Morokok推檸檬主題下午茶 人氣fusion餐廳 $458兩位歎10款鹹甜點

香港夏天又濕又熱搞到好焗，想試啲清新啲嘅嘢消暑就一定要留意！Morokok推Lemonhood檸檬主題雙人下午茶，低至$458就可以度過清新嘅下午茶時間，最啱約閨密黎打卡！

人氣餐廳Morokok位於旺角朗豪坊，佔地8,000呎，空間寬敞舒適，主打新派fusion泰菜，由惹味泰菜到西式美食都有，加上佈置有唔少綠色植物，充滿摩洛哥風情！裝潢仲配合檸檬主題，另設有室內外座位，兩者都別有風味，非常IG-able，周圍都係打卡位，可以留低美好嘅回憶啦～

是次優惠低至$458兩位享受以檸檬作主題嘅下午茶，可以選下午3:00PM至4:30PM或者4:30PM至6:00PM兩個時段，有10款鹹甜點可以選擇，唔怕剩係食甜品咁膩，仲款款都係誠意之作！

精緻檸檬甜點包括檸檬芒果慕絲配蜜糖啫喱、檸檬青檬馬德蓮、檸檬柚子撻、檸檬菠蘿慕絲蛋糕、檸檬忌廉泡芙，而鹹點方面就有八爪魚蕃茄沙沙酥盒、檸檬忌廉芝士蝦多士、黑魚子青芒煙三文魚、香茅豬頸肉脆米通、泰式柚子三文魚子沙律，依家預訂仲會送兩杯主題特飲，可以揀檸檬菠蘿乳酸梳打配九洲梅子汁或主餐牌$35以下嘅飲品！

優惠期由即日起至2022年8月31日，想係炎炎夏日消除鬱悶嘅心情，就快啲試下酸甜沁人嘅檸檬饗宴啦～

>>>立即預訂Lemonhood檸檬主題雙人下午茶<<<

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）