吃扒｜旺角懷舊鐵板餐復古扒房芝士瀑布牛柳＋20cm吉列豬扒＋火焰雪山

By Meko on 11 Sep 2022

Reporter/ Anchor

港式鐵板餐是不少人的兒時回憶，旺角新開全紫色舖面的港式懷舊扒房「吃扒」，裝修走懷舊復古風，食物以港式鐵板扒餐做賣點，$158即可歎到西冷牛扒，亦供應買少見少的港式懷舊甜品和飲品，更提供生酮飲食菜單，滿足一眾想鋸扒又注重飲食的人士！

港式鐵板餐！旺角懷舊扒房「吃扒」

今時今日出街食飯想鋸扒，不少人會選擇到高級西餐廳歎靚牛扒，但談到情懷與風味，港式鐵板餐依然有無可取代的地位。旺角鬧市出現間全紫色門面的餐廳「吃扒」，驟眼看以為是走昂貴路線的西餐廳，一望餐牌便發現其實是間港式懷舊扒房，屬同區人氣西餐廳「吃吧」的姊妹店。

Photo from PressLogic

雖然店舖不在當眼位置，但全紫色的舖面卻相當搶眼，店內裝修走懷舊復古風，擺放大量復古裝飾，包括壁燈、古董電話、留聲機及深木色座椅等，配上昏暗的燈光和播放著懷舊經典歌曲，充滿懷舊的香港情懷。

Photo from PressLogic

招牌熱溶芝士紐西蘭牛柳

鐵板上枱「滋滋聲」，香味四溢，熱氣迫人，再即席淋上醬汁，咋一聲，舉起餐巾仍然感受到那股熱氣和香氣，那種鐵板餐的魅力確實無法抵擋，必食推介有熱溶芝士紐西蘭牛柳，店員會以平底鍋呈上芝士醬，並即場以火槍燃點拉絲芝士醬，再如瀑布般淋上鐵板牛柳，整道菜被火焰包圍，賣相夠澎湃，牛柳肉質厚身不會過韌，配搭帶鹹香的芝士醬更香口。

Photo from PressLogic

童年回憶！超豐富雜扒

說到不少人的兒時最愛非雜扒餐莫屬，一百多元即可一次過歎齊豬扒、牛扒、雞扒、煙肉和牛仔腸，表面再放上煎蛋，份量十足，更可選配意粉、飯或薯菜，強烈建議要加$25轉為套餐，配以餐湯、餐包、飲品及甜品，始終歎港式鐵板餐，微暖的牛油餐包和餐湯絕對不可或缺。特別一提，餐湯分為中式和西式，前者是豬骨蘿蔔湯，飲得出無味精；後者是羅宋湯，同樣是足料不馬虎。