保安局副局長現身《愛・回家》 提醒勿墮柬埔寨騙案 仲呼籲公務員睇?

《愛．回家之開心速遞》嘅內容比較貼地，尋日（30日）就係講最近令全城哄動嘅柬埔寨騙案同防詐騙訊息，有騙徒會利用「高薪厚職」引誘「豬仔」去東南亞地區工作，再將佢地運去柬埔寨同緬甸等地方做電話詐騙，要求佢地嘅屋企人交贖金！

Photo from 《愛・回家之開心速遞》截圖

柬埔寨騙案

昨日《愛．回家之開心速遞》嘅內容講到龍力蓮（林淑敏飾演）手下幾個行政助理因為唔滿意人工而辭職，佢地幾個係餐廳開會講搵新工嘅情況，有人話見到泰國獵頭公司請人，仲有機會去東南亞其他國家出差，只要個樣睇落夠大方、淡定就得。後來其他人就講起有關柬埔寨騙案嘅事，叫大家唔好急功近利，想賺快錢而誤入歧途。

Photo from 《愛・回家之開心速遞》截圖

佢指有人被網上招聘廣告所騙，聲稱唔需要學歷同經驗，就可以獲得高薪工作，仲用包食宿、包機票等誘因引人去東南亞國家。佢地會被運去柬埔寨同緬甸等地方，被迫進行電話詐騙或網騙工作，仲會逼佢地跑業績，而且護照係到埗時已經被沒收，就算想走都唔得，只可以等屋企人交高額贖金先有希望離開。情節同觀眾所知嘅柬埔寨騙案差唔多，提醒大家唔好以為唔洗付出就有收獲。

Photo from 《愛・回家之開心速遞》截圖

即睇更多人氣文章：

00後唔識用速成/倉頡打字 連登仔發長文慨嘆:一代不如一代

19歲少女與65歲伯伯閃婚！新郎豪送37萬禮金+房屋/新車！強調並非為錢而出嫁！

保安局呼籲公務員要睇

劇集完結時仲有保安局副局長出黎提醒大家唔好被呢類招聘廣告呃到，節目播出後有網民就話公務員原來早已經收到內部電郵，呼籲佢地要睇今集《愛．回家》，令網民立即聯想：「公務員易呃啲」。

Photo from 《愛・回家之開心速遞》截圖

網民不滿明顯植入廣告

有網民認為《愛・回家》差唔多成集都係植入式廣告，更以「廣告劇」稱呼，又笑稱政府係劇集入面賣廣告係咪平過私人公司。而「植入」資訊係《愛・回家》經常出現，除咗產品會極明顯咁擺係鏡頭前，之前嘅集數都試過大讚政府結婚場地，仲逐層介紹政府大樓嘅設施。

Photo from LIHKG討論區截圖

Photo from LIHKG討論區截圖

《愛・回家》內容貼地

《愛．回家》係全港最多人睇嘅劇集，內容貼地，之前荃灣豬肉檔威威爆紅，《愛・回家》亦有龍力王Terry（李偉健飾演）扮演威威爆紅經過，引來一眾網民大讚！相信今集都係想加強宣傳減少港人被騙～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

相關文章：李偉健扮肉類分割員影射肉檔威威 網民錯重點讚爆肌身形 原來選港男入行?

相關文章：東張西望｜多名港人被困於緬甸「KK園區」！大爆生活環境超惡劣！網民疑似搵到香港「中介」？！