英女王逝世｜細數9個英女王衣著小秘密！50多年來只用Launer手袋/衣著鮮豔背後隱藏原因？

英女王伊利沙伯二世（Queen Elizabeth II）今日（9月9日）於蘇格蘭巴爾莫勒爾堡（Balmoral Castle）因病離世，終年96歲。英女王生前出席公開活動嘅時候衣著亮麗，永遠都保持微笑，親民形象深入民心～事實上英女王對衣著擁有特別嘅要求，宜家即睇英女王身前對服裝打扮嘅9大秘密啦！

Photo from theroyalfamily IG

1. 所有衣服都有編號

英女王身前出席活動嘅時候大多都穿著套裝嘅洋裝登場，而佢嘅每件服裝都擁有獨立嘅編號，而英女王嘅員工亦會負責紀錄低佢每次出活動時嘅衣著打扮。雖然英女王並唔介意重覆身穿同一件衫，但佢身邊嘅助手都盡力確保英女王唔會穿著同一件衣服出席活動，就算重覆穿著都幫佢搭配唔同嘅飾物。

Photo from theroyalfamily IG

2.每件衣服都有配上雨傘

由於英國天氣較為潮濕，而且經常都會落雨，英女王出席活動時好多時都會攞埋雨傘！非常有潮流觸覺嘅英女王仲會根據當日嘅衣著顏色，選擇當日要攞嘅雨傘款式。其中出場率最高嘅就係Fulton雨傘，呢把「鳥籠傘」因為英女王而迅速爆紅，採用透明抗UV材質製作，無論雨天定陽光普照嘅日子都可以用到～

Photo from Getty images

Photo from Getty images

3.裙子長度一定要及膝

向來端莊大方嘅英女王大多數都身穿裙子現身，不過佢嘅裙子大部分都係及膝長裙，避免遇上突如其來嘅強風時出現尷尬嘅情況。據悉，喺2011年凱特王妃被媒體捕捉到身穿黃色連衣裙嘅時候，裙子被強風吹起嘅畫面，自此王室嘅服裝設計師Stuart Parvin受訪時表示「會加重裙擺嘅重量」，防止同類事情再發生。

Photo from theroyalfamily IG

4.喜歡買名牌Gucci+Hermès

走在潮流尖端嘅英女王仲非常喜歡名牌服裝，過往曾被拍到身穿Gucci Loafer、英國品牌Burberry經典格仔絲巾等。其中英女王似乎特別鍾情於法國品牌Hermès嘅絲質頭巾，以做工精緻而出名。據悉售價最便宜嘅絲巾要大約100美元（約港幣$784）；而最昂貴嘅則要大約1,800美元（約港幣1.4萬）。

Photo from Getty images

Photo from Getty images

5.冬天出活動時，必定會戴上頭巾

英女王熱愛購買絲質頭巾，但其實佢配戴頭巾係有背後原因㗎！每逢冬天英女王喺出席戶外活動嘅時候多數都會配戴頭巾，一方面係想避免強風將頭髮吹亂；據悉呢個「指定動作」由1943年就開始出現，英女王每次去馬術表演嘅時候都一定會戴！

Photo from Getty images

而且喺50年代時，英國上流社會嘅女士們都甚少以長頭髮示人，所以經常都會戴帽、頭巾等，並漸漸成為一個傳統。

Photo from Getty images

即睇更多人氣文章：

「中國第一懶人」楊鎖23年躺平人生！長期受父母溺愛導致失去自理能力！

港男中年偷食後生女欲離婚！慘遭二奶拋棄老婆願不計前嫌！因一個原因堅持與老婆分開

6.只塗同色指甲油

由上述嘅衣著可以知道英女王對某幾個品牌、配飾等都情有獨鍾，對服裝向來都非常長情～據悉，英女王自1989年開始就非常鍾意Essie嘅《Ballet Slippers》指甲油，就咁睇比較似係淡粉紅色，低調簡單非常百搭！最重要嘅係呢款指甲油售價大約係9元美金，絕對係物超所值。

Photo from Essie

Photo from theroyalfamily IG

7.衣著鮮豔背後原因

英女王嘅服裝顏色向來都非常鮮豔，甚至連最難carry嘅螢光色都能夠完美駕馭到。但過往就曾於紀錄片《The Queen at 90》揭露身穿鮮豔嘅服裝，全因希望群眾能夠輕易喺人群眾搵到英女王，非常貼心！

Photo from theroyalfamily IG

Photo from theroyalfamily IG

8.會用手袋打暗號

英女王一直都非常喜歡英國品牌Launer London，仲曾經向品牌頒發御用徽章，聽聞佢已經擁有逾200個Launer手袋！其中該品牌嘅嘅Juliet、Judi以及Traviata bag係英女王最常用嘅手袋款式，仲要求品牌為佢度身訂造一款加長手挽嘅款式。

Photo from Launer LondonIG

Photo from theroyalfamily IG

而手袋其實係佢同身邊助手出席活動時嘅溝通方法：當女王喺晚宴中將手袋豎立喺桌面就代表於5分鐘內離場、若果將手袋放喺地下，即係代表佢想立刻離場，身邊嘅助手會立刻上前幫手。若果英女王當時係企喺度同其他人聊天，手袋從左邊換到右邊手臂時，就代表英女王希望結束對話離開。

Photo from theroyalfamily IG

Photo from Getty images

9. 永遠都不穿新鞋

鞋履設計師Stuart Parvin曾經透露為咗避免令英女王因為身穿新鞋而感到不適，王室有專人會先為女王將鞋子著到軟熟舒適，令女王可以一著就剛剛好～

Photo from theroyalfamily IG

相關文章：英女王逝世｜與菲臘親王結婚74年，甘願忍受丈夫婚後多次外遇？！

相關文章：30個鮮為人知英國王室規矩大公開！ 唔可以玩大富翁/唔可以曬恩愛 梅根多次犯規？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）