榴槤放題2022｜機票抽獎！灣仔2.5小時榴槤放題任食5款榴槤＋3層架鹹甜點

Reporter/ Anchor

召喚榴槤控！一年一度的灣仔Pier 1929馬來西亞榴槤放題返嚟啦！Pier 1929將會一連11日推出榴槤放題盛宴，榴槤控可以於2.5小時內任食由馬來西亞直送的榴槤果肉及多款以榴槤入饌的鹹甜點，此外今次更增設市集，擺賣多款人氣東南亞食品，食客更有機會參加抽獎，贏走香港來回吉隆坡雙人機票！

Monster Durian

又來到馬來西亞榴槤當造的旺季，上年度灣仔Pier 1929舉辦的馬來西亞榴槤放題可謂一位難求，今年盛事再度回歸！今年榴槤放題以「Monster Durian」為主題，於7月18日至28日一連11日舉行，對比起上年度放題時間由90分鐘延長至2.5小時，讓大家可以歎得更盡興！

Photo from PressLogic

能夠成為榴槤控至愛，當然因為榴槤夠靚，場內所提供的榴槤全部皆由馬來西亞彭亨州直送，每天樹上熟即時採摘，並於24小時內新鮮空運到港，因此所提供的榴槤品種每天不同，視乎當天榴槤的熟成程度，保證令大家食到靚的榴槤！

Photo from PressLogic

今次提供的榴槤主要有D197貓山王、D160竹腳、D24 XO、D101紅肉、旺來、D88小甜甜等，每天提供5款最新鮮的品種；記者試食當天有堪稱「水果王中王」的黑刺，這款榴槤產量極低，生長期一般花上160天以上，因此屬較為稀有的品種；口感呈奶油狀，甜中帶微苦，味道層次分明！

Photo from PressLogic

另外D101紅肉雖味道較淡，但勝在香滑鮮甜，如果你是「榴槤入門級」的朋友就最適合吃這款；大家記得盡食時根據淡味至濃味的順序，如先吃貓山王，最後才吃較濃郁的黑刺。

Photo from PressLogic

除了美味的榴槤果肉外，今次更推出榴槤下午茶，下午茶一共有8款鹹甜點，每款皆以榴槤入饌，當中最吸引有D24榴槤菠蘿油，製作方法以法式泡芙為靈感，中間夾看似是牛油，其實是混入D24榴槤果蓉製成的巴巴洛瓦(Bavarois)；蝦多士用上自家炒製的喇沙醬配搭榴槤果肉，味道甜中帶辣！

Photo from PressLogic

今次為了營造濃厚的旅遊氣氛，場地更擺賣多款東南亞美食特產及榴槤產品，如貓山王榴槤蛋卷、榴槤冰皮月餅、泰式奶茶等；掃完貨記得參與壓軸大獎，參加者分分鐘能夠贏取AirAsia香港來回吉隆坡雙人機票，名額只有4個，祝大家好運！

Photo from PressLogic

Monster Durian 馬來西亞榴槤放題
日期: 7 月 18 日至 28 日(每日 3 場)
時間:12:00-14:30、16:00-18:30、19:30-22:00
地點:灣仔灣仔碼頭 2 樓
查詢:3188 9677
收費: $680/位，另收加一服務費
網上預訂:按此

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel