買淘寶送貨被收$20附加費 港女不滿公審送貨員 對方反擊獲網民力撐
網購送貨方便快捷，不過部分偏遠地區或需收取附加費用，近日一名女網民發文控訴，指使用一間集運公司的送貨服務時，被收取20元附加費，批評送貨員貪心兼服務態度差，把對方放上網「公審」。其後送貨員上水反駁，指收取附加費是公司規定，而且事前已通知對方，大呻：「今日35度，推成30kg貨，嚟到你仲為講好嘅$20話我貪心？」
Photo from 《就愛斷捨離》劇照
第一次送貨無收附加費
該女網民近日於FB群組「淘寶唔開心share（中伏group）」發文，指自己常用同一間集運公司的送貨服務，最近兩次都由同一位司機負責送貨。事主稱第一次送貨時因家中無人，對方直接將貨件送到家門，到第二次送貨，對方卻指送過來要收取20元附加費。她認為要求無理︰「之前咁多位司機包括佢在內，送到樓下都冇收過我任何費用」
Photo from FB群組「淘寶唔開心share（中伏group）
事主不滿拍照公審送貨員
送貨員解釋上次只因事主家裏無人而酌情免收，雙方爭論一輪過後，事主雖有付款，但仍深感不滿，批評送貨員貪心兼服務態度有問題，「我住一樓，起屋企已經聽到佢超大力扔啲貨！」，又指被對方不停以粗口辱罵，最後拍下照片公審對方，更呼籲大家要小心選擇集運公司。
Photo from 《過街英雄》劇照
送貨員不忿反駁揭真相
事主發文數日後，被公審的送貨員上水反駁，他上傳了與事主的對話截圖，指出其送貨地址為三棟屋村村屋，與停車位置有一定距離，步行需時10分鐘，表示收取$20附加費屬公司指引，加上送貨前已特地致電事主交代有關收費，又指若客人對收費有任何不滿，想免收附加費的話，大可以自行到停車場拎貨，而當時事主亦於電話中答應支付費用，並非事主所說的「嚟到先講」。
Photo from FB群組「淘寶唔開心share（中伏group）
Photo from FB群組「淘寶唔開心share（中伏group）
Photo from FB群組「淘寶唔開心share（中伏group）
送貨員亦有解釋第一次免收附加費的原因，他指當時事主沒人在家收貨，所以自己便免費幫忙送上山，更說明再有下次便要收取附加費。送貨員表示炎熱天氣下送貨上山，最後竟被客人指責貪心，感到非常委屈，又指自己發文是不想其他客人因此事對公司有所誤會。
網民為送貨員抱不平
送貨員現身反擊後，網民紛紛為他抱不平，批評事主「孤寒」及「公主病」，指大熱天時送貨上山已經好辛苦，但事主未有體諒，還要公審送貨員，非常過份，「30kg先收您20蚊，圍返都無7毫1kg，仲要咁肉酸公審」、「$20當貼士都唔止啦，大熱天時咁辛苦仲要上山！辛苦晒運輸業師傅！」
Photo from 連登
Photo from 連登
Photo from FB留言
Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
