梅啟明稱兒子病重向梅媽索錢仔仔踢爆大話連篇保單被cut無得睇醫生?

By Moon Lam on 13 Sep 2022

Digital Content Writer

已故歌手梅艷芳哥哥梅啟明被網民封為「遺產界KOL」，近年來出現係新聞都係同錢有關，早前佢同梅媽覃美金母子關係決裂，最近佢又稱兒子Richard患病，要為佢籌錢醫病，不過就被踢爆全部都係大話！

Photo from 新聞圖片

稱梅媽被看護及姪仔禁錮

梅啟明近日曾聱稱梅媽覃美金被照顧佢嘅姑娘同姪仔梅柏麟禁錮，入稟高院控告兩人以索償800萬，佢指梅媽被兩人軟禁係海濱花園一個單位，阻止梅媽同佢接觸、比生活費佢，仲濫用梅媽嘅生活費。而梅媽就係接受訪問時否認被禁錮，梅媽澄清：「鄭姑娘好到搵唔番第二個，我點會畀人禁錮，冇咁嘅事」，又指梅啟明想錮佢就真，表示自己係為咗避佢而搬到咁遠，但梅啟明樣樣錢字行先，攞錢金額同時間都唔固定，所以佢比唔到，亦稱自己都係靠梅艷芳嘅遺產作生活費。

Photo from 電視截圖

梅媽曾承諾比500萬

梅啟明又稱梅媽曾經向佢承諾，如果梅啟明活過70歲，就會比500萬佢，所以係黎搵梅媽兌現承諾。佢指自己身在馬來西亞嘅兒子Richard頸上出現腫瘤，所以要籌錢為兒子治病：「而家我個仔喺馬來西亞，發現頸附近有不明腫瘤，唔知係唔係癌症。」所以想話梅媽知個孫身體出事，並籌錢送兒子返香港幫佢醫病。

Photo from 新聞圖片

梅媽要求出示醫生紙

不過梅媽就係訪問中表明唔信梅啟明嘅兒子出事，要求梅啟明出示醫生紙，如果係真嘅佢就盡自己所能去幫。又指責梅啟明老婆同仔都唔顧，「幾十歲仲去搵女人搞搞震」，仲大爆梅啟明係美國仲有風流債，有兩個仔。梅媽表示梅艷芳嘅遺產係用黎做生活費，每一分一毫都係辛苦錢，唔會比錢梅啟明用黎「玩女人」。

Photo from 新聞圖片

仔仔Richard現身踢爆

而當事人Richard亦現身解畫，不滿爸爸梅啟明大話連篇，利用佢黎拎錢。佢指梅啟明根本無關心過佢，不單止唔願意用短訊聯絡，就連多次比電話比對方，梅啟明都因泰籍情人阻止而無聽電話。去年年底Richard跟隨媽媽Joey回港處理梅啟明偷食嘅事，不過梅啟明完全無悔意，更喝罵母子二人，令Richard出現情緒問題，頸部先至會出現腫起嘅情況，佢更加大爆自己無得睇醫生，係因為梅啟明令自己唔見咗保險醫療卡。

Photo from 電視截圖

Richard被cut保險！

Richard亦指母親Joey曾經將佢頸部腫起嘅相傳送比梅啟明，不過對方就無回覆，後來就同人講Richard疑似患癌，令大家都以為Richard病重，從而籌得款項。事實上梅媽曾經比錢梅啟明，叫佢幫Richard買儲蓄保險，上年再加一份意外保險，但近日梅啟明已經將Richard嘅保單取消，仲將保單10萬元左右嘅款轉為幫自己買另一份保險，受益人更加係泰籍情人。

Photo from 新聞圖片

多次欺騙終離婚收場

Joey之前回港曾三度報警求助，最嚴重嘅一次梅啟明更出手傷及Richard。當時Richard發現泰籍情人嘅醫院信件，梅啟明怕被Richard見到信件內容而將佢推落地受傷，更立刻離開。Joey因為Richard受傷而去警署備案，警方話可以立即拘捕梅啟明﹐但Joey因心軟而取消追究，事件最後交由社工處理。

Photo from 電視截圖

Joey亦曾踢爆梅啟明多次欺騙，曾經因梅啟明嘅悔過書而心軟，梅啟明叫佢帶Richard返港讀書，到辦好退學手續同機票又叫佢地唔好返香港，並指係因為無地方住，但Joey知梅媽曾經比過10萬梅啟明做搬遷費，梅啟明就講大話無收過錢，後來發現原來係用筆錢同女友搬咗，令Joey同Richard兩頭唔到岸，最後狠心離婚。