充滿回憶！嚟一趟深水埗嘉頓咖啡店食件蛋糕～係重建前傾計拍拖打卡好地方～

嘉頓呢個名，真係每一個香港人嘅回憶同生活！早餐食個嘉頓麵包、宵夜咬塊嘉頓餅乾，咁多年嚟，嘉頓真係陪住我哋每一個人成長！！！Photo from PressLogic

如果大家有睇新聞，都會知陪伴唔少港人成長嘅深水埗地標嘉頓總部，或面臨拆卸重建，雖然嘉頓回應指重建計劃仍在初步構思同埋研究中，不過亦都意味住呢幢擁有逾80年歷史嘅地標，或有可能會消失。所以，大家假日有時間嘅話，都可以行嚟呢度影吓相！
Photo from PressLogic

食咗嘉頓麵包咁多年，小編同好多人一樣，都唔知嘉頓原來仲有間Cafe同餐廳嫁～嘉頓餐廳日日都好快爆滿，所以如果嚟遲咗入唔到嘉頓餐廳，嚟樓下呢間Cafe，都係一個唔錯嘅選擇！

入嘉頓cafe之前，可以慢慢欣賞門口個展覽廳，裡面有個開放式影院，播放嘉頓嘅歷史變遷！真係食件cake之前，都可以了解番公司嘅背景～
Photo from PressLogic

再行入去，可以見到好多嘉頓歷年出產嘅產品，由阿嫲阿爺個代嘅懷舊餅乾罐，到細細個成日食嘅忌廉包，再到依家大家成日買嘅威化餅，真係好多回億都番晒嚟！睇完展覽就到嘉頓cafe，小編覺得呢度比想像中大好多，可以坐係度叫件cake，歎番個下午茶！真係好舒服～
Photo from PressLogic

呢度嘅下午茶價錢都好親民，一件cake加杯野飲，都大概只係$30 ～小編今日就叫咗個黑森林蛋糕同芝士蛋糕！味道都唔錯嫁～不過提提大家，有D蛋糕帶走同堂食會有唔同嘅價錢～
Photo from PressLogic

食完大家仲可以係cafe shopping添～因為呢度仲有出售嘉頓品牌嘅紀念品，價錢都好合理！如果有朋友係嘉頓迷，深愛嘉頓signature嘅格仔藍白紋product~~係呢度揀禮物送俾佢就啱晒啦～
Photo from PressLogic

食完tea ，休息完大家仲可以行去後面嘅嘉頓山睇日落！上到山上，仲可望望陪伴唔少港人成長嘅深水埗地標，嘉頓總部！係度影番個剪影都唔錯～雖然上山條路唔難行，得幾百級樓梯。不過近日天氣炎熱，大家都要小心中暑啊！
Photo from PressLogic

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

餐廳名稱：嘉頓咖啡店
地址 ：深水埗青山道58號嘉頓烘焙中心地舖（港鐵深水埗站 D2 出口, 步行約5分鐘)
營業時間：星期一至日（08:30-18:00)
公眾假期（全日休息）