吳尊想子女感受中華文化移居內地，入讀國際學校！多位星二代校友

By Jennifer on 06 Sep 2022

Digital Editor

今晚食乜餸：小二，嚟一碟花生！

台灣組合「飛輪海」前成員吳尊曾經帶一對仔女上內地綜藝節目《爸爸去哪兒》，早前佢為咗送子女去中國升學而決定舉家移居內地。日前吳尊就拍攝vlog，紀錄子女返學嘅日常，原來子女NeiNei同Max都係就讀上海嘅國際學校。

Photo from 吳尊微博

吳尊安排子女內地升學感受中華文化

吳尊雖然係偶像男團嘅成員，但其實佢同太太林麗瑩結婚多年，兩人更係彼此嘅初戀。吳尊直到女兒出生3年後先公佈已婚，不過佢形象並未受到太大影響，相後佢之後仲帶埋女兒Neinei（吳欣怡）參加《爸爸回來了》，之後又帶埋兒子Max（吳鑫樂）出演《爸爸去哪兒第五季》。

Photo from 吳尊微博

吳尊一家喺內地人氣唔低，喺2022年初吳尊上內地節目受訪時透露有意送一對子女返內地升學。本身喺澳洲讀書嘅吳尊曾打算畀子女去澳洲升學，但因為疫情令佢改變主意。

Photo from 《星月對話》

佢表示想仔女好好學習中文：「最重要的是要讓小朋友去感受我們中國人的文化」，又話已經同太太商量過，大家都一致同意呢個決定：「希望他們（Neinei同Max）可以好，然後他們以後一定會感激我。」

Photo from 吳尊微博

吳尊一家四口定居上海

為咗方便仔女返學，吳尊一家四口已經搬到上海定居，不過佢哋搬家後便立即遇上上海封城。但身為「汶萊王子」嘅吳尊出生於富裕家庭，父親吳景添係地產大亨，佢哋喺上海嘅住所亦專設運動房間，喺封城期間仍可全家日日做運動。

Photo from 吳尊微博

吳尊仔女就讀上海耀中國際學校，學費一年逾20萬

轉眼間吳尊一家已經移居上海近半年，佢最近喺抖音公開仔女開學嘅影片，相中佢為子女準備好早餐，之後就送佢哋搭校車返學，佢表示Neinei同Max第一次喺中國返學有啲緊張，佢同太太都有啲唔捨得。

Photo from 吳尊抖音

有網友根據Neinei同Max所著嘅校服估計吳尊為子女報讀嘅係上海耀中國際學校，學費高昂，小學一年學費由29.3萬人民幣（約$33.3萬港元）～30萬人民幣（約$34萬港元），中學學費更高，由32.7萬人民幣（約$37萬港元）～34萬人民幣（約$38.7萬港元），吳尊一對仔女一年嘅學費已逾$60萬港元！。

Photo from 吳尊抖音

Photo from 上海耀中國際學校

多位星二代都係校友

雖然學費昂貴，但仍吸引好多星級父母為子女報讀，其中包括陳小春同應采兒嘅兒子Jasper、丁子高同楊千嬅嘅兒子Torres等。有網民認為吳尊稱安排仔女內地喺內地讀書係為咗感受中國人嘅文化，但又報讀國際學校，似乎同佢所講嘅有矛盾，亦有人指讀咩學校唔重要，喺中國讀書一定比喺外國更易學好中文。

Photo from 應采兒微博

Photo from 丁子高微博

Photo from 吳尊抖音

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

吳尊決定送子女到中國升學原本揀澳洲 1個原因令吳尊轉軚「孩子會感激我」

26 Jan 2022

前台灣組合「飛輪海」成員吳尊已婚多年，育有一子一女。佢近日在訪談節目中透露，佢原本計劃讓子女到澳洲升學，但疫情改變了他的想法，最後決定送子女到內地上學，畀佢哋由細學中文。

Photo from 吳尊微博

吳尊本想送子女到澳洲升學，遇疫情轉軚

42歲吳尊與老婆林麗瑩結婚多年，育有一對子女Nei Nei和Max。佢最近亮相內地訪談節目《星月對話》，當中佢坦言，原本計劃今年送孩子到澳洲讀書，但因為疫情，佢改變了想法。

Photo from 微博

吳尊跟太太討論後，都一致認為帶孩子到中國升學係一個非常好嘅方向，佢同時亦透露，今次嚟中國並非為度假，最主要嘅其實係幫子女物色學校。

Photo from 微博

吳尊認為讓子女感受中國文化+學中文係最重要

吳尊表示，佢認為自己會長期來中國，想子女好好學習中文，「對我來說最重要的是要讓小朋友，去感受我們中國人的文化，跟學中文，真的這個最重要。」

Photo from 微博

直言父母嘅準備令子女將來更優秀，子女會感激

被問到Nei Nei和Max到中國後，中文有無進步時，吳尊笑言一對仔女來到中國僅一個月，學中文進度已等於在家鄉汶萊嘅五個月，進步神速。主持王江月問吳尊會唔會驚仔女嘅中文程度就快超越自己，吳尊坦言，子女比父母優勝簡直係每個父母嘅夢想，「希望小朋友比自己更優秀，希望他們可以好，然後他們以後一定會感激我。」

Photo from 吳尊微博

Photo from 微博

內地網民點睇？

雖然有網民認為吳尊主要為賺錢而選擇來中國，但亦有人認為佢不缺錢，無需利用仔女塑造愛國形象，「他不工作都比很多鍵盤俠努力一輩子有錢」、「我相信吳尊是真的喜歡中國。」

Photo from 吳尊微博

Photo from 微博

Photo from 吳尊微博

被封「汶萊王子」嘅吳尊其實祖籍安徽，祖父從金門移民到汶萊，佢自細就讀於當時汶萊唯一一間華語學校，之後畢業於從小就讀於當時汶萊唯一的華語學校。佢2005年在台灣以組合飛輪海成員身份出道，拍過不少偶像劇，如《花樣少年少女》、《公主小妹》等。近年積極到內地發展，更同子女NeiNei和Max參演綜藝《爸爸去哪兒第五季》。