吳彥祖大晒當年帥氣雜誌封面照！中文直譯caption再惹網民爆笑，感嘆當年髮量多？
47歲吳彥祖（Daniel）一直以來都係唔少網民心目中嘅「男神」，近年佢仲開始成為職業賽車手，加入美國車隊。最近，佢喺社交媒體向大家分享過往拍攝雜誌封面嘅照片，而佢亦好貼心咁為咗同粉絲互動將自己喺微博嘅Caption轉做中文，但又再一次令網民捧腹大笑！
Photo from 吳彥祖微博
吳彥祖於美國長大
吳彥祖（Daniel）於美國加州出身並於當地成長，所以佢嘅英文水平亦比中文更純熟。直到1997年後，佢來港發展電影及模特兒事業；2004年佢憑電影《新警察故事》勇奪金馬獎「最佳男配角」，演技實力備受肯定，後來佢仲開始投身電影幕後製作！
Photo from 吳彥祖微博
Photo from 吳彥祖微博
憑俊俏五官、高大身型獲邀拍攝雜誌
過往吳彥祖憑俊俏外貌成功獲邀拍攝唔少雜誌海報，雖然隨住年月變遷，有網民指出佢疑似有髮際線向後移嘅問題，但唔少網民大讚佢依然帥氣十足！最近，佢喺社交媒體大晒多年來曾經拍攝過嘅雜誌封面，指以上雜誌都係父母們多年來嘅收藏。
Photo from 吳彥祖微博
Photo from 吳彥祖IG
驚嘆過往髮型超多變！
唔少網民都不禁驚嘆吳彥祖樣貌的確好有型，但亦有網民將焦點放咗喺佢今次嘅中文翻譯Caption上！事關佢喺IG同微博所打嘅Caption截然不同，用英文Caption寫上「Cleaning out my parents house and found all the stuff they had saved over the years. Here’s a stack of my magazine covers. My hair had many looks over the years!（在父母家找到一堆東西，以上是我過往拍攝的雜誌封面。原來我以前的髮型這麼多變！）」
Photo from 吳彥祖微博
Photo from 吳彥祖微博
但微博Caption意思完全不同！
然而，佢喺微博上載嘅帖文意思卻完全唔同，當中最引人注目嘅一句係「這個時候我的頭髮看起來也很多的！」令唔少內地網民都誤以為佢擔心自己髮際線向後移嘅問題，紛紛安慰佢「你就算光頭都很帥」、「帥與頭髮多少無關」等，非常搞笑！
Photo from 吳彥祖微博
Photo from 吳彥祖微博
直接用「Google translate」與內地網民溝通
而利用「Google translate」就可以知道吳彥祖係直接將自己嘅英文Caption用電腦幫手翻譯，粉絲們都大讚佢貼心，仲會成日向粉絲分享日常生活；亦有部份網民幽默留言「收手吧，阿祖！」、「你真的好好笑」等。
Photo from HolidaySmart
Photo from 吳彥祖IG
經常因為中文翻譯而向大眾發放笑彈！
其實今次並非吳彥祖第一次因為「Google translate」而大放笑彈！今年6月，佢喺微博分享囡囡Raven 9歲生日嘅感受「她的成長讓我很興奮，但也讓我為我的小寶貝不再是我的小寶貝而感到難過！」略顯生硬嘅句子令網民都忍唔住大笑，引起熱議！
Photo from 吳彥祖微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
吳彥祖微博發文感嘆女兒長大，慘被網民嫌棄：用返英文啦！
3 Jun , 2022
Photo from 吳彥祖IG
吳彥祖近年減產，一家三口定居美國
男神吳彥祖現年47歲，雖然近年經常被目擊指佢髮際線後移，昔日帥氣形象不再，不過佢仲有唔少fans。吳彥祖同戀愛八年嘅女友Lisa S.於時2010年結婚，2013年女兒吳斐然Raven Wu出世，一家三口幸福滿滿！
Photo from 吳彥祖微博
吳彥祖將重心回歸家庭，同老婆女兒定居美國，近年減產唔少，佢有份出演嘅影視作品數量少咗，不過佢無遺忘華語圈嘅觀眾，日前喺微博發文分享愛女9歲生日嘅感受。
Photo from 吳彥祖IG
吳彥祖微博發文感慨女兒大得太快
吳彥祖微博fans達953萬，佢平時都有post相分享生活，不過最新嘅帖文卻慘遭內地網民嫌棄？！原來吳彥祖發文感嘆女兒大個女，9歲嘅佢更打耳洞：「我 為我的小寶貝不再是我的小寶貝而感到難過！」
Photo from 吳彥祖IG
Photo from 吳彥祖微博
內地網民嫌棄打中文：可以寫返英文
網友發現帖文雖然係中文，但文句略顯生硬，而且有好多唔正常嘅空格，留言紛紛叫佢用返英文：「收手吧阿祖，不要再機翻了」、「我們也看得懂，可以自己翻譯」、「希望您可以讓女兒學好中文」
Photo from 吳彥祖微博
Photo from 吳彥祖微博
吳彥祖用「Google Translate」翻譯
有人指出吳彥祖父母係移民美國嘅華人，佢喺美國出世、長大，即使出道初期拍《新紮師妹》佢嘅劇本都要標注音，應該唔識寫、唔識睇中文，但就識講。
Photo from 吳彥祖微博
Photo from 吳彥祖微博
其實用「Google翻譯」就可以睇到吳彥祖應該係先寫咗英文再翻譯成中文，所以段文字先會顯得奇怪，亦有網友指吳彥祖都用Google translate好貼地。
Photo from HolidaySmart
Photo from Lisa. S IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
46歲吳彥祖回春再現男神樣！髮線後移但顏值依舊爆燈
16 Apr 2021
吳彥祖（Daniel）啱啱出道時獲封「男神」，不過隨住年紀越大，男神都開始「崩壞」，髮線向上移，外貌更被指似大叔。近日有網民晒出同吳彥祖嘅合照，男神似乎回春，型佬味返晒嚟！
Photo from 吳彥祖微博
吳彥祖今年46歲，當年佢拍《美少年之戀》絕對迷倒萬千少女，一入行已經係一代男神，更係公認嘅美男子。
Photo from 《美少年之戀》
不過近年吳彥祖多次被拍到髮線後移，似有中年禿頭危機，加上外貌鬚根未剃，成個人顯得憔悴滄桑，似乎已經從男神變成大叔。
Photo from 吳彥祖IG
Photo from 吳彥祖IG
Photo from 吳彥祖IG
吳彥祖本人都曾經喺IG公開佢16歲時嘅舊照，更留言稱：「I wish I had all that hair back.（我想要返嗰陣時嘅頭髮！）」，睇嚟頭髮稀疏真係男人最痛！
Photo from 吳彥祖IG
不過近日有網友「野生捕獲」吳彥祖，並公開合照，大讚吳彥祖好nice好有禮貌！網友又指吳彥祖老婆Lisa S.都超有禮貌，身材又好、非常有氣質，戴咗口罩都感受到超模氣場。
Photo from 小紅書
吳彥祖雖然髮線都好後，但明顯個人精神好多，比起之前滄桑面容「回春」不少，就算網友用咗filter，都睇得出男神狀態唔錯～
Photo from 小紅書
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
