download HolidaySmart 假期日常 app
北韓11歲YouTuber晒超流利英文！介紹平壤水上樂園，讚朝鮮生活好

北韓11歲YouTuber晒超流利英文！介紹平壤水上樂園，讚朝鮮生活好

時事熱話
By Jennifer on 26 Jul 2022
Digital Editor
今晚食乜餸：小二，嚟一碟花生！

北韓嘅生活一向神秘，有唔少人都對呢個國家感到好奇，近日北韓一名11歲女童松雅（송아）就喺YouTube拍片分享北韓生活，佢介紹咗位於平壤嘅水上樂園，又同朋友仔食刨冰，有指佢其實身份尊貴、家族背景極為顯赫！

近日北韓一名11歲女童松雅（송아）就喺YouTube拍片分享北韓生活Photo from 송아 SongA Vlog

北韓11歲YouTuber松雅

平時大家對北韓嘅印象可能都係十分封閉，但近日喺YouTube有一位居住喺北韓嘅朝鮮人就拍片分享佢嘅日常Vlog，而且呢位北韓YouTuber更年僅11歲！佢開設嘅YouTube Channel名為「Sary Voline [송아 SongA Vlog]」，第一個vlog於4月26號公開，成個channel至今只有5條片，而且每一條影片時長亦只有幾分鐘。

近日喺YouTube有一位居住喺北韓嘅朝鮮人就拍片分享佢嘅日常Vlog，而且呢位北韓YouTuber更年僅11歲！Photo from 송아 SongA Vlog

YouTube Channel名為「Sary Voline [송아 SongA Vlog]」，成個channel至今只有5條片，頻道至今訂閱者超過8千Photo from 송아 SongA Vlog喺第一條片入邊，松雅就以流利嘅英文自我介紹，佢表示自己住喺平壤，今年11歲，讀緊小學5年級。佢喺片段中嘅背景疑似係佢屋企，可見松雅嘅房間採光好好，擺設同其他國家嘅普通女生差唔多。

喺第一條片入邊，松雅就以流利嘅英文自我介紹，佢表示自己住喺平壤，今年11歲，讀緊小學5年級。Photo from 송아 SongA Vlog

松雅分享隔離經歷、平壤兒童醫院、食刨冰日常

松雅表示佢英文咁好全因為佢媽媽嘅教育，又指自己最愛嘅書係《哈利波特》。松雅喺第二個vlog分享佢隔離經歷，又透露佢同媽媽感染新冠肺炎有軍醫上門送藥。至於第三個vlog松雅就去到兒童醫院拍攝，佢表示自己都喺呢間醫院出世，喺醫院走廊牆上有灰姑娘等貼紙，片段中松雅嘅媽媽亦有出鏡。

松雅指自己最愛嘅書係《哈利波特》。Photo from 송아 SongA Vlog

松雅喺第二個vlog分享佢隔離經歷Photo from 송아 SongA Vlog

松雅透露佢同媽媽感染新冠肺炎有軍醫上門送藥Photo from 송아 SongA Vlog

第三個vlog松雅就去到兒童醫院拍攝，佢表示自己都喺呢間醫院出世Photo from 송아 SongA Vlog

醫院走廊牆上有灰姑娘等貼紙Photo from 송아 SongA Vlog

片段中松雅嘅媽媽亦有出鏡Photo from 송아 SongA Vlog

第四個vlog松雅向網民介紹佢嘅好朋友松龍（송룡），松龍嘅英語同樣十分流利！佢哋表示天氣太熱決定一齊去刨冰店食刨冰。松雅指刨冰店就喺學校附近，片段中刨冰店有唔少市民、學生幫襯。松雅又指佢外祖母都曾經喺屋企整刨冰畀佢食。

第四個vlog松雅向網民介紹佢嘅好朋友松龍（송룡）Photo from 송아 SongA Vlog

佢哋表示天氣太熱決定一齊去刨冰店食刨冰Photo from 송아 SongA Vlog

松雅又指佢外祖母都曾經喺屋企整刨冰畀佢食。Photo from 송아 SongA Vlog

介紹平壤大型水上樂園

最新一個vlog松雅同好友松龍一齊去平壤嘅大型水上樂園「紋繡水上樂園（Munsu Water Park）」，水上樂園大型商店有各種游泳用品，室內嘅游泳池設施齊全，有多個水上滑梯，又有兒童游泳池、按摩池、人造浪等，片中可見呢個水上樂園人頭湧湧，十分受北韓民眾歡迎。

最新一個vlog松雅同好友松龍一齊去平壤嘅大型水上樂園「紋繡水上樂園（Munsu Water Park）」Photo from 송아 SongA Vlog

水上樂園大型商店有各種游泳用品Photo from 송아 SongA Vlog

室內嘅游泳池設施齊全Photo from 송아 SongA Vlog

兒童游泳池Photo from 송아 SongA Vlog

人造浪Photo from 송아 SongA Vlog

松雅家族背景顯赫

松雅喺第一條片就大讚平壤係一個美麗又高尚嘅城市，而松雅能夠講流利外語，加上高質素嘅生活，有外國傳媒估計佢背景唔簡單。據南韓傳媒報道，松雅出身顯赫，父親係外交官，曾派駐倫敦，估計松雅識講流利英語就係呢個原因。

松雅喺第一條片就大讚平壤係一個美麗又高尚嘅城市Photo from 송아 SongA Vlog

松雅能夠講流利外語，加上高質素嘅生活，有外國傳媒估計佢背景唔簡單。Photo from 송아 SongA Vlog

報道稱松雅母親嘅家族亦大有來頭，松雅嘅外曾祖父喺高層，2015年去世時更獲金正恩為佢舉行國葬，地位超然。有指松雅嘅YouTube頻道正係北韓宣傳手法之一。

報道稱松雅母親嘅家族亦大有來頭Photo from 송아 SongA Vlog

有指松雅嘅YouTube頻道正係北韓宣傳手法之一。Photo from 송아 SongA Vlog

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

全球最寒冷城市氣溫低至零下71度！市民照常返工/手機30秒熄機

23 Feb 2022

香港最近天氣寒冷令市民都頂唔順。其實俄羅斯薩哈共和國嘅首都「雅庫茨克（Yakutsk）」比香港凍得多。YouTuber歐亞力曾拍片介紹過呢個地方，當地人面對零下71度嘅天氣都照樣返工，歐亞力嘅朋友Nastya公開佢哋嘅日常生活。

YouTuber歐亞力曾拍片介紹俄羅斯薩哈共和國嘅首都「雅庫茨克（Yakutsk）」

全球最凍城市—雅庫茨克（Yakutsk）

「我是一個西伯利亞人，冬天的冠軍～」最近香港天氣急跌，加上落雨，令唔少要返工嘅市民苦不堪言。不過香港7度嘅氣溫喺俄羅斯人眼中真係「濕濕碎」，雅庫茨克作為「全球最凍城市」，當地人對嚴寒天氣自有一套生存法則！

雅庫茨克作為「全球最凍城市」，當地人對嚴寒天氣自有一套生存法則！

YouTuber「lexww歐亞力」早前就拍咗條片，佢搵咗一位居住喺雅庫茨克嘅朋友娜斯佳（Nastya）介紹呢個極寒之地，有部分地方曾錄得零下71度嘅氣溫！

歐亞力搵咗一位居住喺雅庫茨克嘅朋友娜斯佳（Nastya）介紹呢個極寒之地。

部分地方曾錄得零下71度嘅氣溫！

室外用手機30秒即熄機

Nastya表示佢喺度遇過最凍嘅冬天係2021年，大約有零下61度。喺呢個地方室外用手機iPhone一般30秒就會熄機，新嘅可能會頂到1分鐘，Samsung就可以用到10分鐘。雅庫茨克13:00先天光，大約到16:00就天黑，日照時間較短而且仲會有大霧，能見度極底。

Nastya表示佢喺度遇過最凍嘅冬天係2021年，大約有零下61度。

室外用手機iPhone一般30秒就會熄機

雅庫茨克13:00先天光，大約到16:00就天黑，日照時間較短

冬天會有大霧，能見度極底。

當地人保暖衣物大公開

拍攝當日約為-37度，街上仲有唔少行人，畫面外更有一把男聲指：「依家天氣唔算凍，只有-37度。」Nastya表示佢哋會著冬季棉褲、冬季鞋、外套。喺呢個溫度下佢哋嘅衫同臉都會結霜。

拍攝當日約為-37度，街上仲有唔少行人，畫面外更有一把男聲指：「依家天氣唔算凍，只有-37度。」

Nastya表示佢哋會著冬季棉褲、冬季鞋、外套。

喺呢個溫度下佢哋嘅衫同臉都會結霜。

另外Nastya又指出門一定要戴手套，因為天氣太凍如果唔戴會好易凍傷，佢又指冬天當地人都唔會化妝。

Nastya又指出門一定要戴手套，因為天氣太凍如果唔戴會好易凍傷

冬天當地人都唔會化妝。

唔用地下車庫，用「便攜式車庫」

雅庫茨克嘅人平時停車唔會停喺地下車庫，佢哋都有「便攜式車庫 (Portable Garage) 」，或者開住引擎，因為一旦閂引擎入面嘅水好快會結冰，就無法發動汽車。

雅庫茨克嘅人平時停車唔會停喺地下車庫，佢哋都會有「便攜式車庫 (Portable Garage) 」

一旦閂引擎入面嘅水好快會結冰，就無法發動汽車。

影片中有一輛熄咗引擎嘅車無用到「便攜式車庫 (Portable Garage) 」，Nastya表示車主可能要等到夏天或者搵師傅修理先可以開得返架車。

Nastya表示車主可能要等到夏天或者搵師傅修理先可以開得返架車。

市民照常返工、送外賣

雅庫茨克冬天平均氣溫約為-50度，但市民都照常返工，喺街上仲有外賣員送外賣，雖然無保溫袋可以好好保暖，但佢哋食到嘅外賣都仲係熱嘅。除咗外賣，喺室外都可以進食，不過只限好短嘅時間，因為即使係熱咖啡都會極速變成冰。

雅庫茨克冬天平均氣溫約為-50度，但市民都照常返工，喺街上仲有外賣員送外賣

佢哋食到嘅外賣都仲係熱嘅

除咗外賣，喺室外都可以進食，不過只限好短嘅時間，因為即使係熱咖啡都會極速變成冰。

當地人冬天食生肉料理？

由於室外氣溫低過雪櫃，冬天會有露天市場，當地小販會喺嚴寒天氣下企足成日賣凍肉、冰魚等食材，部分較貧困嘅地區市民雪櫃位置不足，會將食物放喺屋外保存。

室外氣溫低過雪櫃，冬天會有露天市場

當地小販會喺嚴寒天氣下企足成日賣凍肉、冰魚等食材

部分較貧困嘅地區市民雪櫃位置不足，會將食物放喺屋外保存。

當地嘅傳統餐廳有由生魚肉、生馬肉同生內臟嘅料理「Stroganina」提供，因為佢哋認為喺極寒天氣下可以令生肉維持無菌狀態，同時亦保持肉類嘅鮮味。

餐廳有由生魚肉、生馬肉同生內臟嘅料理「Stroganina」提供Photo from HolidaySmart

圖片、資料來源：lexww歐亞力

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

時事熱話刨冰水上樂園北韓YouTuber