李國麟被批直播帶貨「賣假貨」？觀看人數大幅下跌！自稱過往係全國帶貨榜第一位
68歲綠葉演員李國麟上年開始直播帶貨嘅事業，過往直播嘅貨品包羅萬有，包括有M巾、麻辣小龍蝦等，令網民睇到都替佢嘅健康感到擔憂。最近，佢接受內地電台訪問時透露自己直播帶貨嘅經歷，指曾被批賣假貨而導致銷售量大跌，仲成為咗「劣評帶貨藝人」！
Photo from TVB
李國麟上年開始直播帶貨事業
李國麟上年積極返內地拓展「直播帶貨」嘅事業，但佢一開始直播嘅時候銷售量超低，直播8個鐘都只係得1,000人收睇，被稱為「最慘帶貨明星」！
Photo from 微博
過往曾多次於直播中眼濕濕？
過往佢所賣嘅產品非常多樣化，包括有女性衛生用品、手錶、佛珠等，仲即場試食麻辣小龍蝦，但就因為龍蝦太辣而食到流晒眼水，令網民睇到都覺得心酸！而佢亦不時喺抖音拍攝短片，仲曾經因為北上工作太掛住媽媽而爆喊「我真的很想家，我想和媽媽吃個飯，想吃媽媽煮的菜。」卻被網民指演技略顯浮誇。
Photo from 微博
Photo from 李國麟抖音
分享開始直播帶貨契機
日前，李國麟接受內地電台節目《麗人麗語》嘅訪問分享自己直播帶貨嘅經歷，指當時係因為經理人建議嘗試做網紅，開始經營抖音帳號。佢表示自己頭2場直播帶貨喺杭州舉行，坦承該兩場嘅直播流量非常好，短短2至3個鐘頭就達到300萬銷售量，仲成為全國帶貨榜第一！
Photo from 李國麟抖音
Photo from 李國麟微博
即睇更多人氣文章：
被批評賣假貨而導致流量急跌！
後來，李國麟卻從經理人口中得知被指賣假貨，導致好多購買咗產品嘅網民都退貨；而佢被稱為「劣評帶貨藝人」，令佢嘅直播流量數急劇下跌，心情大受打擊！由今次事件佢明白到要為自己所賣嘅產品負責任，若果對產品品質存疑就會拒絕帶貨，揚言「如果我帶嘅貨品有問題，我就唔再同粉絲講嘢！」睇嚟態度真係好堅定咁～
Photo from 微博
現時長居福州
據悉，李國麟現時長居福州，今年5月佢就興奮咁拍片表示自己終於攞到內地嘅居住證，大喊「我終於有身分了！太好了！」上星期佢又去咗湖南探訪毛澤東主席嘅故居，仲特地獻上一個大型花籃，並向銅像鞠躬；舉動獲內地網民激讚！
Photo from 李國麟抖音
Photo from 李國麟抖音
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
李國麟帶貨狂食麻辣小龍蝦 一把年紀為賺錢不顧健康
6 May , 2022
李國麟從舊年開始加入內地帶貨行列，但周不時都出狀況令人留意，試過直播8小時無人落單、退貨率近8成、被質疑賣假貨、甚至連M巾都要賣，就算已經成功翻身都難以搣甩「最慘帶貨明星」稱號！今次佢直播賣內地人最嘅小龍蝦，到底今次又發生咩事呢？
Photo from 李國麟 微博
直播帶貨大翻身
比起初時開始帶貨8個鐘都無人買，依家李國麟嘅觀眾已經多咗唔少，今次直播有大約2000人睇，好快就開到單，期間仲有唔少人落單。
Photo from 微博圖片
狂隊小龍蝦嘴唇發黑
麻辣小龍蝦係內地風靡一時嘅食品，小龍蝦原名「克氏原螯蝦」，食落其實無乜肉，多數人都係因為重口味嘅湯汁好食而食！今次帶貨就見到李國麟面前擺咗一大盤紅卜卜又油膩嘅麻辣小龍蝦！
Photo from 微博圖片
直播期間佢又徒手拎麵黎食，一路食一路讚好味，叫觀眾快啲落單，加上不停飲水，完全無停手，連網民都話佢不知不覺已經食咗半個鐘。
Photo from 微博圖片
食到後期小龍蝦太多太辣，就算有女助手幫佢抹嘴同拎水比佢解辣，都難掩佢食到眼泛淚光、嘴唇發黑，令不少網友感心酸！
Photo from 微博圖片
Photo from 微博圖片
一把年紀搏到盡網友感心酸
網友見到佢一把年紀夜媽媽食咁油膩同咁辣嘅野，會唔會唔消化，紛紛留言叫佢小心身體，要量力而為。
Photo from 微博圖片
另外都有網民覺得佢太過搏命，直播帶貨真係辛苦錢，但都無理由為咗錢唔要命。亦都唔少人感嘆生活真係不容易。
Photo from 微博圖片
小龍蝦可致肌肉痛？
衞生署衞生防護中心證實進食小龍蝦容易引致「橫紋肌溶解症」，估計因為係人體會累積小龍蝦體內未知嘅耐熱毒素，雖然症狀會係2-3日內減退，但嚴重可引致腎臟受損同其他併發症！衞生防護中心亦建議小龍蝦要洗乾淨、徹底煮熟、同埋唔好食過量呀！
Photo from 食物安全中心告示
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
