廖碧兒拍積木熊開箱片，完美身材頓成焦點！早前曾被網民指身型發福？

By Stephanie on 02 Aug 2022

Digital Content Writer

43歲廖碧兒（Bernice）出名樣靚身材好，獲唔少網民大讚係「凍齡女神」～經常喺社交媒體同大家分享日常生活嘅Bernice，最近仲好似其他YouTuber咁會拍開箱片。然而，最引人注目嘅係佢身穿小背心，大晒完美身材！

Photo from 廖碧兒IG

廖碧兒發展紅酒+飲食生意

廖碧兒（Bernice）係2001年溫哥華華裔小姐冠軍，隨即加入大台參與多部電視劇拍攝，曾經係備受力捧嘅花旦；直到2011年佢宣佈離巢。近年佢都有份主持唔同電視台嘅節目，恢復「自由身」後獲得唔少工作機會。2017年，佢仲考取埋國際品酒認證Level 3資格，發展埋紅酒及飲食業生意，成為真正嘅事業女強人～

Photo from 廖碧兒IG

拍Bearbrick積木熊開箱片！

而廖碧兒亦好用心經營自己嘅社交媒體帳號，同大家分享佢嘅日常生活；最近佢就好似愛上咗拍攝Bearbrick積木熊開箱影片。從影片中所見，佢焦急咁拆開箱子，期間面露笑容難掩興奮之情，而透明嘅積木熊體積都幾大，足足有佢半個身咁高㗎！

Photo from 廖碧兒IG

完美身材成亮點！

不過網民似乎都將焦點放咗喺廖碧兒嘅身材上，因為佢開箱時身穿貼身嘅黑色吊帶背心，毫不吝惜咁展示自己嘅好身材；再配上可愛嘅雙丸子頭，青春洋溢～

Photo from 廖碧兒IG

最近曾被網民指身型發福

其實廖碧兒一直都有著運動keep fit，早前佢曾經上載自己做高難度瑜伽動作嘅影片，只見佢先倒立後再凌空做一字馬，十分厲害！然而，當時身穿貼身瑜伽褲嘅佢嘅肚腩仔露出咗，令部份網民覺得佢似乎發福咗；睇嚟宜家佢亦成功向大家證明只係錯覺～

Photo from 廖碧兒IG

疫情下中環酒吧生意額達7位數！

上年廖碧兒喺逆市下於中環開設酒吧，喺剛開業期間剛好係疫情緩和嘅時期，當時佢短短半年生意額已經達到7位數！雖然之後又有第5波嘅來襲，不過對佢嘅影響似乎不大，而佢豁達表示停業期間唯有當係休息時間，順便清潔或者翻新酒吧。

Photo from 廖碧兒IG

現時係單身貴族

變成女強人嘅廖碧兒現時對外宣稱依然單身，2008年佢同交往5年嘅法籍男友Emmanuel John結婚，2012年正式離婚，當時佢解釋二人早於2009年開始分居！而佢過往曾經同劉愷威、陳豪、富二代林忠豪交往，其後又多次傳出與富二代盧啟賢嘅戀情，感情路似乎並非如事業一樣順利！佢受訪時曾講過憧憬結婚，不過現時家人對佢係最重要嘅，並將屋企嘅愛犬們當作小朋友對待，享受現時嘅生活～

Photo from 廖碧兒IG

相關文章：42歲廖碧兒落淚坦承無朋友！入行20年4段戀情無結果自言享受單身

相關文章：廖碧兒重提與20年前與劉愷威戀情自爆當年因為咁而跟男方返屋企！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

43歲廖碧兒隔11年重返電視城，打卡直播大曬無瑕肌，稱有好節目就參與

8 Jun , 2022

43歲嘅廖碧兒（Bernice）自2011年約滿離開電視台後甚少係幕前出現﹐但近日佢就重返電視城，似乎有新嘢拍？

Photo from 廖碧兒IG ＠berniceliuofficial

廖碧兒係哥倫比亞大學就讀工商管理系，係2000年參選溫哥華華裔小姐奪冠，再係2001年奪國際華裔小姐冠軍入行，其後為電視台效力十年﹐係2011約滿後就較少係幕前出現。

Photo from 廖碧兒IG影片截圖＠berniceliuofficial

佢近年專注於紅酒事業，考取國際品酒認證Level3資格，創立自己嘅葡萄酒品牌，更豪擲千萬係法國購買酒莊，係香港亦有過千呎中央廚房嘅酒吧，短短半年就賺到過百萬。早前智利政府更邀請佢參觀莊園，佢表示葡萄酒令佢結識咗唔同國家嘅朋友，透露最近修讀商科碩士課程，希望可以幫助發展紅酒生意，而且仲岩岩考完試，所以就出黎拍嘢！

Photo from 廖碧兒IG ＠berniceliuofficial

其實佢係2016年開始已經不時會參演ViuTV嘅劇集，有《瑪嘉烈與大衛系列》、《身後事務所》等等，亦有主持節目《是滴是友》。相隔11年，今次終於重返娘家電視城，擔任新節目《鬼上你架車3》嘅嘉賓，同方力申和當奴（Donald）打卡影咗唔少相。佢笑言見到好多舊朋友好開心，仲話仲有第二個節目未出街，未來有好劇本好節目邀請就會參與，不局限某個電視台。