古天樂宣傳《明日戰記》疑感觸落淚為十年心血搏盡首次直播帶貨谷票房

美食推介

By Moon Lam on 15 Aug 2022

Digital Content Writer

《明日戰記》上星期五係內地率先上映，身為總監製同男主角嘅古天樂日前隻身前往內地宣傳，非常落力，不過係宣傳時疑因感觸情緒失控？

Photo from 微博圖片

投資十年科幻片

現年51歲嘅古天樂親自監製同主演科幻動作片《明日戰記》，古天樂投入10年心血嘅作品，投資額高達3.9億人民幣，不過受排片影響，不過上周五係內地上映似乎票房唔算理想。

Photo from 微博圖片

票房低開難掩失落

古仔為宣傳電影頻頻出席活動，電影官方抖音上傳一段短片，透露首映禮當日佢看似開心，其實係活動開始前已經得知票房情況，情緒低落，不過現身戲院時保持笑容同影迷揮手，官方小編形容為「別人只看到他表面有多開心，只有我知道他背後有多痛」、「這世界就是這麼殘酷，努力10年就是沒有回報」。

Photo from 抖音截圖

而係《明日戰記》官方抖音流傳嘅影片中，古仔係觀影現場提起拍攝科幻片嘅辛酸，更講到：「不要讓我覺得自己是孤單的一個人」，之後更感觸到落淚！而是次電影宣傳活動確實得佢一個人獨挑大梁，令唔少粉絲心痛，睇黎古仔真係承受唔少壓力！

Photo from 抖音截圖

為谷票房搏盡

官方小編形容古天樂非常在意呢一套電影，不過唔想用功利嘅說話令觀眾買飛入場，「他用自己的真誠與觀眾溝通。這就是古天樂的魅力和倔強。」截至中午票房只得3.59億，不過計埋戲院拆帳同係各家戲院排片量少，遠遠落後於同期上映但已收逾20億票房嘅國產喜劇《落後月球》，即使古天樂出盡法寶，搞笑稱「看過《明日戰記》的都是我老婆」，但電影要回本仍然係一個難題。

Photo from 抖音截圖

古天樂為今次上映宣傳落足功夫，唔止現身放映會同官方宣傳活動，仲破天荒首次參與直播帶貨，佢係直播帶貨中同直播主玩遊戲搞爛Gag，順便宣傳電影，用普通話分享今次拍電影嘅心得！有傳古仔對是次電影嘅票房相當緊張，不時要睇票房最新數字，見到成績未理想就更加賣力宣傳。

Photo from 抖音截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

拍《明日戰記》熱到就中暑？古天樂自爆誇張降溫方法

02 Aug 2022

第46屆香港國際電影節將於8月15日舉行，由古天樂監製兼主演的香港首部科幻巨作《明日戰記》獲選為開幕電影，電影節放映場次於昨日(1日）起開始售票，官方亦同步釋出終極海報，可見身穿裝甲的古天樂、劉青雲及姜晧文，戲味十足，不過古仔大爆著裝甲拍戲好辛苦，熱到差啲中暑。

Photo from 《明日戰記》FB

本地團隊設計打造裝甲

古仔今次親自監製，出錢出力打造香港首部科幻片《明日戰記》。據悉，該片的製作均是出自本地團隊，戲中古仔及青雲所穿的動力裝甲，是由參與過荷里活電影製作的本地概念設計師打造，裝甲製作極具用心，導演吳炫輝指出，「單是頭盔已200多個組件，當中最大的難處是要演員身穿裝甲再自如活動。」

Photo from 《明日戰記》FB

著33磅裝甲拍戲冇得去廁所

早前釋出的預告片可見，戲中不乏動作場面，要身穿厚重的裝甲應付動作場面實在不容易，加上拍攝時天氣炎熱，古天樂憶述每次穿起裝甲，都感到有股熱氣湧上來，非常辛苦，他直言：「身上嘅動力裝甲超過33磅，而且有好多動作戲同天氣好熱，印象最深係第一次著裝甲嘅時候，每次都要半個鐘以上，熟咗著之後都要15分鐘。」劉青雲幽默和應：「真係要非常有動力先著到呢套動力裝甲，身體會好重，拍完戲要做好多伸展運動。」由於身穿裝甲需時，拍攝時古仔和青雲都不能隨意卸甲，加上要捉緊拍攝進度，又不能隨心去洗手間，相當辛苦。

熱到中暑古仔靠誇張方法降溫

古仔表示當時拍攝的天氣，與最近酷熱天氣高溫相近，加上要穿上又厚又密不透風的戲服，體溫高達40度亦絕不誇張，每日臨近中暑邊緣，古仔對自己當時降溫的情景印象深刻，他笑言：「好記得當時片場有3部冷氣，分別有3條喉對住我，青雲望着我講：『你都黐線！咁樣降溫。』大家應該幻想到，車入面又焗又窄、個雲台又不停郁，冇得除衫、冇得去洗手間，個感覺有幾特別，係我從影以來從未有過嘅體驗。」

Photo from 明日戰記 fb

Photo from 明日戰記IG

Photo from 《明日戰記》預告片

用心打造屬於香港人的科幻片

古仔是一個資深科幻片迷，出名愛好機甲及模型，更不惜耗資千萬創建了私人玩具倉。今次他擔任《明日戰記》總監製，對電影整個製作過程都非常上心，導演吳炫輝透露古仔前期有份參與劇本創作，更大讃他對科幻片認識深入，某程度上像一個科幻片顧問。古仔早前表示《明日戰記》是他從影以來製作時間最長的作品，在漫長的後期製作階段，古仔亦非常用心監督，直言：「全套電影我估我睇咗過千次，好多細緻位需要留意同修正，所以過程真係唔容易。」

Photo from 古天樂IG

Photo from 古天樂 fb

《明日戰記》推動力裝甲NFT

《明日戰記》由古天樂監製兼主演，吳炫輝執導，古天樂監製兼主演，劉青雲、劉嘉玲、姜皓文、謝君豪主演以及張家輝友情客串，電影將於8月26日正式上映。日前官方更宣布將推出以電影為藍本NFT項目《OneCool Collective：明日戰記》，參考電影中的動力裝甲造型，變幻出 10,000 個獨特的 3D 虛擬化身 NFT，計劃分為兩個階段，首階段會推出2000個特別版 NFT ，並於8月6日在官方網站上預售，而次階段8000個限量收藏版NFT將在8月19日香港時間上午9時起公開發售。