西貢綠蛋島半日浮潛體驗優惠，$448/位探索海洋世界兼遊西貢景點

夏天一定唔少得水上活動，如果可以直頭浸埋落水就更加消暑啦！悠揚假期推低至$448一位嘅西貢綠蛋島半日浮潛遊，有專業教練指導，仲送浮潛裝備，一路玩一邊遊覽西貢！

#浮潛探索海洋世界

綠蛋島有清澈見底嘅海水，更加有「玻璃水」嘅美譽，而且海底有多種珊瑚、小丑魚、八爪魚、海葵蝦、蟹等海洋生物，絕對係香港浮潛勝地，可以飽覽西貢嘅海底世界，估唔到唔洗出國都可以用眼睛旅行！

#專業教練指導

PADI教練會講解浮潛理論，親身指導點樣控制身體浮力同埋呼吸技巧﹐最啱一家大細同三五知己一齊去，不過6歲以上嘅小朋友先可以去玩，而且無論大人定細路都略識游水先好參加呀！

#遊覽西貢景點

專業導遊會帶領大家行西貢嘅精選景點，包括西貢公眾碼頭、西貢咖啡室、火山探知館、萬年街壁畫等，豐富行程絕對滿足！

#$448/位可選時間

悠揚假期今次推出嘅優惠只需$448就包浮潛同西貢半日遊，可以揀早上8:15或者11:30出發，早團會先玩浮潛再行西貢景點，而中午團就相反行完景點再去浮潛！

早團(8:15出發)

• 集合地點：西貢公眾碼頭
• 集合時間：08:00 AM
• 解散地點：西貢咖啡室
• 解散時間：03:00 PM

1. 專業導遊/領隊接待 - 西貢公眾碼頭集合及登船
2. PADI教練講解浮潛理論
3. 浮力控制及呼吸技巧，暢玩綠蛋島浮潛遊
4. 西貢咖啡室享用午餐
5. 自由前往萬年街壁畫打卡遊
6. 火山探知館遊覽及解散

中午團(11:30出發)

• 集合地點：西貢火山探知館
• 集合時間：11:30 AM
• 解散地點：西貢火山探知館
• 解散時間：04:15 PM

1. 專業導遊/領隊接待 - 西貢火山探知館集合
2. 自由前往萬年街壁畫打卡遊、購買輕食
3. PADI教練講解浮潛理論
4. 浮力控制及呼吸技巧，暢玩綠蛋島浮潛遊
5. 西貢咖啡室享用下午茶及解散

優惠仲會送西貢Cafe嘅消費劵(價值$60)、防水袋同呼吸管，而且浮湣亦都會提供助浮衣同面鏡比參加者借用，唔洗專登買設備，夠哂方便！

#浮潛注意事項

雖然價格包哂浮潛所需裝備，不過想參加記得自備防曬用品、泳衣、毛巾、可濕水的膠鞋等！珊瑚非常脆弱而且生長緩慢，浮潛嘅時候亦要小心唔好踢到珊瑚，亦唔好隨便觸摸海洋生物，同埋記住唔好用含傷害珊瑚成分嘅防曬用品呀！

Photo from 情侶一齊玩浮潛增進感情

優惠期由即日起至2022年8月28日，要留意優惠可用日期，部分日子亦只限早團/中午團，記住係7日或之前預約呀！

>>>立即預約綠蛋島半日浮潛<<<

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）