乘風破浪3｜阿Sa阿嬌人氣高但唔賺錢？代言數不敵另一位香港女星
內地綜藝《乘風破浪3》播出後阿Sa（蔡卓妍）阿嬌（鍾欣潼）經常登上熱搜，風頭一時無兩，出道21年再創高峰，不過人氣急升嘅佢哋喺接廣告代言方面卻輸畀其他同場嘅姐姐，喺出演嘅港星入面，Twins亦唔係最多代言嘅人。
Photo from 《乘風破浪3》
Twins出演《乘風破浪3》人氣再度急升
最近Twins喺《乘風破浪3》係話題人物，幾乎每集都會上熱搜榜，除此之外，喺另一個內地綜藝節目《聲生不息》亦由一眾歌手同觀眾大合唱Twins名曲《下一站天后》，出道21年Twins事業再創高峰。
Photo from 《乘風破浪3》
日前一集《乘風破浪3》分組中，好多出演嘅姐姐都爭住要阿Sa阿嬌加入，因為佢哋有豐富嘅舞台唱跳經驗，更睇好佢哋嘅人氣，Twins亦不負眾望，佢哋所在嘅組別獲得最多票數。
Photo from 《乘風破浪3》
《乘風破浪3》播出後屢掀熱議，唔少參演女星翻紅，好多嘅商業活動找上門來，姐姐們紛紛接拍廣告，做品牌代言人。而喺內地發展順利、人氣高企嘅Twins代言數量卻並非最多。
Photo from 《乘風破浪3》
王心凌翻紅
首先憑節目再度走紅嘅除咗Twins，仲有台灣女星王心凌。現年39歲嘅佢雖然淡出一段日子，但喺《乘風破浪3》初舞台表演咗代表作《愛你》後掀起好多網民嘅回憶，成功翻紅。
Photo from 王心凌微博
節目嘅「個人喜愛度」中王心凌一直都係前二，人氣之高可見一斑，佢嘅代言數亦暫時係一眾姐姐中最多嘅一位！除咗各種女性護理產品外，王心凌更獲《乘風破浪3》冠名贊助商欽點為「有機生活星推官」。
Photo from 王心凌微博
Photo from 王心凌微博
Photo from 微博
阿Sa阿嬌廣告較少？
而Twins由《乘風破浪3》開播以嚟有3大廣告，首先係唇膏、之後有果汁，最新嘅一則廣告係羊奶粉。Twins兩人更會出席奶粉新品發佈會。
Photo from 阿嬌微博
Photo from 阿嬌微博
Photo from 阿Sa微博
薛凱琪、胡杏兒代言數略勝
《乘風破浪3》除咗阿Sa阿嬌，仲有薛凱琪，佢分別有國際化妝品品牌廣告，亦係洗頭水品牌嘅品牌大使。不過出演節目後擁最多廣告嘅香港女星要數已為人母嘅胡杏兒！
Photo from 薛凱琪微博
Photo from 薛凱琪微博
胡杏兒嘅代言包括益生菌、衛生巾、嬌蘭、服裝品牌等共6個廣告，雖然佢並非歌手出身，喺節目中話題度亦不及阿Sa阿嬌二人，但代言卻比唔少人更多，吸金力驚人！
Photo from 胡杏兒微博
Photo from 胡杏兒微博
Photo from 胡杏兒微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
【乘風破浪3】阿Sa阿嬌收工秒變臉！Twins出道21年人氣再急升？！
6 Jun 2022
阿Sa（蔡卓妍）阿嬌（鍾欣潼）參加內地綜藝《乘風破浪3》屢成話題，近日Twins嘅拍攝花絮再掀熱議，一影完相佢哋表情即時大變，網民指太真實。另一綜藝節目《聲生不息》亦有觀眾大合唱Twins名曲《下一站天后》，唔少網友都話聽到想喊。
Photo from 《乘風破浪3》
Twins參加內地綜藝節目《乘風破浪3》
「Twins」出道21年嘅阿Sa阿嬌近年北上發展，兩人亦跟隨好友容祖兒（Joey）步伐，參加人氣綜藝《乘風破浪3》，兩人於節目內話題度甚高，人氣亦名列前矛，唔少網友都表示Twins係佢哋嘅集體回憶。
Photo from 阿Sa 微博
Photo from 阿Sa 微博
喺節目開播前阿Sa同阿嬌有分享佢哋參加節目嘅原因，阿嬌笑言佢係為減肥，但佢指因為阿Sa參加佢先參加：「她（阿Sa）來我就來，她不來我就不來」，姊妹情深！
Photo from 《乘風破浪3》
阿Sa阿嬌花絮收工秒變臉引熱議
最近節目組就公開咗阿Sa阿嬌兩人嘅拍攝花絮，喺節目中佢哋被分到不同組別，但花絮中仍不時見到佢哋合體糖黐豆。最近曝光嘅花絮片段就掀起網民熱議，喺車上休息嘅阿嬌提議阿Sa一齊合照，兩人隨即擺好表情影相，全程唔夠5秒，果然出道多年好有經驗，十分專業！不過一影完相，佢哋就極速變臉，放鬆表情之餘仲齊齊低頭望手機。
Photo from 《乘風破浪3》
Photo from 《乘風破浪3》
Photo from 《乘風破浪3》
Photo from 《乘風破浪3》
呢一幕引起好多網民共鳴：「下班的樣子像極了你我！」、「表情太真實了」，又笑言Twins已經出道21年，即使喺鏡頭前都唔會24小時keep住表情：「懶得裝了！」
Photo from 阿Sa 微博
《聲生不息》新一集全場大合唱《下一站天后》
《乘風破浪3》令一啲參加者再度爆紅，除咗王心凌之外，Twins都係好多網友嘅集體回憶，喺另一套綜藝節目《聲生不息》中就推廣昔日嘅廣東歌，其中Twins雖然未有出演，但喺最新一集結尾，全場大合唱佢哋嘅經典歌曲《下一站天后》。
Photo from 《聲生不息》
Photo from 《聲生不息》
現場觀眾唱到喊！唔少網友都話呢一幕好感動，仲話聽到想喊：「當年的TWINS真的太紅了，只有經歷過那時的人才會明白有多誇張」！
Photo from 《聲生不息》
Photo from 《聲生不息》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
