打卡好去處！HKDI年度設計展開始喇！AR體驗、創意展品帶你探索未來新文化！

由香港知專設計學院（HKDI）及香港專業教育學院（IVE）（李惠利）舉辦嘅年度設計展「Emerging Design Talents 2022：Culture Future」（EDT2022）開始咗啦！HKDI一直都培育好多年輕新生設計師，每年展覽都受到各界矚目！今年展覽主題為「文化未來」，以建築、室內及產品設計、傳意設計、數碼媒體、時裝及形象設計、資訊科技及珠寶設計與工藝等共40個課程畢業生設計出不同媒介形式嘅展品，探索人與萬物嘅關係，繪畫出未來文化～當中有AR實境體驗、「牛仔星期五」舞蹈表演，仲有好多創意展品同打卡位，均免費入場～以下等小編同大家率先睇睇有咩亮點先！

Photo from HKDI

#亮點1：登上新潮龍舟！由學生一筆一劃親手繪圖！

傳統節日係其中一個非常能夠突顯出當地文化嘅一環～HKDI今年就同赤柱龍舟協會合作進行「資優設計工作室：端午節 – 文化、社區及環境」項目，將端午節嘅龍舟、船槳等，搖身一變配合中西文化x傳統文化設計出全新形象，更為赤柱未來打造全新形象的概念圖，創作出前所未見嘅端午節慶典！

Photo from HKDI

一入到去HKDI地下就會見到4艘好Colorful搶眼嘅龍舟！4艘龍舟各具特色嘅圖案都係由一班插畫設計同學仔親手畫上去㗎！現場仲可以登上「陸上龍舟」打卡影相，敲擊龍舟鼓！對設計或文化有興趣嘅朋友仔，或者帶埋小朋友去體驗都啱晒呀！

#亮點2：飽覽文化傳承之創新設計！

Photo from HKDI

Photo from HKDI

展覽當然有一系列創新設計欣賞～當中HKDI唔同學科嘅同學都以新x舊重組方式創造出唔同主題、媒介嘅設計，令文化得以延展～例如有以粵劇元素設計嘅化妝盒《照紅妝，歌舞嬉鬘》、以16世紀以嚟不同風格原素設計成嘅時裝《清道夫》、重塑80年代意大利孟菲斯風格嘅「資優設計工作室：孟菲斯設計及後當代物件」嘅一系列傢俱，完全可以令大家大飽眼福，感受文化魅力！

如果鍾意睇表演嘅朋友，記得預約睇埋「資優設計工作室：魔幻舞台體驗 - VR城市的舞蹈與想像」同「牛仔星期五」舞蹈表演，欣賞由HKDI學生精心設計嘅舞台啦～

即Click網上預約參觀時段啦 >>> https://bit.ly/3bK406z

「年度設計展2022：文化未來」
展覽日期：2022年8月5日至2022年8月21日 (「牛仔星期五」將於2022年8月20日下午4時 – 下午5時30分，於Design Boulevard及Jamming Space 舉行。觀眾需於網上預約。
展覽開放時間：上午10 時 – 下午8 時
地址：香港新界將軍澳景嶺路3號；香港知專設計學院（HKDI）及香港專業教育學院（IVE）李惠利院校；港鐵調景嶺站A2出口
網站：https://edt2022.hkdi.edu.hk/zh/
查詢詳情：3928 2566 

Text: HolidaySmart editorial
Photo source: HKDI
Featured for: HKDI

**本文章的圖片均經其本人或其公司授權，其他媒體不得轉載