乘風破浪3｜胡杏兒太自私被鬧到上熱搜？內地網民：好感全沒了！
Photo from 胡杏兒微博
《乘風破浪3》胡杏兒惹內地網民反感？！
《乘風破浪3》雖然話題度滿滿，每次播出都會登上熱搜，但參加嘅女星眾多，唔係每一個人都會受到關注，其中今次出演節目嘅4位香港女星中，Twins嘅阿Sa阿嬌話題度爆燈，每集都成為網民焦點。
Photo from 胡杏兒微博
而演員出身嘅胡杏兒相對討論嘅人較少，可能因為佢唔係歌手，所以暫時未有咩突出嘅表現。已經去到第四次公演，佢似乎決心要好好突出自己，卻惹起內地網民反感？！
Photo from 《乘風破浪3》
胡杏兒想展現唱功，被批只顧自己
新一集姐姐要重新分組對決，胡杏兒一心加入表現力超強嘅譚維維組，但無奈對方並未揀佢入組，胡杏兒最終加入于文文組。于文文組有舞蹈員、專業歌手等，佢哋更會加入樂器表演。
Photo from 《乘風破浪3》
喺開會嘅時候，胡杏兒亦主動爭取，佢認為已經去到第四次公演，之前無咩機會展現佢嘅唱歌實力，希望今次喺佢負責嘅部分有機會凸顯下，幫自己爭取分數。佢講完之後節目嘅音樂總監表現得十分震驚，又坦言唔係好中意加太多花巧嘢。
Photo from 《乘風破浪3》
Photo from 《乘風破浪3》
Photo from 《乘風破浪3》
唔少網友指胡杏兒只顧住展示自己，但就唔考慮成組嘅表演，而且組內有好多歌手，佢演員出身仍不時強調自己有力量唱到powerful嘅歌，批佢唔識為大局著想。
Photo from 微博
堅持與寧靜組對決，胡杏兒搞喊隊長于文文
不過之後胡杏兒同隊長于文文嘅對話令網民更為反感。佢哋喺公演時需要選擇同那英組或者寧靜組對決，隊長于文文本來想揀那英組，因為節目開播以嚟佢同寧靜都培養咗好深厚嘅感情，自然唔想對決，但胡杏兒就堅持要對決就揀寧靜組。
Photo from 《乘風破浪3》
Photo from 《乘風破浪3》
Photo from 《乘風破浪3》
最終于文文尊重隊員嘅想法，選擇咗寧靜組，佢有同寧靜擁抱，之後更忍唔住喺節目中落淚。胡杏兒終於透露佢堅決揀寧靜嘅原因：因為佢之前係同那英同組。網民隨即大鬧佢只顧自己：「那于文文以前也是和寧靜一組啊！」又指胡杏兒啱啱加入于文文嗰組卻唔識尊重隊長：「你剛到別人的隊伍裡，是怎麼好意思指指點點的？」
Photo from 《乘風破浪3》
Photo from 《乘風破浪3》
Photo from 《乘風破浪3》
Photo from 微博
Photo from 微博
內地網民：好感全沒了，粉轉黑！
胡杏兒更因此被鬧上熱搜！好多內地網友指佢參加《我是演員2》勇奪冠軍時曾經好中意佢，但經過《乘風破浪3》後「對她好感全沒了！」又話希望佢盡快淘汰，事實上早有劇透傳出，胡杏兒會喺第四次公演後淘汰，有人質疑佢於節目中嘅表現其實都係「劇本」。
Photo from 《乘風破浪3》
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
乘風破浪3｜阿Sa阿嬌人氣高但唔賺錢？代言數不敵另一位香港女星
7 Jul 2022
內地綜藝《乘風破浪3》播出後阿Sa（蔡卓妍）阿嬌（鍾欣潼）經常登上熱搜，風頭一時無兩，出道21年再創高峰，不過人氣急升嘅佢哋喺接廣告代言方面卻輸畀其他同場嘅姐姐，喺出演嘅港星入面，Twins亦唔係最多代言嘅人。
Photo from 《乘風破浪3》
Twins出演《乘風破浪3》人氣再度急升
最近Twins喺《乘風破浪3》係話題人物，幾乎每集都會上熱搜榜，除此之外，喺另一個內地綜藝節目《聲生不息》亦由一眾歌手同觀眾大合唱Twins名曲《下一站天后》，出道21年Twins事業再創高峰。
Photo from 《乘風破浪3》
日前一集《乘風破浪3》分組中，好多出演嘅姐姐都爭住要阿Sa阿嬌加入，因為佢哋有豐富嘅舞台唱跳經驗，更睇好佢哋嘅人氣，Twins亦不負眾望，佢哋所在嘅組別獲得最多票數。
Photo from 《乘風破浪3》
《乘風破浪3》播出後屢掀熱議，唔少參演女星翻紅，好多嘅商業活動找上門來，姐姐們紛紛接拍廣告，做品牌代言人。而喺內地發展順利、人氣高企嘅Twins代言數量卻並非最多。
Photo from 《乘風破浪3》
王心凌翻紅
首先憑節目再度走紅嘅除咗Twins，仲有台灣女星王心凌。現年39歲嘅佢雖然淡出一段日子，但喺《乘風破浪3》初舞台表演咗代表作《愛你》後掀起好多網民嘅回憶，成功翻紅。
Photo from 王心凌微博
節目嘅「個人喜愛度」中王心凌一直都係前二，人氣之高可見一斑，佢嘅代言數亦暫時係一眾姐姐中最多嘅一位！除咗各種女性護理產品外，王心凌更獲《乘風破浪3》冠名贊助商欽點為「有機生活星推官」。
Photo from 王心凌微博
Photo from 王心凌微博
Photo from 微博
阿Sa阿嬌廣告較少？
而Twins由《乘風破浪3》開播以嚟有3大廣告，首先係唇膏、之後有果汁，最新嘅一則廣告係羊奶粉。Twins兩人更會出席奶粉新品發佈會。
Photo from 阿嬌微博
Photo from 阿嬌微博
Photo from 阿Sa微博
薛凱琪、胡杏兒代言數略勝
《乘風破浪3》除咗阿Sa阿嬌，仲有薛凱琪，佢分別有國際化妝品品牌廣告，亦係洗頭水品牌嘅品牌大使。不過出演節目後擁最多廣告嘅香港女星要數已為人母嘅胡杏兒！
Photo from 薛凱琪微博
Photo from 薛凱琪微博
胡杏兒嘅代言包括益生菌、衛生巾、嬌蘭、服裝品牌等共6個廣告，雖然佢並非歌手出身，喺節目中話題度亦不及阿Sa阿嬌二人，但代言卻比唔少人更多，吸金力驚人！
Photo from 胡杏兒微博
Photo from 胡杏兒微博
Photo from 胡杏兒微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
