download HolidaySmart 假期日常 app
何超雲傳與圈外男友結婚！男友任職消防隊長、高大威猛？！

何超雲傳與圈外男友結婚！男友任職消防隊長、高大威猛？！

娛樂新聞
By Jennifer on 12 Sep 2022
Digital Editor
今晚食乜餸：小二，嚟一碟花生！

已故賭王何鴻燊三房長女何超雲近年十分低調，但有消息傳出佢嘅圈外男友求婚成功，兩人將共諧連理。事實上何超雲2013年與陳山聰分手後就單身多年，今次傳出婚訊，有指圈外男友係一位消防隊長！

已故賭王何鴻燊三房長女何超雲近年十分低調Photo from 何超雲IG

傳賭王三房長女何超雲獲圈外男友求婚

賭王嘅一眾子女一舉一動都會引起網民嘅關注，近年三房、四房嘅幾位子女都陸續結婚，並做爸爸、媽媽。其中獲賭王大讚「個個女都靚」嘅三房，兩位千金仍然未出嫁。

賭王大讚「個個女都靚」嘅三房，兩位千金仍然未出嫁。Photo from 何超雲IG

不過何超蓮同內地演員竇驍感情穩定，屢次傳出婚訊。相比起妹妹，何超雲就似乎仍未覓得真命天子。近年低調不少嘅超雲竟傳出答應圈外男友求婚，即將升呢做人妻！

近年低調不少嘅超雲竟傳出答應圈外男友求婚，即將升呢做人妻！Photo from 何超雲IG

何超雲男友傳為消防隊長

有傳媒晒出疑似求婚現場嘅相片，超雲嘅圈外男友高大威猛，外型不輸男明星。有指男方任職消防隊長，難怪身材咁fit！同何超雲絕對係郎才女貌，非常登對。

有指超雲嘅圈外男友任職消防隊長Photo from 何超雲IG

即睇更多人氣文章：

2011年何超雲陳山聰戀情公開，兩人愛得高調

何超雲作為賭王三房長女，佢嘅感情事向來受到外界熱議，其中佢同陳山聰嘅一段戀情最為人熟悉，2011年陳山聰同何超雲多次傳出緋聞，雖然兩人未有承認，但陳山聰2010年先同前妻離婚，陳山聰形象亦大受打擊，佢更被認定係為追賭王愛女而拋棄糟糠之妻。

何超雲作為賭王三房長女，佢嘅感情事向來受到外界熱議，其中佢同陳山聰嘅一段戀情最為人熟悉Photo from 何超雲微博

到2011年8月何超雲晒出家庭照中出現陳山聰，正式公開戀情。兩人拍拖時都相當高調，即使外界從不睇好佢哋能修成正果，但陳山聰似乎亦獲三房認可，佢同何超雲經常結伴出席公開活動。

陳山聰似乎亦獲三房認可，佢同何超雲經常結伴出席公開活動。Photo from 何超雲微博

分手後何超雲感情生活超低調，疑單身9年！

陳山聰年長何超雲13年，佢哋公開戀情後陳山聰亦多次出席家庭飯局，但2013年陳山聰同何超雲2年情斷，宣佈分手。分手後何超雲就十分低調，佢嘅IG都係同家人、愛寵嘅合照，似乎一直單身，今次佢終於搵到自己嘅Mr.Right，有唔少網友都送上祝福！

陳山聰年長何超雲13年，佢哋公開戀情後陳山聰亦多次出席家庭飯局Photo from 何超雲微博

2013年陳山聰同何超雲2年情斷，宣佈分手。分手後何超雲就十分低調，佢嘅IG都係同家人、愛寵嘅合照Photo from 何超雲IG

何超雲同陳山聰分手後似乎一直單身Photo from 何超雲IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

何超欣清華大學畢業照曝光！賭王曾評價各房女兒，稱四房超盈「麻麻」？

28 Jun 2022

已故賭王何鴻燊嘅細女何超欣集萬千寵愛於一身，身為學霸嘅佢喺清華大學深造後終於畢業，哥哥何猷君晒出妹妹畢業照，獲唔少內地網民大讚佢「優秀」！過往賭王亦曾大亦超欣「靚到不得了！」

已故賭王何鴻燊嘅細女何超欣集萬千寵愛於一身Photo from 何猷君微博

何超欣清華大學碩士畢業

四房一眾子女中，何猷君同妹妹何超欣感情好好，經常喺微博分享妹妹嘅近況，最近佢就晒出超欣大學畢業嘅相片：「恭喜何超欣小妹妹大學霸清華畢業！全家第一個清華畢業生，你是我們的驕傲」

四房一眾子女中，何猷君同妹妹何超欣感情好好，經常喺微博分享妹妹嘅近況Photo from 何猷君微博

何猷君晒出超欣大學畢業嘅相片Photo from 何猷君微博

何猷君：「恭喜何超欣小妹妹大學霸清華畢業！全家第一個清華畢業生，你是我們的驕傲」Photo from 何猷君微博

何超欣同哥哥一樣係學霸，喺美國麻省理工學院（MIT）管理學與建築學雙學位畢業後，去北京清華大學進修。唔少網友睇完畢業相都大讚超欣「優秀」、「顏值與實力並存」

何超欣同哥哥一樣係學霸，喺美國麻省理工學院（MIT）管理學與建築學雙學位畢業後，去北京清華大學進修Photo from 何猷君微博

唔少網友睇完畢業相都大讚超欣「優秀」Photo from 何猷君微博

何猷君指妹妹真人靚過上鏡

不過亦有網民指超欣嘅畢業照影得唔係太好睇，有留言指：「欣欣應該比照片更漂亮吧」，何猷君即回覆：「那肯定」，據知何超欣就讀嘅係清華大學蘇世民書院一年制碩士研究生，學費全免。

有網民指超欣嘅畢業照影得唔係太好睇Photo from LIHKG

有留言指：「欣欣應該比照片更漂亮吧」，何猷君即回覆：「那肯定」Photo from 何猷君微博

據知何超欣就讀嘅係清華大學蘇世民書院一年制碩士研究生，學費全免。Photo from 何猷君微博

賭王對細女超欣十分寵愛，哥哥亦到「錫到濃」！何猷君經常喺微博公開與妹妹合照，21歲就於MIT金融系畢業嘅何猷君曾盛讚妹妹超欣超越咗佢，21歲就以MIT雙學位畢業，表示為妹妹驕傲。

何猷君經常喺微博公開與妹妹合照，21歲就於MIT金融系畢業嘅何猷君曾盛讚妹妹超欣超越咗佢Photo from 何猷君微博

賭王何鴻燊點評各房女兒

早年賭王何鴻燊出席公開活動時曾對何家各房女兒美貌逐個評價，賭王稱二房何超儀「乖咗好多」，又指佢以前好爛口過男人，自己勸過女兒要斯文啲，依家好咗好多，賭王大讚超儀把聲好靚、演技又唔錯，寄望愛女可以做到影后。

早年賭王何鴻燊出席公開活動時曾對何家各房女兒美貌逐個評價，賭王稱二房何超儀「乖咗好多」Photo from 何超儀IG

賭王大讚二房嘅超瓊、超儀靚女、三房就個個女（何超雲、何超蓮）都靚，至於四房，賭王曾表示：「大女（何超盈）就麻麻」，不過所謂孻女孻心肝，賭王喺超欣細細個嗰陣就力讚細女：「靚到不得了！」

賭王大讚二房嘅超瓊靚女

二房女兒何超瓊

賭王稱三房就個個女（何超雲、何超蓮）都靚

賭王曾表示：「大女（何超盈）就麻麻」Photo from 何猷君微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

結婚娛樂新聞何鴻燊陳山聰何超雲