download HolidaySmart 假期日常 app
楊思琦北上發展大談家庭生活！提及神秘老公勁甜蜜

楊思琦北上發展大談家庭生活！提及神秘老公勁甜蜜

娛樂新聞
By Jennifer on 02 Aug 2022
Digital Editor
今晚食乜餸：小二，嚟一碟花生！

楊思琦近年轉到內地發展，又開直播、又拍抖音。佢最近接受內地傳媒採訪，大訪分享家庭生活，一向低調處理家庭事嘅楊思琦亦表示老公好支持佢北上工作，雖然老公未曾露面身份神秘，但楊思琦提及對方時仍然笑得一臉甜蜜！

楊思琦近年轉到內地發展，又開直播、又拍抖音。Photo from 楊思琦IG

楊思琦北上發展做主播

楊思琦2012年喺微博宣佈誕下女兒Krystal，不過一直都無透露女兒生父身份。女兒身世成謎，楊思琦指佢跟自己姓楊。誕女後楊思琦好快就復出，但到2014年決定離巢發展。

楊思琦2012年喺微博宣佈誕下女兒Krystal，不過一直都無透露女兒生父身份。Photo from 楊思琦IG

離巢後楊思琦試過做主持，又推出寫真集，更首次進軍樂壇，發表新歌《愛的森林》，實行多方面發展。近年佢長駐廣州，拍攝唔少抖音片，更做主播開1對1直播間，網友只需付數千元就可以同楊思琦單對單對話。

離巢後楊思琦試過做主持，又推出寫真集，更首次進軍樂壇，發表新歌《愛的森林》，實行多方面發展。Photo from 楊思琦微博

近年楊思琦長駐廣州，拍攝唔少抖音片，更做主播開1對1直播間Photo from 楊思琦IG

北上為「尋根」，發展個人事業

近日楊思琦就接受內地傳媒訪問，佢表示選擇北上就係為咗「尋根」，又指佢之所以會做主播係因為覺得做主播可以好舒服咁做返自己，不過佢亦坦言會有人喺佢直播間留言：「點解依家啲演員要淪落到嚟做主播」。

近日楊思琦就接受內地傳媒訪問，佢表示選擇北上就係為咗「尋根」Photo from 楊思琦微博

雖然係咁，但楊思琦堅持現今社會事業對於女性嚟講好重要，佢指好彩有屋企人幫佢照顧小朋友，令佢可以作出新嘅嘗試、喺工作上面有多方面嘅發揮。

楊思琦堅持現今社會事業對於女性嚟講好重要，佢指好彩有屋企人幫佢照顧小朋友，令佢可以作出新嘅嘗試Photo from 楊思琦IG

神秘老公勁支持工作，楊思琦大為感動

提到「屋企人」，楊思琦丈夫一向低調，從未曝光過身份，楊思琦2019年自爆再懷孕，又指已同BB爸爸註冊結婚。到2020年兒子Kody出世後，老公仍然唔見影，雖然楊思琦多次提及老公，但丈夫真面目仍然係個謎。

楊思琦2019年自爆再懷孕，又指已同BB爸爸註冊結婚。到2020年兒子Kody出世後，老公仍然唔見影Photo from 楊思琦微博

丈夫姓名及年齡不詳，有傳兒子亦係跟楊思琦姓，不過佢就否認兒子跟佢姓楊，又強調老公只有佢一個太太。2021年楊思琦曾發生車禍，需要留院治理，而神秘老公喺咁重要嘅時刻依舊未有現身，不禁令網友產生懷疑！

有傳兒子亦係跟楊思琦姓，不過佢就否認兒子跟佢姓楊，又強調老公只有佢一個太太。Photo from 楊思琦微博

2021年楊思琦曾發生車禍，需要留院治理，而神秘老公喺咁重要嘅時刻依舊未有現身Photo from 楊思琦IG

喺是次採訪中楊思琦亦有提及神秘老公，佢甜蜜表示自己返廣州工作，老公十分支持，更同佢講：「你安排好自己嘅工作，屋企有我照顧。」令佢大為感動！採訪中楊思琦高呼：「我有老公啦喎！」楊思琦指老公係圈外人，本身過嘅係正常生活，一直都咁低調其實有原因：「如果佢畀人哋追訪，未必佢可以接受得到」

是次採訪中楊思琦亦有提及神秘老公，佢甜蜜表示自己返廣州工作，老公十分支持Photo from 楊思琦微博

楊思琦指老公係圈外人，本身過嘅係正常生活：「如果佢畀人哋追訪，未必佢可以接受得到」Photo from 楊思琦微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

楊思琦拍片到廣州掃街惹熱議 被指表現浮誇 兼無戴口罩缺防疫意識

4 May 2022

43歲楊思琦去年轉移到內地發展，今年開始密密拍抖音片與粉絲交流。近日，佢分享自己到廣州街頭吃特色小食影片，卻被網民嫌佢表情浮誇，而且不戴口罩缺乏防疫意識。

楊思琦近日分享到廣州搵美食嘅短片，卻被網民指表現浮誇又不戴口罩。Photo from 楊思琦 IG

楊思琦到廣州掃街

楊思琦日前上載短片，展示自己到廣州上下九步行街打卡搵美食，佢身穿粉紅色上衣，頭上架著墨鏡，未有被路人認出。佢好快就進入一間餐廳，興奮表示：「來到西關，一定要試下地道嘢！」並點了豉油王蒸腸粉和順德爽魚皮。

片中可見思琦在廣州街頭表示要搵好嘢食。Photo from 楊思琦 抖音

佢先形容豉油王蒸腸粉嘅腸粉皮「仲薄過我塊面」，又指腸粉晶瑩剔透，猶如白色嘅啫喱。

楊思琦品嘗豉油王蒸腸粉Photo from 楊思琦 抖音

薄過面皮Photo from 楊思琦 抖音

食評Photo from 楊思琦 抖音

佢續稱，平常食嘅順德爽魚皮都係又脆又硬，但今次係第一次品嘗軟魚皮，食後覺得似海蜇，期間佢驚歎：「點解可以變成海蜇質地呢？真係好... 神奇呀！」

楊思琦大讚口感神奇。Photo from 楊思琦 抖音

網民指表現誇張

由於思琦在整條片中說話都特別用力，亦非常落力做表情，所以有不少網民留言指佢浮誇，效果一般，不過都有網民替佢解釋，可能香港與廣州腸粉味道好唔一樣，所以思琦才有如此誇張嘅反應。

楊思琦被指浮誇Photo from 楊思琦 抖音

楊思琦表情好給力Photo from 楊思琦 抖音

但都證明思琦好落力拍片Photo from 楊思琦 抖音

無戴口罩被批

不過最令網民關心嘅係，思琦在廣州街頭無戴口罩。好多留言都指出，當地仍有疫情，作為明星應做好榜樣注意防護，「戴返口罩先得，最近咁嚴重」、「美女戴口罩喔，雖然你是明星，防疫人人有責」、「不給國家添亂」，亦有人指佢記得戴墨鏡，卻不戴口罩。而思琦本人都有讚好其中一條，所以相信佢下次都會小心啲。

有網民問楊思琦為何不戴口罩Photo from 楊思琦 抖音

網民都好關注防疫Photo from 楊思琦 抖音

楊思琦 都讚好其中一個留言Photo from 楊思琦 抖音

重遇「媽媽」苑瓊丹

早前，思琦遇到同樣在內地生活嘅苑瓊丹，當然佢都不忘把握機會，將二人重逢嘅畫面拍畀粉絲睇。雖然現實中佢哋只相差15歲，但二人曾在電視劇中飾演母女，所以思琦都好開心攬著對方表示「呢個就係我媽媽喇！」而苑瓊丹都搞笑回應：「乖女！母親節就嚟到，我梗係認啦，送禮啊！」

楊思琦在內地重遇苑瓊丹。Photo from 楊思琦 抖音

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

內地老公抖音娛樂新聞楊思琦