婚外情14年，老公送379萬予二奶！妻子一怒之下告上法庭
一夜夫妻百夜恩，但如果另一半係無仁無義，都要爭取返自己應得嘅權利。內地有夫婦因為婚外情對簿公堂，原來正印發現丈夫背住佢另外有一頭家，更為二奶花費數百萬，於是將對方告上法庭，要求第三者將咁多年所得利益全數退還！
Photo from 《紀念日》劇照
老公婚外情14年
近日內地遼寧一對夫妻嘅事情成為熱話，更登上微博熱搜。當事人李女士同王先生於1991年登記結婚，兩人婚後育有一女，不過結婚31年，丈夫王先生卻不甘寂寞，喺2008年起就同一位名為小霞（化名）嘅女士發展婚外情。
Photo from 《夫妻的世界》劇照
王先生同小霞相戀多年，小霞更為王先生誕下兒子，雖然無名無份，但佢哋一家三口亦尤如普通家庭一樣。但2020年佢哋嘅地下關係卻被王先生正印老婆李女士揭破，李女士發現老公王先生咁多年嚟不斷畀錢小霞用。
Photo from 《夫妻的世界》劇照
Photo from 《夫妻的世界》劇照
老公送小三近380萬，正印老婆告上法庭要求歸還
丈夫嘅背叛以及第三者獲得嘅利益令李女士大感不忿，佢將王先生同小霞告上法庭。李女士認為王先生送畀小霞嘅嘢都係屬於婚後夫妻共同財產，小霞應將部分所得歸還。
Photo from 《夫妻的世界》劇照
王先生承認自己一直同小霞保持婚外戀關係，兩人交往期間，王先生曾送車送樓畀小霞。經調查，2013年至2020年間，王先生一共向小霞轉帳超過147萬元人民幣。2012年、2014年分別以現金80萬元同65萬元為小霞買入兩層樓，2013年再送一架價值87萬元嘅汽車畀小霞，總數超過379萬元人民幣。
Photo from 《今生是第一次》劇照
小三自稱係受害者
正印李小姐大感委屈，認為丈夫所贈嘅都係夫妻共同財產，而小霞則辯稱自己先係受害者，佢指王先生一直自稱已離婚，所以佢先同對方交往，而且佢曾多次要求登記結婚但都被王先生借故推延，小霞聲稱對王先生實際嘅婚姻狀態唔知情，而且兩人育有一子，王先生所贈嘅金錢都係兒子撫養費，無理由要返還。
Photo from 《BB來了》劇照
Photo from 《2049》劇照
法院判正印勝
法院判決指王先生在同李女士於婚姻存續期間，同小霞保持情人關係，有悖公序良俗，而且王先生未同李女士離婚，雙方均對共同財產具有平等的權利，王先生瞞住妻子私自將共同財產送畀小霞，此贈與行為應為無效，而小霞提出撫養費嘅辯解卻不適用於呢個案件，佢應另行向王先生提出。
Photo from 《少年法庭》劇照
最終法院判決李女士獲勝，小霞需歸還李女士逾379萬元人民幣。唔少網友得知判決後表示大快人心，又指：「屬於原配的錢，一毛也拿不走。」亦有網友指小霞同王先生交往咁多年，無可能唔知對方有老婆，認為佢嘅解釋好蒼白。
Photo from 《夫妻的世界》劇照
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
老公叫其他女人做「老婆」堅稱無偷食只當對方係妹妹！人妻：係咪我諗多咗？
17 Dec 2021
情侶間會有特別嘅稱呼，但有啲係唔可以亂咁叫！喺討論區有網友指與老公結婚兩年，最近發現佢WhatsApp同人傾得好投契，更互稱「老公老婆」，被發現後丈夫仲堅持只係朋友開玩笑，令網友不禁反省係咪自己諗多咗。
Photo from TVB
人妻揭老公偷偷與一女性密密WhatsApp
有網友喺連登討論區發文指老公平時放工會同班朋友去練舞跳舞，有時放假都約埋出去，因為大家互相認識，人妻表示一直對好放心。但最近佢發現老公會對住手機笑，雖然內心有懷疑，但老公就指係同上司對話，而且更避開佢同人WhatsApp，令人妻再起疑心！
Photo from TVB
Photo from TVB
人妻終發現親密對話紀錄，老公與阿婷稱呼對方做「老公老婆」
除咗WhatsApp外，丈夫跳舞次數多咗，回家時間亦越嚟越夜，終於被人妻發現老公嘅WhatsApp對話紀錄，對象係跳舞活動識嘅女仔，樓主指佢都見過嗰位女性，但唔太熟，聽其他人叫佢做阿婷，但真名就唔知。
Photo from TVB
Photo from TVB
樓主指老公同名婷嘅對話用詞非常親密，互稱「老公老婆」，起身、瞓覺、食飯、沖涼等都會互相報備，更會用大量「心心」、「親親」嘅stickers！
Photo from lihkg
Photo from lihkg
Photo from lihkg
Photo from lihkg
老公堅稱只當阿婷係妹妹，未有發展超出友誼關係
人妻睇到嬲爆即刻追問老公，對方竟表示阿婷家庭有問題，又要照顧小朋友，平時大家出來跳舞放鬆，佢只係當阿婷係妹妹，諗住陪下佢，其他朋友都有關心阿婷，反指係樓主諗多咗。
Photo from TVB
Photo from TVB
樓主根本唔信：「妹妹需要叫老公老婆？限聚令下孤男寡女可以玩到就黎天光先返屋企？」但老公完全唔覺得自己有錯，堅稱嗌「老公老婆」就好似online game嗰啲稱呼，仲話樓主小題大做。
Photo from TVB
Photo from TVB
老公堅持無做錯，人妻不禁反省
樓主又補充佢同老公未有小朋友，雖然大家有討論過但佢想遲啲先生。樓主指老公都有好親密咁稱呼佢，WhatsApp會叫佢做「老婆」、「BB」，但對話嘅模式就有啲唔同。樓主老公指淨係陪阿婷，兩人從未發生關係：「佢話同玩遊戲朋友開玩笑互嗌一樣，稱呼唔代表啲咩喎」
Photo from TVB
最終擾攘一個月，老公應承唔再同阿婷聯絡樓主先原諒佢，但喺老公多次堅持自己根本無做錯嘅情況下，樓主都忍唔住諗：「係唔係真係我諗多咗？」
Photo from TVB
網友籲樓主盡快離婚
呢個帖文引起網友熱議，大部分網友睇到對話紀錄已表示對樓主老公嘅解釋感到難以置信：「你咁都信呀？」、「好明顯啦仲問」，更呼籲樓主盡快離婚：「咁都可以原諒佢? 離婚喇」
Photo from lihkg
Photo from TVB
Photo from lihkg
因為樓主同老公喺疫情爆發前結婚，有網友感嘆：「結咗婚無耐就出去玩真係少少癲」，亦有網友反諷：「唔算啦，我叫樓下個看更都叫老公」
Photo from TVB
Photo from lihkg
Photo from TVB
Photo from lihkg
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
