，趙曉青發現佢哋唔單止樣貌有啲相似，就連愛好同觀念都非常一致，兩人因此成為情侶！其中男生最令佢感動嘅行為就係「我晚上要直播賣蘋果，不論多晚他都會陪我！」，仲決定解封後就會訂婚！
Photo from 微博
Photo from 微博
# 網民反應兩極！
呢段由疫情所撮合嘅戀情，引起網民熱議。有網民就認為兩人非常合襯，覺得佢哋嘅緣分一定好深「真的是命中註定！」；但亦有網民認為成件事只係炒作，質疑相親點解會去人屋企，並認為女生係想為自己嘅直播增加點擊率？！
Photo from 微博
Photo from 微博
# 28歲王小姐被迫與第一次見面對象同居！
而另一位來自河南鄭州嘅28歲OL王小姐就第一次同相親對象孫先生見面，並相約喺佢屋企食晚飯。點知，當王小姐預備離開嘅時候，卻發現該小區被劃分成隔離區域，所有人都唔可以進出，令佢突然要住喺獨居嘅男士家中！
Photo from 微博
Photo from 微博
# 意外發現住家男一面！
喺兩人「同居」期間，王小姐不時都會拍攝影片，仲意外發現男子溫柔嘅另一面，例如：主動讓張床比佢、做家務等。而佢仲大讚男方廚藝了得「每天都餵飽我！」，令網民不禁想入非非！雖然同相親對象共處一室，但佢就話兩人並冇因此而變得熟絡，依然非常尷尬。睇嚟呢pair距離真係交往仲需要一啲時間喇～
Photo from 微博
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
