TVB新聞一姐陳嘉欣傳與劉晉安結婚！姊弟戀多年修成正果
TVB新聞主播陳嘉欣傳出婚訊，老公更係前主播劉晉安，消息指兩人拍拖多年，近日終於修成正果共諧連理。陳嘉欣喺TVB工作多年，現時更獲封為「新聞部一姐」！而劉晉安幾年前已離職，轉行做律師。
近日有報道指現年38歲嘅新聞主播陳嘉欣與細3歲嘅男友劉晉安入紙申請註冊結婚。其實佢哋交往多年，因為兩人都喺TVB新聞部工作，所以一向十分低調，於2015年兩人傳出戀情，但一直未有公開承認。
喺TVB工作期間，陳嘉欣同劉晉安亦多次合作報道新聞，十分有默契。有指結婚申請表上兩人登記嘅住所地址相同，應該同居生活咗一段時間。
陳嘉欣2005年於香港大學商學院畢業，畢業後佢曾經任職娛樂新聞記者，直到2011年佢入職TVB新聞部做港聞記者，期間更獲派駐廣州，到2012年佢就升職為高級記者，備受重用。
2014年起，陳嘉欣兼任《六點半新聞報道》主播，2017年1月，再晉升為助理採訪主任。喺2018年新聞部宣傳片中陳嘉欣更係坐喺最前，地位超然。連方東昇都睇好佢，提名佢做「2019年上半年傑出員工」，最終陳嘉欣亦成功獲獎。
劉晉安亦都係新聞主播出身，曾於now新聞台做港聞記者，佢同陳嘉欣一樣係2011年初加入TVB。劉晉安最初係明珠台記者，同年轉至翡翠台。2012年劉晉安任《午間新聞》、《六點半新聞報道》主播，佢同陳嘉欣曾一齊採訪長洲太平清醮，現場旁述搶包山比賽。
2015年劉晉安暫別新聞部，進修香港中文大學法律博士，2016年佢辭職並入讀香港中文大學之法學專業證書課程，現為香港執業大律師。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
有線新聞副總經理許方輝以家庭理由辭職，疑似受爆料所影響？2013年曾被爆與周嘉儀傳緋聞！
17 Jun 2022
Photo from 大台
網上瘋傳中年男子攬女照，男方疑似係前主播許方輝？！
日前，網上瘋傳一張中年男子喺渡輪上攬女嘅照片，從照片中所見，男子一手攬住身穿短裙嘅女子；而女生亦小鳥依人咁挨喺對方懷中，雙手緊緊環抱返男子，睇落就係一對非常甜蜜嘅情侶～不過網民隨後大爆男方疑似係已婚前主播許方輝！
Photo from 連登討論區
事發時疑似係辦公時間
照片隨即引起大眾關注，據悉電視台都非常著緊事件，由於事發時間疑似係辦公時間，令大家不禁懷疑許方輝係「偷懶」外出與女生約會？！而網民亦開始猜測女子身份，令唔少有線女主播因此備受牽連。
Photo from 大台新聞
許方輝以家庭理由向電視台辭職！
今日（17日），有線電視對外證實許方輝於昨日（16日）以家庭理由請辭，即時停止參與新聞部運作及相關事宜，並將會喺9月中正式離任！而有線新聞及資訊總監關慧玲亦向公司各部門主管澄清，相中嘅女主角並非有線新聞主播。
Photo from 大台新聞
投身新聞主播工作長達30幾年！
57歲許方輝過往曾係大台新聞主播，喺2004年出任採訪主任兼主播，後來升職成為新聞副總監；直到2020年佢「空降」到有線新聞擔任副總經理一職。
Photo from J2
2013年被爆出緋聞
而許方輝多年前就已經與前亞視新聞主播陳佩琳結婚，曾經係行內出名嘅恩愛情侶。直到2013年，許方輝被媒體拍到同細18年嘅「新聞小花」周嘉儀傳出緋聞，形象插水退居幕後，當年有傳妻子搬離住所，二人暫時分居！估唔到事隔9年，許方輝再次爆出桃色緋聞，令婚姻關係再度面臨危機。
Photo from 亞視
Photo from 大台
周嘉儀離開幕前，投身金融界！
當年周嘉儀亦因為緋聞導致被電視台「雪藏」，後來喺2015年決心離開大台，轉行投身金融界擔任證券公司市場部工作，亦不時獲邀主持活動等，事業發展尚算不錯！
Photo from 周嘉儀IG
Photo from 周嘉儀IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
