係兩個人嚟㗎？只係剪咗短頭髮就好似整咗容嘅女明星，太適合短髮啦～～

自古以嚟靚女就一定要長髮飄飄、烏黑秀髮，但並唔係所有五官都適合carry長頭髮，加上最近流行型格短髮，唔少女星剪完之後星途大開！一齊睇下佢地剪頭髮前後對比啦～～

梁詠琪

梁詠琪有精靈大眼、高鼻小嘴，長髮應該可以帶出清秀氣質，但點睇都只係一個普通嘅鄰家女孩。當剪咗短髮之後，成個五官跳咗出嚟，輪廓好sharp，星味都即刻提升！

高圓圓

高圓圓係少數能夠駕馭長短髮嘅女星，長髮嘅佢溫文有氣質，仲散發幾分知性美；短髮嘅佢爽朗順眼，亦帶點陽光味。太羨慕了～～點解有人可以乜野髮型都carry到！

桂綸鎂

桂綸鎂在鏡頭前幾乎無留過一把大長髮，最多只係中長髮，而短髮簡直改變咗佢一生～～成為「文青女神」始祖，短髮襯出佢獨有嘅空靈感，小編覺得佢喺《不能說的秘密》嘅短髮校服look簡直係經典！

超短髮又有型格一面

陳茵微

已為人母嘅陳茵微，一入行選美係以長髮示人，但未能留下深刻印象。後來入行拍戲剪咗短頭髮，成個脫胎換骨，仲多咗高貴氣質

睇嚟小編都要考慮下剪短頭髮先～～

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）