牛牛日式火鍋優惠低至每位$120 歎日本和牛、美國澳洲牛肉及海鮮組合
無論冬天定夏天，同一班朋友一齊「烚下烚下」都係聚會嘅好選擇！牛牛日式火鍋放題推超抵優惠，最低$120位就可以歎靚肉，仲名以加錢歎埋海鮮，餐牌選擇多達15款，緊有一款啱你心水。
GYU GYU SHABU SHABU 牛牛日式火鍋位於荃灣西，主打高品質抵食嘅放題鍋物，是次推出【牛牛日式火鍋放題】優惠，每位低至$120，就算係晚市都係每位低至$195！有成15種牛肉海鮮組合，可以自己根據預算決定款式！
60分鐘午市分為3種，相當抵食，最平每位$120就可以黎大快朵頤！
1. $120 嚴選特級牛肉放題套餐（包括兩款肉類）
2. $145 美國產頂級牛肉放題套餐（包括四款肉類）
3. $165 澳洲產長期穀飼牛放題套餐（包括五款肉類）
午市仲有分90分鐘，除咗以上提及嘅3種套餐仲可以選擇另外3種包海鮮嘅套餐，時間長啲更加適合同朋友慢慢歎盡不同美食！
1. $145 嚴選特級牛肉放題套餐（包括兩款肉類）
2. $175 美國產頂級牛肉放題套餐（包括四款肉類）
3. $190 澳洲產長期穀飼牛放題套餐（包括五款肉類）
4. $235 美國產三筯肉放題及嚴選海鮮放題套餐（包括八款肉類及五款海鮮）
5. $350 日本產頂級黑毛和牛及嚴選海鮮放題套餐（包括八款肉類及六款海鮮）
6. $499 日本產究極級宮崎和牛及嚴選海鮮放題套餐（包括九款肉類及六款海鮮）
而90分鐘晚市亦有6種方案可選，最平只需$195，亦有期間限定澳洲產300日穀飼純種安格斯牛，脂肪量較高，均勻分佈係肌肉組織入面，每一啖都肉香十足！
1. $195 美國產頂級牛肉放題套餐（包括四款肉類）
2. $215 澳洲產長期穀飼牛放題套餐（包括五款肉類）
3. $250 美國產三筯肉放題及嚴選海鮮放題套餐（包括八款肉類及五款海鮮）
4. $320 澳洲產300日穀飼純種安格斯牛套餐
5. $375 日本產頂級黑毛和牛及嚴選海鮮放題套餐（包括八款肉類及六款海鮮）
6. $515 日本產究極級宮崎和牛及嚴選海鮮放題套餐（包括九款肉類及六款海鮮）
優惠期由即日起至2022年9月30日，而家每兩位預訂就送50g宮崎牛1份，4位送2份，即刻約埋朋友淥一淥佢！
地址：荃灣大河道100號1樓1010號舖海之戀商場
營業時間：11:30 AM - 10:00 PM
電話：31687068
Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
鼎家喜筷推90分鐘秘製雞煲優惠，$198/位無限追加雞件兼任食指定火鍋配料
13 Jul 2022
鼎爺私房菜大家實有聽過，原來佢地旗下仲有其他餐飲品牌，位於荃灣的「鼎家喜筷」主打平民版高質新型燒味Cafe，推出90分鐘秘製幸福雞煲放題優惠，每位只需要$198就可以無限添加秘製幸福雞煲，仲可以任食多款火鍋配料，鍾意食雞煲就一定要約埋朋友試試佢！
「鼎家喜筷」位於荃灣荃灣海之戀，係荃灣西地鐵站一出就到，認真方便。環境佈置非常現代化，井井有條，睇落同一般Cafe差唔多，點會估到呢到有雞煲食！
場內仲有好多鼎爺招牌光頭嘅公仔圖案，非常盞鬼。
掛咗鼎爺個名，就知呢到食物質素一定有保證，佢地嘅雞煲用上幸福滋味秘製嘅雞煲醬，雞件又麻又香，仲有3個辣度選擇，絕對滿足到愛食雞煲嘅大家！就算係添加嘅雞件都係炒過再上，唔係生雞件黎架～
食完雞煲仲可以加水打邊爐，任食丸類、麵類、菜類等火鍋配料，包食到飽！想再豪華啲仲可以加錢食埋牛小排同海鮮等配料！
優惠價格每位只需要$198就可以90分鐘無限任食雞煲，4位或以上預訂仲可以任飲指家鼎家茶飲，優惠期去到8月31日，快啲約埋三五知己大快朵頤啦！
地址：荃灣大河道100號海之戀商場3樓3012號舖
前往方法：港鐵荃灣西站C出口，步行約1分鐘
營業時間：11am - 9:30pm
電話：2488 8399
Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
