李易峰涉桃色風波被捕，遭內地封殺！2大被捕藝人近況公開
内地男星李易峰被內地警方通報佢多次交易，依法被捕。消息傳出後震驚內地網民，更開始有自稱李易峰女友、曾與佢交易嘅女生爆出相片、影片等。李易峰演藝事業恐「一舖清袋」，或成內地近年第3位因桃色風波被捕藝人。
Photo from 李易峰微博
李易峰瘋傳被捕，微博急發聲明澄清
現年35歲嘅內地男演員李易峰2014年憑《古劍奇譚》爆紅，晉身成一線男星，佢更曾經於2017年《第22屆華鼎獎》奪得「最佳男主角」，人氣一時無兩。但近日內地瘋傳佢因涉桃色風波被捕而缺席品牌活動，CCTV中秋晚會佢嘅表演節目亦被除名，令桃色風波傳聞更添可信度！
Photo from 《古劍奇譚》微博
雖然李易峰之後喺微博發長文澄清事件，並否認傳聞：「一個公眾人物是如何做到憑空消失15天的？」但佢嘅聲明同微博長文好快就被微博刪除，連李易峰相關話題都無法顯示。
Photo from 李易峰微博
Photo from 《暗夜行者》
北京警方公佈李易峰疑因桃色新聞被捕
終於喺9月11日，北京警方於微博公佈「將演員李某某（男，35歲）查獲」，更指對方對自己嘅多次交易行為供認不諱，而央視新聞仲點名指出「李某某」就係李易峰！
Photo from 《暗夜行者》
李易峰曾多次傳出負面新聞，演藝事業恐「玩完」！
官方通報中指出李某某已被依法拘留，而《華鼎獎》亦宣佈取消李易峰嘅「最佳男主角」等獎項，佢代言嘅多個品牌亦即時喺微博發文宣佈與李易峰終止一切合作關係。其實今次並非李易峰首次傳出負面新聞，喺2016年佢駕駛林寶堅尼跑車喺北京發生車禍撞上橋墩，同日佢依然搭飛機離境，一個月後先由經紀人代繳賠償金，當時曾引發爭議。
Photo from 《暗夜行者》
2022年5月18日就有內地網民於微博爆料稱李易峰因桃色風波被捕，之後一日李易峰亦取消咗品牌線上活動，但官方未有公佈被捕消息。到9月2日李易峰再次缺席杭州一個品牌宣傳活動。網上瘋傳佢被捕而未能出席，之後佢開直播稱係因為「疫情原因」先去唔到杭州。今次佢再傳被捕，李易峰又發文澄清，但終於被官方「打臉」，演藝生涯面臨沉重打擊。
Photo from 李易峰微博
事後有唔少影片、相片流傳，聲稱主人公係李易峰，更爆出佢私生活十分混亂！而李易峰嘅作品現時喺各大平台陸續下架，或成內地「被封殺藝人」，事業恐「一舖清袋」！
Photo from 李易峰微博
即睇更多人氣文章：
「鋼琴王子」李雲迪2021年被捕後近況公開
李易峰唔係第一位被捕嘅藝人，「鋼琴王子」李雲迪於2021年10月同樣因為桃色風波而被捕！當時內地傳媒亦報導李雲迪已唔係第一次被捕，事後李雲迪被中國音樂家協會取消會員資格，佢出演嘅影視節目亦下架。
Photo from 李雲迪微博
李雲迪被捕後行蹤成謎，直至2022年5月，佢被代言品牌起訴稱「下落不明」，法院將李雲迪及佢父親名下約333萬人民幣財產採取措施。
Photo from 李雲迪微博
Photo from 微博
吳亦凡被捕後一年近況公開
作為「被捕第一人」則非吳亦凡莫屬！2021年佢被內地網紅都美竹大爆「酒桌選妃」，事後佢喺微博發文極力否認，更揚言若事件屬實佢會自行入獄。結果於2021年7月北京警方發公告稱吳亦凡涉罪遭刑拘。
Photo from 吳亦凡微博
Photo from 吳亦凡微博
Photo from 微博
吳亦凡被捕至今已有一年，佢個人及工作室微博帳號均被封禁，所有作品都被下架。自被捕後吳亦凡音信全無，早前有人表示喺美國偶遇吳亦凡但被揭只係2019年嘅舊照，佢嘅社交網站雖重新活動，但就被指管理員已換人。
Photo from 微博
2022年6月北京市朝陽區人民法院開庭審理吳亦凡案件，但案件採取非公開形式審理，法院宣佈擇期宣判。9月吳亦凡曾代言嘅化妝品品牌韓束向法院申請財產保全，吳亦凡相關公司所持百萬股權、以及1,332多萬人民幣被凍結
Photo from 吳亦凡微博
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
