麥明詩單身6年暗示有拍拖？箍牙後靚咗，自爆桃花旺：未結婚嘅！
港姐冠軍麥明詩2019年轉行做寫字樓OL。雖然淡岀娛樂圈，但佢仍有出席公開活動，唔少網友都會關心佢嘅近況。近日佢就被問到感情生活，單身幾年嘅麥明詩回應耐人尋味，似乎暗示佢正在蜜運中，又透露有關注今屆港姐！
Photo from 麥明詩 IG
麥明詩轉行後異性綠一度變差
麥明詩改簽部頭合約，甚少再喺電視螢幕上出現，不過早前佢參演網絡劇《逐流時代》與導演戚其義以及黃德斌合作，曾引起話題。麥明詩轉行後近況屢受外界關注，尤其係感情生活。
Photo from 麥明詩 IG
近日佢出席關注婦女健康活動就罕有提及自己嘅異性緣，言談間更似有暗示自己有男朋友！麥明詩表示佢轉行後有段時間懶散咗好多，搞到異性緣都變差，依家佢空閒時會去做運動，生活十分健康。
Photo from 麥明詩 IG
麥明詩疑暗示有男友？！
被問到最近嘅異性緣，麥明詩亦大方表示異性緣唔錯，好開心。當問佢現時有無拍拖，佢無否認之餘更意有所指：「keep住開心囉，未結婚嘅。」佢指依家返工多咗機會同異性相處，收工會同同事放鬆下，以前喺公司就無乜正常方法同異性接觸。
Photo from 麥明詩 IG
Photo from 麥明詩 IG
與林作分手後單身6年，麥明詩想生3個小朋友
箍牙之後獲讚靚咗好多嘅麥明詩桃花自然旺，唔少網友都猜測佢或者同圈外男士蜜運中。麥明詩入行以嚟公開過嘅男朋友只有林作一個，2016年宣佈分手後佢一直單身。林作2020年同裕美戀情曝光，向來愛得高調，更不時會提起舊愛麥明詩，令網民質疑佢借麥明詩炒話題。
Photo from 麥明詩 IG
Photo from 林作 IG
同林作分手後，麥明詩曾經同機師盛勁為傳緋聞，不過麥明詩事後已喺IG否認：「不用恭喜，只是朋友，謝謝關心」。麥明詩稱佢人生規劃中目標生兩至三個小朋友，不過佢笑言依家養一個小朋友要$600萬，按照佢現時嘅能力只能生到1個。
Photo from 《後生仔傾下偈》
有留意今屆港姐：15號張光怡與麥明詩竟有淵源
身為港姐冠軍嘅麥明詩曾回巢為《2020香港小姐競選決賽》擔任評判，佢出席活動時坦言有留意今屆港姐，眾多佳麗中15號嘅張光怡（Chloe）係高材生，獲網民封為「麥明詩2.0」，而麥明詩果真同佢有啲淵源！
Photo from 麥明詩 IG
Photo from 娛樂新聞台
原來張光怡畢業於香港大學內外全科醫學士，現時喺屯門醫院任職實習醫生。麥明詩話對佢有印象，因為佢任職醫生嘅哥哥都係喺屯門醫院工作，不過佢就指兩人並唔認識。
Photo from 麥明詩 IG
另外麥明詩又表示佢有留意許子萱，許子萱同時獲劍橋大學同牛津大學兩大項尖學府取錄，麥明詩稱聽聞許子萱以前喺華爾街做嘢，認為佢公司可以考慮喺許子萱選完港姐之後簽埋佢！
Photo from 娛樂新聞台
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
裕美爆林作好憎前度！林作直言同麥明詩分手無朋友做！指媽媽有聯絡對方
2 Dec 2021
Photo from 林作 IG
裕美大爆男友林作好憎前度
楊詩敏（蝦頭）、連詩雅（Shiga）主持嘅網上節目早前邀請咗裕美做嘉賓，被問到驚唔驚外界成日將佢同林作嘅前度比較，佢就大爆男友好討厭個前度，掀起網民熱議。
Photo from 裕美 IG
由於林作最為人熟悉嘅前度女友係麥明詩，唔少網友都認為林作「好憎個前度」係指緊麥明詩。
Photo from 麥明詩 Facebook
麥明詩疑晒相反擊
麥明詩雖無正面回應，但就喺社交網站公開與黃德斌合照宣傳佢哋嘅新劇：「不如講下我同德斌哥哥仲好?」，獲讚大方得體，有內涵，有修養。
Photo from 麥明詩 Facebook
林作直認同麥明詩分手無做朋友
而林作近日出席活動時亦被問到女友裕美提及佢好憎前度，甚至想對方死，佢解釋女友講嘅係誇張少少嘅說法，但承認自己一直宣揚分手之後唔好同前度做朋友。
Photo from 裕美 IG
Photo from 裕美 IG
林作表示已經無再同麥明詩聯絡：「唔好藕斷絲連，唔好有任何糾纏。」，又直言唔驚會hurt到前度：「有咩好驚？最緊要我依家好幸福。」
Photo from 麥明詩 Facebook
Photo from 裕美 IG
林作媽媽同麥明詩仲有聯絡
不過佢又自爆媽媽王莉妮仲有聯絡麥明詩，林作指媽咪個人圓滑啲，認為無永遠嘅朋友，亦無永遠嘅對手。其實林作媽媽之前都多次表示不滿「準新抱」裕美，甚至暗示希望兒子同舊愛復合。
Photo from 有線電視
Photo from ViuTV
Photo from 有線電視
林作曾指現任女友裕美靚過麥明詩
林作裕美喺2020年香港小姐競選與麥明詩同場，雖然雙方未有任何交流，但活動結束後林作同裕美都有喺Facebook發文，其中林作更直指現任女友靚過麥明詩。
Photo from 麥明詩 Facebook
Photo from 有線電視
佢稱：「裕美真心靚過麥明詩好多，身材也更優勝。素顏顏值也絕對一流。」，當時被網友狠批佢無品！
Photo from 裕美 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
