劉嘉玲關之琳合照挽手重歸於好！好姊妹曾因關之琳前夫反目5年？！

娛樂新聞

By Jennifer on 15 Aug 2022

Digital Editor

今晚食乜餸：小二，嚟一碟花生！

劉嘉玲、關之琳兩人曾經係好朋友，但2015年傳出佢哋因富商陳泰銘而反目，一度斷絕來往。不過近年劉嘉玲、關之琳關係緩和唔少，兩人同場出席丁子高生日派對，更影下大合照，顯然早已破冰！

Photo from 劉嘉玲 IG

Photo from 關之琳 IG

劉嘉玲、關之琳同場出席丁子高生日party

劉嘉玲有份參演嘅《明日戰記》喺內地上映，不過主演中只有古天樂出席宣傳活動，劉嘉玲現時身在香港，閒時不忘行山，生活相當寫意。

Photo from 劉嘉玲 IG

佢近日出席丁子高42歲生日party，同場仲有港姐冠軍劉倩婷李丞責夫婦、上山詩鈉、顧紀筠等，仲有關之琳，劉嘉玲同關之琳罕有同場即時成為外間焦點！

Photo from 丁子高 IG

罕有親密挽手盡顯友好關係

其實早前呂良偉夫婦舉辦嘅「牛仔很忙」派對兩人都有份出席，不過就未有一齊影大合照，而喺丁子高生日party上劉嘉玲同關之琳唔單止同場，大合照時劉嘉玲更搭住關之琳膊頭，右手又親密挽住對方手臂，感情應該好好！

Photo from 呂良偉微博

Photo from 丁子高 IG

因關之琳前夫陳泰銘，兩人反目5年？！

劉嘉玲與關之琳相識超過20年，向來份屬好閨蜜，但有傳因為因富商陳泰銘令一對好姊妹漸行漸遠。2015年關之琳公開宣佈已與陳泰銘離婚，雖然之前早有緋聞傳出但屢遭否認，因此關之琳突然自爆離婚即掀起網民熱議。

Photo from Sotheby's FB

劉嘉玲與關之琳隔空對話超有火藥味

喺關之琳自爆離婚前不久熱愛行山嘅劉嘉玲就同陳泰銘結伴行山，而關之琳對好友與前夫一齊行山十分介意，坦言佢哋都係成年人：「他們沒有想過其他人的感受。」但劉嘉玲聞言就表示根本唔知關之琳結婚同離婚，仲直言：「其實唔係咁best friend啦！」

Photo from 東森新聞

Photo from 中天新聞

自此兩人正式反目，姊妹情不再。但同為活動常客嘅劉嘉玲同關之琳難免會同場出現，曾有傳媒問關之琳見到劉嘉玲會唔會覺得尷尬，關之琳即回應對方應該會尷尬啲，而劉嘉玲亦不甘示弱反擊指自己堂堂正正，根本唔需要避嫌。

Photo from 關之琳 IG

2020年劉嘉玲公開破冰世紀大合照

正當外界以為佢哋會由好姊妹變陌路人時，2020年劉嘉玲突然喺IG post出與關之琳嘅世紀大合照，又於Story公開好友嘅獨照，兩人關係正式破冰，相信重拾往日閨蜜情只係時間問題。

Photo from 劉嘉玲 IG

相關文章：劉嘉玲56歲生日會，老公梁朝偉被美女攬頸獻吻！尷尬表情成亮點

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

劉嘉玲疑用$4000萬古董插花？超富貴生活！晚餐$3.7萬法國紅酒王配鮑魚

17 Nov 2020

劉嘉玲近年減少出演電影、電影劇，又不時喺社交平台分享平時嘅生活，近日有網友發現佢疑用乾隆年製，價值$4000萬嘅古董花樽插花，而晚餐飲嘅紅酒亦近$4萬，富貴生活曝光！

劉嘉玲不時喺社交網站分享生活照，佢近年少喺幕前演出，更多嘅係享受人生。

Photo from 劉嘉玲IG

近日有眼利網民發現劉嘉玲喺網上分享插花圖，當中用嘅花樽非常名貴，疑似係乾隆年間製嘅「粉彩九桃天球瓶」，呢個古董花樽於2017年喺北京拍賣會以4,255萬人民幣成交。

Photo from 微博

喺故宮博物院亦有「粉彩九桃天球瓶」嘅相關資料：「粉彩九桃瓶，清乾隆，高64.7釐米，口徑22.2釐米，足徑20.4釐米。瓶直口微撇，直頸，腹部豐滿渾圓，圈足。通體繪桃樹一株，樹幹茁壯，枝上結蟠桃9個，桃樹旁襯一簇月季。底足書青花「大清乾隆年制」六字篆書款。乾隆時期的粉彩瓷器中有大量祥瑞題材的裝飾，這類題材大都借助自然景物寓意吉祥。繪畫工細、層次清晰、內容繁縟是其時代特點。此瓶運用渲染手法繪畫桃實，桃實飾彩濃厚，成功地表現出成熟桃實的嬌艷色彩，構圖疏密有致，形成葉有陰陽向背、樹有老枝新芽的效果，是乾隆粉彩大件器物的代表作品。以九桃紋裝飾瓷器是雍正以來官式瓷器的題材和樣式，至光緒朝仍有仿造。雍正朝的九桃圖樣或見於粉彩天球瓶、粉彩橄欖瓶，或見於過枝紋粉彩盤。在所有雍正、乾隆和光緒時期的粉彩九桃紋瓷器上，以雍正時期的紋樣著色最為鮮艷且最多樣化，繪畫水準最高。」