陳智燊指英國機場混亂，嬲到罷拍！3件事令佢大感崩潰：攰到飛起！

娛樂新聞

By Jennifer on 19 Jul 2022

Digital Editor

今晚食乜餸：小二，嚟一碟花生！

近年轉型做YouTuber嘅陳智燊（Jason）同宋熙年夫婦，有傳收入豐厚。最近陳智燊獨自一人飛英國，佢當然都有拍片記錄旅程，而佢喺倫敦希斯洛機場回程嘅時佢大呻排晒長龍，用時超耐，令佢大感崩潰！

Photo from 陳智燊 IG

陳智燊飛英國分享當地生活

陳智燊（Jason）、宋熙年（Sarah）離巢後轉型做KOL，佢哋夫妻檔嘅YouTube頻道「Sarah and Jason」已有超過16萬subscribers，成績唔錯。最近陳智燊就單拖出trip，去佢嘅出生地英國分享當地生活。

Photo from 陳智燊 IG

去咗英國一段時間嘅Jason日前終於回港，佢喺倫敦希斯洛機場上機，不過佢checkin嘅遭遇就似乎令佢大感無奈，原本打算拍片記錄都一度無癮揚言罷拍！

Photo from 陳智燊 IG

1. 登機排長龍

倫敦希斯洛機場係全球國際交通量最高嘅機場之一，陳智燊表示佢已經提早喺網上辦理check in，但機場人龍超長，佢排咗成10分鐘，條隊只係郁咗少少。佢指機場櫃枱其實係開晒，全部有職員做嘢，但真係好慢好慢，最後佢要排成一個鐘先成功將行李托運。

Photo from Sarah & Jason

2. 機場商店全部關門

呢幾年疫情嚴重，基本上唔會有人去旅行，而Jason難得返英國一次，佢本來打算喺機場嘅免稅店shopping，買返少少嘢作為紀念品送畀太太宋熙年，但辦完離境手續後，佢發現機場好多舖頭完全無開，令佢一臉無奈，最後大感無癮稱唔拍。

Photo from Sarah & Jason

3. 飛機delay時間長

除咗辦理離境需大排長龍之外，登機亦要排隊。陳智燊上機後拍攝指登機速度非常慢，航班起飛時間亦delay咗半個鐘。喺倫敦長大嘅Jason表示希斯洛機場以前好繁榮，依家相對靜咗好多：「感覺好奇怪，似係啲小型嘅機場。」

Photo from Sarah & Jason

大讚多哈機場新淨有驚喜

到咗多哈機場轉機時，陳智燊明顯眼紅紅，睇嚟都相當疲累，佢指今次由倫敦飛返香港要花18個鐘！不過Jason大讚多哈機場有驚喜，新淨又寬敞，即使係凌晨2點都仲有好多舖頭開門，雖然有啲攰，但Jason成功shopping都大感滿意，亦買到禮物畀太太。

Photo from Sarah & Jason

陳智燊喺YouTube留言指：「唔駛等，好順利，d人好nice...大家都唔信啦」，佢表示等都唔算太誇張，一切都幾順利。有留言指：「因為好多文件要check, 所以好慢……」，陳智燊表示認同：「係呀，多左好多野做，但機場同事好nice，都算順」

Photo from 陳智燊 IG

Photo from Sarah & Jason

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

陳智燊拍片曬40隻名錶珍藏款式貼地直言絕不轉賣「留畀仔仔承接」

27 Apr 2022

陳智燊（Jason）和宋熙年（Sarah）自離巢TVB後轉型做KOL，並設夫妻檔YouTube頻道「Sarah & Jason」，有傳月入高達60萬。近日，Jason拍片大曬名錶收藏，總共超過40隻手錶，仲話唔怕戴花，最緊要開心！

Photo from 陳智燊 IG

陳智燊拍片曬名錶珍藏

陳智燊（Jason）熱愛手錶，最近佢就應粉絲要求，拍片嚟個大曬冷，珍藏裡面包括平價和貴價手錶，款式多、土豪味不重，連G-SHOCK都有，但就反而無大熱品牌勞力士。影片開頭，Jason以顏色及錶面形狀快速簡介多隻錶，當中除了有常見銀色，亦有白色、綠色、橙色錶，亦有正方形、圓形、超大型錶面；風格方面都幾多選擇，有運動型、復古型手錶，仲有金錶和潛水錶。