王浩信公開全新剷青髮型！內地網民反應兩極：答應我以後別留這髮型！

By Stephanie on 08 Sep 2022

Digital Content Writer

王浩信（Vincent）近年事業發展順利，早前佢隨高層王祖藍返內地工作，似乎決定要北上發展。最近大台決定翻拍經典劇集《狀王宋世傑》第2輯，並由王浩信擔任男主角；而佢就為角色而整咗個全新嘅「剷青」髮型，然而呢個新造型卻連內地網民都唔太讚賞？！

Photo from 王浩信IG

王浩信正於內地拍劇

39歲王浩信（Vincent）現時忙於拍攝由大台翻拍嘅電視劇《狀王宋世傑》，據悉今次劇集係大台旗下公司同張達明及林子聰（肥仔聰）簽約聯手製作嘅，而林子聰仲係劇集編劇及監製。劇集喺今年7月嘅時候開拍，預計於10月完成拍攝，並由王浩信、姚子羚等主演。

Photo from 王浩信IG

Photo from 《講你都唔信》

大台決定翻拍經典劇集《狀王宋世傑》！

經典劇集《狀王宋世傑》喺1999年播出，當時係由張達明、郭藹明等人主演，最高收視達到30幾點，亦係唔少網民心目中嘅經典劇之一。

Photo from 《狀王宋世傑》

王浩信公開新髮型，被指同朴敘俊「栗子頭」好似！

早前，王浩信就首次公開自己嘅全新髮型，並寫上「給自己最好的禮物就是每天給一個理由讓自己變得更不一樣，謝謝夥伴們讓我看到我沒有見到過的自己！」只見佢嘅髮型同之前因韓劇《梨泰院Class》男主角朴敘俊而迅速爆紅嘅「栗子頭」非常相似，不過佢上面嘅頭髮剪得再短啲，好似同「平頭裝」更加似？！

Photo from 王浩信微博

Photo from 《梨泰院Class》劇照

內地網民反應不同！

過往王浩信成功憑俊俏嘅外型迷倒唔少內地女粉絲，但網民們都似乎對佢今次嘅新髮型有唔同嘅睇法。部份網民就大讚新髮型同佢非常合襯「所有髮型都carry得到」、「真是太有魅力了！」等；但有網民就覺得佢喺《盲俠大律師》（即香港劇集《踩過界》）中嘅髮型最靚仔，建議佢盡快留返長啲頭髮！

Photo from 王浩信微博

即睇更多人氣文章：

「中國第一懶人」楊鎖23年躺平人生！長期受父母溺愛導致失去自理能力！

港男中年偷食後生女欲離婚！慘遭二奶拋棄老婆願不計前嫌！因一個原因堅持與老婆分開

過往曾出現不少「栗子頭」爆笑失敗照！

其實「栗子頭」睇落清爽俐落，但打理嘅時候卻並非如想象中容易，而且唔係個個人都適合呢種髮型㗎～過往朴敘俊喺YouTube頻道紀錄自己剪「栗子頭」嘅過程，仲話為咗保持髮型差唔多每4日就要修剪頭髮！而《梨泰院Class》爆紅嘅時候，唔少女友都要求男友嘗試呢個髮型，而網絡上都出現好多爆笑嘅「失敗照」！

Photo from 박서준 Record PARK's @YouTube

Photo from 微博

近年積極拍攝抖音影片

此外，王浩信近年似乎想拓展事業圈子，努力經營自己嘅抖音帳號，經常都會拍攝唔同嘅影片俾內地網民觀看，包括：演短劇、運動、「扮王子」、跳手指舞、清唱等，真係好用心哄fans㗎！

Photo from 王浩信抖音

網民發現王浩信未有為陳自瑤送上生日祝福？！

而內地網民都非常關注王浩信嘅感情生活，有網民喺佢最新嘅post下面留言詢問有冇送禮物俾陳自瑤，而王浩信並未有作出任何回覆；亦有網民發現今年王浩信似乎忙於工作，未有透過社交媒體向老婆送上生日祝福。上個月王浩信同陳自瑤被爆出婚變傳聞，令二人嘅感情再度成為熱話，而男方就喺IG回應「一切安好，多謝大家關心??」夫婦二人都澄清並無此事。