【放假好去處】復古／美照熱點／咖啡控／素食各式主題樣樣齊！仲有得免費Upgrade植物奶＋送限量禮物 ！

一到周末或假期，大家都會想盡辦法放鬆一下。相信好多人同小編一樣，都好鍾意約埋另一半或閨蜜去Cafe歎返杯啡，Chill下兼打卡！而家愈嚟愈多人注重健康，餐餐食得健康之餘，就連日日都飲嘅飲品如咖啡都開始轉咗以植物奶代替牛奶啦，植物奶比全脂牛奶較低卡之餘，好多人都喜歡佢係零乳糖及零膽固醇，例如維他奶專業沖調用植物奶，配搭不同咖啡或飲品時，健康之餘又不失美味！

市面上好多Cafe都有提供以唔同款式植物奶泡製嘅咖啡、其他飲品，甚至食物，去滿足大家嘅需要同口味！為慶祝世界植物奶日（22/8），由即日起至9月6日，於指定咖啡店見到指定嘅座枱卡，就代表可以免費Upgrade指定維他奶專業沖調用植物奶系列（豆奶、燕麥奶、杏仁奶）！小編獨愛呢個系列低糖、零膽固醇、全素及不含乳糖 ，而且健康得嚟又能夠帶出咖啡嘅美味！唔止咁呀，即日起至9月5日期間，只要Follow埋 「vitasoyfoodies」 IG，仲有可重用外攜杯套送?！小編幫大家做好晒功課，精選咗15間高質人氣Cafe，無論係復古風、美照熱點、咖啡控或吃貨，都一一包辦！立即睇下小編嘅介紹啦！

#CP值超高Cafe清單～各式主題樣樣齊！

1.【復古風】

Tram View Cafe

Photo from Vitasoy Café For Baristas

全港唯一能清楚睇到纜車經過嘅特色Cafe，木系裝修加上窗外嘅景色，復古感滿滿！ 雖然現時纜車仲未恢復服務，但係都有機會可以見到新纜車試駛㗎！

地址：中環纜車徑2號地下

MiLuna Cafe & Ale House

Photo from Vitasoy Café For Baristas

有舒服寬敞嘅梳化座，加上西式復古燈飾，設計超有華麗氣派～嚟到唔好錯過打卡靚位巨型發光月亮裝飾呀！呢度夜晚仲會變身成酒吧?！老闆會不定時更新Menu，提供各款輕西餐，保持新鮮感；打卡之餘記得試下佢哋今期推介嘅香蕉燕麥奶Smoothie呀！

地址：尖沙咀漆咸道南115號達成商業中心3樓

2.【美照熱點】

Flat Mountain Cafe

Photo from Vitasoy Café For Baristas

Flat Mountain Cafe係天水圍屏山近半年新開嘅一間Cafe，以藍白色裝修作主題。由地鐵天水圍站出發只係數分鐘路程，卻帶嚟遠離煩囂嘅寧靜感覺！餐牌主要以All Day Breakfast、Burger同蓋飯為主。店內文青風格裝修，加上店外粉藍色打卡花牆，適合同三五知己歎返杯靚咖啡打下卡，過返一個懶洋洋嘅下午！飲品方面小編私心推介蘋果肉桂燕麥奶拿鐵！

地址：天水圍屏山上璋圍249號地下2號舖

CURATOR Art & Café

Photo from Vitasoy Café For Baristas

位於K11 Musea嘅CURATOR Art & Café，集創意藝術同Café於一身。呢度嘅藝術打印咖啡好受歡迎，只需要將心水照片send俾餐廳，就可以印喺咖啡上面啦！除左K11 Musea之外，喺充滿藝術氣質嘅M+都有分店㗎。

地址：尖沙咀梳士巴利道18號Victoria Dockside K11 Musea B1樓B113C號舖｜尖沙咀西九文化區博物館道38號M+ B1樓

ArtzBrew

Photo from Vitasoy Café For Baristas

作為咖啡、藝術同文化集中地，樓上畫廊定期有藝術展覽，樓下咖啡室有名畫又有設計師傢具，拉近藝術同大眾生活嘅距離。Cafe主打精品咖啡，咖啡調酒及All Day Tapas等。特別推介名為「Blue靛」嘅植物奶特飲，唔單止睇得，仲好味又健康！熱愛藝術嘅你快啲Bookmark呢間咁特別嘅Cafe，約埋朋友一邊享受咖啡美食，一邊欣賞藝術作品啦！ 

地址：西營盤皇后大道西118號地舖

Turtle by the Sea

Photo from Vitasoy Café For Baristas

呢間西貢新開海邊Cafe，鄰近西貢碼頭，海天一色，打卡一流！適合同另一半坐喺室外位置歎返杯冰凍嘅Plant Milk Latte，或者試下佢哋既Artisan Fresh Ground Coffee，吹住海風幻想吓自己正身處泰國度假，過返個休閒嘅下午。

地址：西貢惠民道1號海濱公園

3.【咖啡控】

Colour Brown Coffee

Photo from Vitasoy Café For Baristas

Colour Brown Coffee早喺2005年開業，係當時少數自家烘焙嘅咖啡店。透過尋豆、烘焙首兩個重要嘅步驟，分享不同產區嘅咖啡風味。其中位於深水埗嘅咖啡店，廢墟裝潢配上華麗金色鐵閘及綠色旋轉樓梯，連接地下咖啡店及一樓展覽空間，以咖啡香喚醒視覺享受。16年來最受客人愛戴嘅本地農場蜂蜜薑汁泡沫咖啡，今次換上植物奶，清新風味配上微微甜辣，為味蕾帶嚟不一樣嘅衝擊。

地址：深水埗黃竹街13號地下｜佐敦官涌街十號地下G/F｜中環皇后大道中30號娛樂行2樓B號舖｜灣仔茂蘿街7號地下5號舖

N1 Coffee & Co

Photo from Vitasoy Café For Baristas

喺港九新界都有分店，店內使用自家烘焙嘅咖啡豆，加上咖啡師用心嘅製作，成就一杯又一杯香醇幼滑嘅咖啡。除咗咖啡，自家烘焙蛋糕亦係佢哋另一個賣點。下次去到嘅時候不彷叫一杯Plant Milk Mocha加一份朱古力蛋糕，享受用心製作，自家製嘅美味暖意。

地址：尖沙咀摩地道34號｜灣仔謝斐道229號地舖｜西貢匡湖居購物中心B2號舖

侘寂珈琲WabiSabi Coffee

Photo from Vitasoy Café For Baristas

「侘寂」源自日本茶道，主張欣賞自然嘅粗糙同不完美。侘寂珈琲透過一杯咖啡，讓都市人能夠清心減壓，在繁囂中覓到心靈綠洲。 除咗觀塘本店之外，仲有喺西九文化區藝術公園嘅侘寂珈琲西九店，主打西九海邊靚景。兩間分店各有特色，不過都有一個共通點，就係非常高質嘅咖啡，特別係冰滴咖啡同Soya Matcha Latte都好受歡迎㗎！

地址：觀塘觀塘道396號毅力工業中心4樓C室｜尖沙咀博物館道20-22號地下GF-05舖西九文化區藝術公園

4.【主打輕食／素食】

Piano Piano Cafe

Photo from Vitasoy Café For Baristas

石門新開張Cafe，宗旨為「充滿慢活嘅咖啡主意，一試足已令人心儀」。提供Dirty、Latte同Chai Tea Latte等多款咖啡，仲可以轉用植物奶?～喺慢活嘅過程中都不忘要為大家提供健康嘅飲食。

地址：沙田石門安群街3號京瑞廣場一期2樓207號舖

Diff. Cafe

Photo from Vitasoy Café For Baristas

簡約白色裝修，仲有面向街外嘅吧枱，好有外國Feel～最抵讚係有素食Menu，提供多款素食！除咗食物，小編仲推介佢哋嘅君度橙酒杏仁奶朱古力咖啡，淡淡橙酒香包你一試愛上！

地址：荃灣享和街16號嘉華樓地下D號舖

Green Waffle Diner

Photo from Vitasoy Café For Baristas

除咗Signature Waffle同鑊仔薯粒，Green Waffle仲非常注重健康嘅飲食，最近推行緊各款低碳飲食，例如低碳All-day Breakfast、杏仁奶牛油果意大利飯及杏仁粉蛋白Pancake等，啱晒低醣飲食嘅人。新推出嘅飲品Horizon Sky（藍色蝶豆花啫喱配豆奶咖啡）同Princess Ocean Smoothie Bowl唔單止外貌吸引，仲又好味又健康?！

地址：中環擺花街43號The Workst @ Tion 地下｜銅鑼灣軒尼詩道500號希慎廣場13樓1303號舖｜元朗元龍街9號形點一期地下G002號舖

OVOCafe

Photo from Vitasoy Café For Baristas

位於灣仔舊街市內，以花園同西式素食為主題嘅Cafe。店內充滿植物，環境清新寧靜。小編推介４款用咗豆奶炮製嘅食物同飲品，分別係牛肝菌闊條麵、紅菜頭意大利飯、抹茶豆奶同黑糖豆奶咖啡、健康得嚟又好味。仲有其他Cream Sauce嘅食物同埋飲品都可以轉用豆奶㗎！

地址：灣仔灣仔道1號地下（即日起至8月26日休息；8月27日重開）

5.【滋味主食】

Lumière一盞燈

Photo from Vitasoy Café For Baristas

開業僅半年，超過3000呎嘅超大日式Cafe，將日式美學「侘寂WABI-SABI」與禪系風格配搭，配合埋柔和嘅音樂，彷彿置身於日本京都嘅Cafe一樣呀。店內分為兩部份，分別係用餐區同休閒區，大家可以同一班朋友一齊嚟用餐，亦可以人少少到休閒區放鬆一下。（休閒區仲有幾隻貓同事?！）呢度提供多款主食，仲有各種特色飲品，例如草莓燕麥奶抹茶，喺放鬆心情嘅同時，亦滿足你味蕾上嘅要求。

地址：長沙灣發祥街10號李鄭屋商場地下110號舖

From Scratch

Photo from Vitasoy Café For Baristas

店主喺英國長大，所以Cafe提供嘅都係一啲陪住店主成長嘅食物同飲品。主打新鮮自家製嘅英式主食同批類，當中All Day Pie靈感來自All-day Breakfast，有晒平時All-day Breakfast會食到嘅菇類同茄汁豆等，值得一試！另外亦都推介Belgium Hot Chocolate Oat Milk，可以自己調配朱古力味嘅濃度㗎！

地址：西環西邊街21號地舖

#小編推薦「Chill」健康之選！Order咖啡轉用低糖＋零乳糖＋零膽固醇嘅維他奶專業沖調用植物奶系列，有齊豆奶、燕麥奶同杏仁奶！

Photo from Vitasoy Café For Baristas

愈嚟愈多人都為咗身體著想而Go Green，餐餐食得健康之餘，就連日日都飲嘅飲品如咖啡都轉咗以植物奶代替牛奶啦！因為植物奶嘅卡路里比一般全脂牛奶低，仲不含乳糖、零膽固醇同全素！悉心泡製嘅咖啡加上合適嘅植物奶，沖出嚟嘅植物奶咖啡好味得嚟又健康，甚至仲可以提升成杯咖啡嘅口感同質素！就連素食者同乳糖不耐症患者都啱飲！小編飲奶後會出現肚脹、肚瀉，早就成為植物奶嘅忠實用家；試過市面咁多種選擇，小編特別鍾情維他奶專業沖調用植物奶系列，專業配方係同澳洲咖啡師合作研發，專為沖調咖啡而設，啱晒鍾意飲咖啡嘅我！有豆奶、燕麥奶同杏仁奶唔同口味，當中豆奶同杏仁奶比全脂牛奶嘅卡路里低40%^ ，燕麥奶同杏仁奶使用原片澳洲燕麥及原粒澳洲杏仁製造，更獲ASCA澳洲精品咖啡協會認證！小編仲試過自己喺屋企用維他奶專業沖調用植物奶系列都打到綿密嘅奶泡，而且輕鬆拉到花?！

#認住座枱卡～免費Upgrade植物奶！只需一個步驟，即送可重用外攜杯套 ！

Photo from Vitasoy Café For Baristas

港九新界好多Cafe都好清楚呢個「Chill」健康之選，以及大家嘅需要，提供植物奶俾大家選擇。適逢8月22日係「世界植物奶日」，即日起至9月5日期間，只要見到指定嘅座枱卡，就代表可以免費Upgrade指定維他奶專業沖調用植物奶啦（豆奶、燕麥奶、杏仁奶）！Scan埋QR Code Follow IG，仲有可重用外攜杯套送?！「Chill」健康之選仲有禮送，你哋一定識揀啦！

睇完小編嘅介紹，你哋係咪心動呢？快啲Mark實心水Cafe，約定另一半／朋友一齊去歎啦！記得免費Upgrade植物奶同拎走可重用外攜杯套啦！

^每100毫升計算，維他奶專業沖調用豆奶含42千卡，全脂牛奶含70千卡（Australian Food Composition Database, AFCD 1）

Text: HolidaySmart editorial
Photo Source: Vitasoy Café For Baristas
Featured for: Vitasoy Café For Baristas

*本文章的圖片均經其本人或其公司授權，其他媒體不得轉載