週末Chill歎中西區打卡之旅 $268/位包日式輕食晚餐+中環摩天輪

Digital Content Writer

星期六放假無嘢做唔知去邊好？不如試吓跟團黎個本地遊！港旅國際旅遊推【日式罐頭酒吧+中環摩天輪打卡の旅】，只需$268就可以3小時Chill遊中西區，無論同朋友去定去到再識朋友都好玩！

港旅國際旅遊今次推出嘅本地遊將會以優惠價$268帶大家係中西區遊玩！想黎個親子遊，幼兒票更只需$50！集合後先會去炮台山東岸公園主題區同灣仔海濱長廊，然後就會去日本罐頭Mr.Kenso餐廳享用early dinner！

呢到嘅食物非常有特色，集結咗世界各地各式各樣嘅罐頭，而餐單亦包含油甘魚大根配白飯或者洋風橄欖油雞蒜片意粉做主菜，加上柴魚昆布高湯玉子燒、拼薯仔雞蛋沙律、脆炸蓮藕片同味噌湯，仲包一杯飲品，原來罐頭都可以咁好食又滿足！

店內仲陳列大量罐頭做展示，大家可以任意打卡架！

然後就會去中西區海濱長廊影相打卡，仲會包門票乘坐摩天輪～自己去覺得好悶嘅話不妨試下同朋友去或者去到再識朋友，一班人一齊聚下吹下海風就差唔多一日，身心都相當滿足！

集合時間係逢星期六下午3:30，解散時間大約係下午6:30，可以揀7、8、9月出發，下午又唔會太熱，最啱周圍行下散下心啦﹐優惠期由即日起至2022年9月17日，仲唔快啲預約個悠閒假期！

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

西貢包船派對優惠人均$310 遊足8小時包午餐+水上活動設備任玩!

夏日熱辣辣，又有夏日水上活動好推介！飛揚遊推【西貢船派對】優惠，閒日低至$10880就可以船p由朝玩到晚，35人嘅話平均每人只需$310，仲包埋午餐、遊艇同多款水上活動設備，鍾意遊船河玩水嘅話點可以錯過呀！

夏天緊係約埋一班朋友去船p，飛揚遊推【西貢船派對】，黎個短程船河之旅，行程以西貢作起點，駛至滘西灣以內，朝9晚5玩足8個鐘！

20人或以下就可以優惠低至$7380包船，20個人除返開每人只需要$369，亦有21-25人、26-30人、31-35人等方案，船隻最多可以容納50個人呀！而且當然愈多人去愈抵，35個人包船$10880，除返開每人只需要$310咋！

組合包超豐富午餐，會有專人係船上即席炮製鮮甜蟹粥、蒜蓉粉絲煮蜆、鹵水雞中翼、咖哩雜丸、菠蘿腸仔串、醬油煮雜菜、雞絲炒烏冬、豉油王炒麵8款美食，唔怕玩玩下肚餓啦！

優惠仲包含多款免費設施同服務，包括巨型滑梯、攀爬島、水池浮床、大浮氈、搖搖板同陀螺6選3，視乎船隻安排，仲有滑水快艇、Wakeboard、香蕉船、高速飛船、內廳冷氣開放、卡拉OK可以使用！而船上亦有食用冰粒提供，熱辣辣飲凍嘢先夠消暑！不過飲品就需要自備呀～

集合地點：西貢公眾碼頭
集合時間：9:00 AM
解散地點：西貢公眾碼頭
解散時間：5:00 PM

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel