威廉成王儲繼承超10億英鎊領地年收入暴增5倍以上成英國「大地主」

時事熱話生活熱話

By Moon Lam on 14 Sep 2022

Digital Content Writer

英女王伊莉莎白二世辭世後由查理斯三世繼任國王，而長子威廉王子亦隨之成為王位第一順位繼承人，被授予「威爾斯親王」同「康和公爵」頭銜，佢同凱特王妃嘅年收入將暴增約5倍，仲將會繼承10億英鎊以上嘅遺產！

Photo from 美聯社

威廉凱特王室地位升級

威廉王子原為劍橋公爵殿下，而查理斯三世登基後，威廉王子亦自動繼承代表君主長子嘅「康和公爵」爵位，同時又被冊封王儲專屬「威爾斯親王」頭銜；而凱特王妃則同時為劍橋、康和公爵夫人，以及威爾斯王妃。

Photo from 美聯社

繼承超10億英鎊領地！

兩人除咗頭銜再升一級，更繼承超過5.2萬公頃嘅康和公國領地，價值超過10億英鎊（約90億港元），包含英格蘭和威爾斯等20郡，包括德文郡（Devon）、肯特郡（Kent）、卡馬森郡（Carmarthenshire）及諾丁罕郡（Nottinghamshire）等。

Photo from 衛報

領地內多半係農田，亦有住宅、商業地產、森林、河流同海岸，當中更包括達特穆爾國家公園（Dartmoor）、國家公園曾經用於開採錫、銅等礦物。此外，領地亦有倫敦市中心嘅橢圓形板球場（Oval cricket ground）、達特穆爾監獄（Dartmoor prison）、洛斯特威希爾區（Lostwithiel）嘅植栽中心等特別資產，淨資產價值大部分都來自不動產投資。

Photo from 達特穆爾國家公園官網

曾為查理斯三世賺2100萬英鎊

據外媒報導，康和公國領地係過去半世紀為查理斯三世帶來可觀收入來源，康和公爵領地網站說明，領地內莊園每年有數百萬英鎊收入﹐而收入被用於資助查理斯「公共、私人和慈善活動」，查理斯更係2017年賺得約2100萬英鎊（約1.9億港元）。

Photo from AP

威廉、凱特夫婦之前都曾經受領地收入資助，2020年夏天，佢地嘅活動費總共係440萬英鎊（約4000萬港元），但當時哈利同梅根未退出王室，所以呢筆收入由兩對夫婦平分，而威廉現時已成為英國嘅「大地主」，負責經營、管理康和公國領地嘅新工作，年收入同之前差得遠，可以為妻子凱特及子女提供更豐富資源。

Photo from 路透社

英女王私人財產得約4億英鎊

而查理斯三世將會繼承英女王嘅財產，雖然英女王在任70年，但外界估計其私人財產大約得4億英鎊（約36億港元）。不過英女王嘅財富不限於個人財產，而大部分財產屬於王室公司Monarchy PLC，由英女王領導溫莎王室成員組成及管理，持有約280億美元房地產資產，不過無法被出售。

Photo from GETTY

估計威廉將經營王室事業

王室傳記作者塞華德（Ingrid Seward）受訪表示威廉或會用呢筆資金經營自己嘅王室事業，不過未必係短期內起步。威廉係近年發起「為地球奮鬥獎」（Earthshot Prize）嘅環境氣候貢獻獎項，每年選出5名得獎者，派發100萬英鎊嘅獎金；而凱特王妃係2021年成立皇家基金會幼兒中心（Royal Foundation Centre for Early Childhood）。佢地亦嘅慈善工作根據領域分工，威廉專注於支援緊急救難人員及男性心理健康問題，而凱特就關注於兒童早期發展方面。