藍田德田街市小食街｜過百款小食任掃！三多炸髀＋麻辣米線＋串燒

藍田德田街市翻新，新增一條小食街，場內有超過10間小食舖，供應食物款式包羅萬有，有齊地道港式小食、東南亞美食、日式串燒及便當、車仔麵、意粉、中式包點等，部份小食店更營業至11pm，相信會成為藍田街坊的宵夜去處。

14間小食舖：過百款小食任掃

Photo from PressLogic

1. 三多生炸雞髀

大埔太和人氣炸髀店「三多」，小店憑實力做到街知巷聞，成為區內街坊掃街名店。小店版圖擴展至粉嶺、屯門、荃灣等，最近更強勢進駐藍田德田街市。店家主打招牌生炸雞髀，有別於一般先滷後炸，改以吉列炸法製成，表層灑滿麵包槺，炸至外皮酥脆，同時保留肉汁，食落肉質嫩滑。

Photo from PressLogic

店家還有供應意粉、飯如香酥雞球蛋蓋飯、卡邦尼慢煮溫泉蛋雞肉炒意粉等，款款即叫即製，份量十足，食落熱辣辣，價錢由$46至$62不等，以午餐或晚餐而言，不會太貴！

Photo from PressLogic

2. 馬拉小廚

小店主打多款馬來西亞主食，必食辣死你媽豬扒飯及喇沙海鮮摻摻，前者自家製醬汁甜中帶辣，豬扒肉質腍身，蘸滿醬汁同食，充滿蝦膏香，伴飯一流；後者湯頭帶椰香，油麵溝米粉作麵底，索湯入味。熬足3小時的自家製胡椒豬肚湯底濃郁，加入啖啖肉又嫩滑的雞件，足料飽肚。

Photo from PressLogic

3. 紅辣椒

主打串燒及麻辣燙的紅辣椒，供應17款串燒，必食款式有韭菜、金菇肥牛、豆卜、茄子、雞全翼等，串燒除了有分大中小辣及BB辣外，分有麻辣及日式串燒，兩者灑上不同的調味料，如麻辣串燒配孜然粉或辣椒粉、日式串燒配七味粉或蜜糖。串燒全部即叫即燒，記得預早落柯打，縮短等候時間。

Photo from PressLogic

4.新興車仔麵

地道港式車仔麵提供超過40款餸料，有豬肚、水魷、豬皮、蘿蔔等必叫配料，醬汁必試新興辣油及秘醬，令湯底更香更惹味。店家亦有韭菜豬肚、魚肉碗仔翅、咖哩三寶、豉油皇雞髀等經典小食，亦有麻辣米線系列，有得揀豬扒、肥牛及雞扒，任君選擇。

Photo from PressLogic

5. 富國島

店家老闆娘為正宗越南人，供應多款傳統越式佳餚，部分菜式更是市面較少見，手法正宗，保留越南風味。越式三文治有多款口味選擇，如扎肉、香茅燒豬、香茅燒牛肉等；另外還有特色越南小食如越式蔗蝦、羅望子焗明蝦、牙車快等，食物款式多樣化。店家設有座位，可以堂食慢慢歎。

Photo from PressLogic

6. 拉布拉腸

這家主打即叫即製的石磨腸粉及手工餃子，必試加入養生食材的蟲草花腸粉、日本櫻花蝦腸粉、期間限定的鮮蝦腸粉，腸粉蒸得通透，嫩滑非常。手工餃子分湯餃及煎餃，湯餃配以蟲草花湯底，鮮甜滋潤。煎餃煎至外皮金黃色，內餡足料，推介清甜粟米豬肉餃及鮮香爽彈的鮮蝦韭菜餃。

Photo from PressLogic

7. 屋台料理

主打日式燒物的屋台料理，備料仔細落足心思，如一口牛串用上牛肩肉，而非急凍和牛，燒得腍身有咬口。雞扒多數以鹽燒或燒汁製成，店家卻用上西京汁即燒，外層更蘸上薄薄蜜糖，多一份甜香。

Photo from PressLogic

8. 糖芝豆

小食街亦有糖水舖，除了售賣自家製千層蛋糕、豆腐花、糯米糍外，還有雞蛋仔等掃街小食；當中推介創意十足的芥辣wasabi味雞蛋仔，甜中帶點微辣感，衝擊味蕾。

Photo from PressLogic

9. 手作功夫茶

手作功夫茶為場內唯一一間茶飲店，其招牌38奶霸及水果茶王是店內人氣之選，前者飲落富有口感，後者酸甜醒胃，消暑必飲！

10. 囍點

街市有間主打供應懷舊糕點的小店，店內有齊芝麻糕、白糖糕、砵仔糕等超過40款糕點，當中少見款式有雲片糕、鹹切糕、雞屎藤、芝麻雪片糕，款款堅持每日新鮮製造，食到傳統風味的糕點！

Photo from PressLogic

德田街市
地址：九龍觀塘藍田碧雲道223號德田廣場地下
街市營業時間：7am至7:30pm
小食街營業時間：7am至11pm

相關文章：
廟街玉子燒重開｜日賣2,000件爆餡玉子燒！原隻魷魚鐵板燒

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）