聲夢傳奇2｜Eric Kwok孖女團XiX跳舞！挑戰高難度動作，完夢後激動爆喊！

By Stephanie on 11 Sep 2022

Digital Content Writer

《聲夢傳奇2》於昨晚（10日）播放第12集，導師們將會同學員們一齊表演，當中最受關注嘅就係紅隊及藍隊總監們之間嘅「對決」喇。紅隊導師Eric Kwok仲挑戰同女團XiX跳舞，做多個高難度動作，真係非常博命㗎！

Photo from 《聲夢傳奇2》

Eric Kwok 帶領女團XiX表演《重口味》

節目率先播放隊伍們準備表演嘅排練片段，只見Eric Kwok向6人女團XiX講述選擇《重口味》作為表演歌曲嘅原因，仲問大家有冇聽過呢首歌，不過XiX嘅成員們就回應得有啲遲疑「有聽過歌名，但冇真係聽過首歌」，畢竟XiX成員們嘅平均年齡只係得14歲，可能難以引起佢哋嘅共鳴。

Photo from 《聲夢傳奇2》

XiX成員一致認為表演難度極高！

XiX 成員們表示今次《重口味》嘅舞蹈表演係難度最高嘅一個表演，「平時可能跳啲cute啲嘅歌，但今次所有動作都要大力」，當中有幾位成員仲要嘗試翻跟斗等高難度動作；而且歌曲速度快，令佢哋都花多咗時間練習唱歌！

Photo from 《聲夢傳奇2》

Eric Kwok努力練舞跟上大隊

48歲嘅Eric Kwok（郭偉亮）今次亦要同XiX一齊跳舞，據悉係佢睽違8年再次跳舞，而佢就講笑咁話「希望跳埋今次可以有排都唔洗再跳住」而學員們都大讚佢勤力，一有空檔就會練舞，令佢哋動力大增！

Photo from 《聲夢傳奇2》

即睇更多人氣文章：

「中國第一懶人」楊鎖23年躺平人生！長期受父母溺愛導致失去自理能力！

港男中年偷食後生女欲離婚！慘遭二奶拋棄老婆願不計前嫌！因一個原因堅持與老婆分開

成功完成翻筋斗+後空翻高難度動作！

表演期間，Eric Kwok需要完成翻跟斗嘅高難度動作，對於佢而言無疑係難度極高嘅！喺表演完滿結束後，Eric Kwok似乎大受感動而眼濕濕，令主持人森美都忍唔住話「唔好喊啦！你好陰公咁，係咪跳得好辛苦啊？！」

Photo from 《聲夢傳奇2》

Eric Kwok感動爆喊：我都有個夢想！

Eric Kwok表示自己細個好鍾意睇古裝片，所有一直都有個夢想「我想做個後空翻，但呢個夢想一直都丟低咗！」仲開始講到哽咽「我要同你哋一齊捱，我都會好驚！」

Photo from 《聲夢傳奇2》

練習期間全身都係傷！

而佢就話自己練習咗一個月上咗10堂「但其實得5堂係有料到，因為我其餘5堂都整親」，坦承自己因為肌肉量唔多，導致全身好多地方都受傷，就連胳肋底都傷埋！

Photo from 《聲夢傳奇2》

部分網民持不同意見？！

雖然大部分嘅網民都好欣賞Eric Kwok及XiX今次落力練舞，大讚佢哋表演完成度高！不過部分網民依然覺得XiX嘅年紀太細，暫時唔太適合出道；亦有網民覺得Eric Kwok今次罔顧自己嘅身體狀況並唔值得。

Photo from TVB YouTube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

聲夢傳奇2｜Gin Lee發火想辭職，直斥學員唔識珍惜：導師唔係保母

29 Aug , 2022

《聲夢傳奇2》早前播出第10集，繼續紅藍隊大對決。不過紅隊就似乎喺排練期間因為團體精神而出現問題，令幾位導師都十分不滿，Gin Lee（李幸倪）更嬲爆話要辭職唔做導師。其實佢早前呻導師為學員付出咗好多時間同心機。

Photo from 《聲夢傳奇2》

《聲夢傳奇2》藍隊Timothy、Nicole被淘汰

《聲夢傳奇2》以新賽制比拼，紅隊同藍隊喺五個回合內對決，最終落敗嘅隊伍要淘汰2位學員。頭兩round紅隊都勝出，與藍隊嘅比分為31：19，領先對方不少。

Photo from 《聲夢傳奇2》

不過藍隊仍然未放棄，全隊人落力演出，不過最終仍然係紅隊以64比61分勝出。藍隊導師需相討選出被淘汰嘅2位學員，結果藍隊嘅Timothy（陳昊廷）以及Nicole（蕭呈謙）都被淘汰。

Photo from 《聲夢傳奇2》

紅隊團體合作不佳，導師不滿

雖然紅隊贏咗，但幾位導師都唔太滿意學員嘅表現。喺綵排最後Encore環節嘅時候，紅隊全隊上陣唱《We Will Rock You》、《We Are The Champions》，但就連隊員都覺得配合得唔好，原來年齡較細嘅女團XiX成員要考試，所以夾唔到，等佢哋考完試先再練，但就發現已經太遲。

Photo from 《聲夢傳奇2》

喺導師面前排練時表現亦十分唔理想，Eric Kwok（郭偉亮）直言仲有5日就要比賽，學員嘅表現好似「細路仔玩泥沙」，佢亦多次強調要有團隊精神，做好個show。

Photo from 《聲夢傳奇2》

Gin Lee發火爆想辭職

其實紅隊喺後面兩輪都係輸畀藍隊，但靠前面3round嘅勝利，仍然勝出呢場對決，因此即使紅隊勝出，導師都搵咗紅隊學員嘅不足之處，Eric Kwok指佢哋唔及藍隊內地嗰團火，只得表面，但就欠缺咗內在嘅嘢。而Gin Lee更發火大鬧，指學員喺出賽對自己無自信，不停打沉自己：「呢個態度絕對唔要得，我嬲到唔想再做你哋導師，講真，我想辭職！」

Photo from 《聲夢傳奇2》

斥學員唔識珍惜

幾位導師為咗排學員都付出咗好多，每次錄影完導師仍然為學員們下一round嘅選曲討論到凌晨4點幾，甚至更要押後自己嘅工作，Gin Lee坦言試過被學員激到發脾氣，陪學員採排到凌晨1點但佢哋仍表示好無信心，Gin Lee即直斥：「導師唔係保母！你哋唔珍惜，我就唔做導師喇！」佢表示之後學員態度有改變，但就指下次再收到做導師邀請，佢要慎重考慮。