隔離部門主管5:59企門口等收工，打工仔不忿「扮工」斥做法好鬼肉酸

身為打工仔緊係想準時收工，不過如果提早1分鐘準備收工又係咪好過分呢？有網民就發文話逢星期五可以提早收工，但就有一班同事早一分鐘係門口等打卡收工，連隔離部門主管都係咁，令佢深感不忿，直斥咁做「好鬼肉酸」。

Photo from 《歡樂頌》劇照

有打工仔係香港討論區發起討論，話自己公司平時放7點，但係逢星期五有Happy friday，6點鐘就可以收工，就係因為咁，所以每個星期五都會有一班「扮工」既同事等一到6點就即刻打卡，就連隔離部門既主管都係咁，準備5:59就係門口等收工。

Photo from 《未生》劇集

樓主就認為做得主管就唔好係企係門口吹水等打卡，Junior（初級同事）就話小朋友唔識嘢，但做主管應該輕鬆咁離開，更加話印象中除左職場新鮮人會咁做之外，就得以前炒散時有群40至50歲既中年女同事會咁排隊等打卡，於是問網友但係咪做到經理級都要咁，直斥呢個做法「好Q肉酸」。

Photo from 《金秘書為何那樣》劇照

樓主表示自己係6：01先打卡﹐不滿公司呢個政策明明已經當bonus大家提早一個鐘收工，但一班同事都係「扮工」，直言「放佢地早一個鐘真係無天理」。有網友就話人地係主管想幾點走都得，係樓主呢啲「二打六」先會計住呢啲小數目，更指「人地team head做大事架，抵你一世做small potato（小薯）」，亦有網友話做完嘢等收工又好錯？

Photo from 《無法成為野獸的我們》劇照

樓主後來就話因為覺得隔離部門既主管做唔到野，稱「佢係廢，所以先唔妥him（佢）」。有網友就話唔覺得有問題，係人都想準備放工，遲走都唔代表做到野，叫樓主做好自己就得，普遍網友都覺得係樓主多管閒事，仲話樓主只係唔抵得呀！

Photo from 香港討論區截圖

Photo from 香港討論區截圖

Photo from 香港討論區截圖

Photo from 香港討論區截圖

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）