30+女同事慣用第三人稱扮安妮亞 竟深受公司男性喜愛 網民:男人就吃這套

日本動漫《SPY×FAMILY間諜家家酒》近日真係人氣爆燈，其中最紅角色一定係超可愛嘅小女孩安妮亞！不過有網民就表示公司有年過30嘅女同事成日學安妮亞，用第三人稱講野，連對老闆都係咁！令女同事感難頂，但男同事竟然好受落？

Photo from 《今天的戀愛》劇照

30+女同事愛用第三人稱

近日有台灣女網民係Facebook群組發文，表示有位年過30嘅女同事好鍾意以第三人稱稱呼自己！女同事個名叫XX雅，平時就會話：「XX雅想吃雞腿便當」「XX雅今天要喝飲料」、「XX雅不會呀～」、「XX雅今天的工作做不完」，連同老闆溝通都會咁講：「XX雅不是故意的對不起」。連去工地都會話：「XX雅來了，師傅看到XX雅開心嗎？」、「戴帽帽好熱XX雅不喜歡」。

Photo from 《Oh my baby》劇照

令其他女同事遭殃？

呢種講野方式令其他女同事都覺得難頂，但偏偏男同事們非常受落，係工作上仲處處寵佢。但平時講就算啦，呢位XX雅同事有次聚餐仲同主管抱怨：「是不是XX雅做錯事所以女生都不跟XX雅玩」，令樓主同其他幾位女同事都被訓話！而最近XX雅女同事又係到扮安妮亞，搞到樓主完全唔敢睇《SPY×FAMILY間諜家家酒》，完全無辦法欣賞安妮亞嘅可愛光波！

Photo from 《SPY×FAMILY間諜家家酒》截圖

網民表示男人就吃這套

帖文一出就引起網友迴響，紛紛求佢放過安妮亞，「拜託別裝嫩，之前有個同事也每天這樣講話，超想把她拖出去。」網友都表示安妮亞係4至5歲嘅小朋友，但幾十歲人用呢種講野方式真係難以接受，更指呢位女同事綠茶味濃，不過有網民就話男性就係鍾意呢種可愛型嘅女性，「有些男人就吃這套，嗲聲嗲氣的」，更指直腸直肚嘅女性反而男同事唔太鍾意。

Photo from 《SPY×FAMILY間諜家家酒》截圖

網友建議樓主學返佢

亦有網民理性分析，如果公司有呢類型扮可愛嘅女同事，年輕貌美就可以接受，相反一定會成為大家討厭嘅對象！更指「「男同事會寵她不是因為她講XX雅，主要可能是有點姿色。」有熱心網民就建議樓主以其人之道還其人之身，叫樓主都學下XX雅女同事嘅講野方式，令佢知道其他人嘅感受，「建議原PO講回去，遇到這種就是要比她更噁心。」有網民更加話要「學起來！全公司都學起來！」

Photo from 《SPY×FAMILY間諜家家酒》截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）