內地女著自行設計婚紗出嫁被笑老土！自信回應獲網民力撐

婚禮係唔少女生最重視嘅事，好多細節都會一一確認。日前內地有一位女士就親自設計婚紗、安排婚禮現場，點知卻被笑套婚紗太「復古」、又指「二婚先會著」，不過新娘屢被取笑都不作理會，更自信回應，有唔少人支持！

Photo from 《你的婚禮》劇照

內地越嚟越流行著婚紗出嫁

婚禮對於唔少人嚟講都係一生只有一次，好多女生都對自己嘅婚禮有所憧憬。現今社會女性結婚都會選擇著婚紗出嫁，喺內地雖然都會著裙掛等傳統中國婚服，但著婚紗出嫁已經越嚟越普遍。

Photo from 《認識的妻子》劇照

多數婚紗都係白色，白色婚紗代表內心嘅純潔同埋好似孩童咁天真無邪，雖然都有其他顏色，但白色婚紗仍然係主流。日前內地山東一個婚禮，新娘著住粉紅色婚紗出嫁，引起熱議。

Photo from 《今生是第一次》劇照

Photo from 微博

內地新娘著粉紅色婚紗被笑似再婚

有部分人認為新娘應該係被婚紗店呃咗，攞埋啲滯銷款式畀佢，但原來婚禮上新娘著嘅婚紗係由佢親自設計！新娘姓伊，呢套粉紅色婚紗係佢畫圖畀婚紗店製作，婚紗店整呢套婚紗用咗足足半個月時間。

Photo from 抖音

Photo from 微博

不過網民就唔係好識欣賞，唔少人表示粉紅色婚紗好有70年代感覺：「是走復古風嗎？」更有網友直言粉紅色婚紗只有再婚嘅女生先會著：「我們這粉色代表二婚。」

Photo from 抖音

Photo from 抖音

新娘自信回應獲網民力撐

不過新娘對於外界嘅評價毫不在乎，佢表示自己係動漫迷，亦都好中意粉紅色，除咗婚紗之外，婚禮現場背景亦係宮崎駿漫畫，可以親自設計婚禮場地佈景同埋婚紗佢感覺非常好。

Photo from 微博

Photo from 微博

Photo from 微博

其他人嘅睇法新娘表示一笑置之：「我不在乎別人怎麼看，我自己開心就行。」新娘呢一句引起大批網民共鳴，紛紛力撐佢自己嘅婚禮想著咩就著咩：「網友沒必要多管閒事」、「有些網友就愛管天管地管空氣」

Photo from 微博

相關文章：婚禮中途新郎被當眾搶走 新娘捉都捉唔住 賓客笑到停唔到？

相關文章：內地男離婚後入稟追21萬禮金 法官話兩邊都有錯 判女方退錢？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

23歲人妻被打足3年仍拒離婚！爆喊稱只因老公太靚仔：他太帥了，我離不開他

19 Aug 2022

近日內地節目《尋親記》片段喺網上瘋傳，23歲嘅李霞同26歲王強閃婚後日日嗌交，李霞更被打但佢仍唔肯離婚，更聲淚俱下指因為老公太靚仔，自己離唔開佢。最終結果更出人意料！

Photo from 《尋親記》

李霞、王強相識2個月閃婚，婚後經常嗌交

內地節目《尋親記》早前播出一集就報導咗一對夫妻嘅故事。李霞同王強經長輩介紹結識，兩人相識2個月即閃婚，但婚後生活卻未見甜蜜。

Photo from 《尋親記》

兩人結婚時李霞年僅20歲，丈夫王強得23歲，新婚後隔離鄰舍都認為佢兩個郎才女貌十分登對，但佢哋卻日日嗌交。

Photo from 《尋親記》

人妻被打足3年仍拒離婚，丈夫指妻子太多疑

結婚3年李霞更指老公成日對佢大打出手，又趕佢出門口，而佢每次返娘家哭訴都會被父母勸佢離婚，但佢唔想離婚，次次都瞞住父母再搵王強。

Photo from 《尋親記》

Photo from 《尋親記》

但節目組同李霞上王強屋企時，王強表現非常冷淡，更反指每次嗌交都係老婆李霞出手先，佢表示老婆疑心好重，成日check佢手機，甚至裝定位app，又喺屋企門口擺咗攝影機，務求捉到佢「偷食」嘅證據。

Photo from 《尋親記》

Photo from 《尋親記》

Photo from 《尋親記》

Photo from 《尋親記》

李霞父母勸個女同王強離婚，但李霞唔捨得同初戀分手，仍然堅持同老公一齊，而王強更直認有動手：「我每天打她、每天罵她，她還要和我在一起，你說世上有這樣的女人嗎？」

Photo from 《尋親記》

Photo from 《尋親記》

人妻覺得老公好靚仔，兩人婚姻結局出人意料

之後節目安排佢哋接受婚姻調解，問到覺得丈夫有咩優點時，李霞即「心心眼」表示覺得老公好靚仔，又話老公夠高、做嘢認真。王強亦指對妻子仍有感情。

Photo from 《尋親記》

呢個時候李霞突然表示佢已懷孕，王強態度即時大變，稱可以繼續呢段婚姻，又眼泛淚光，拖住老婆隻手稱會好好養家，希望老婆日後信任佢，唔再亂諗嘢。

Photo from 《尋親記》

Photo from 《尋親記》

雖然最終結局尚算完滿，但有唔少網民稱李霞「品味獨特」：「這樣也叫帥？？」、「帥在哪？」

Photo from 《尋親記》

Photo from 《尋親記》

相關文章：內地「連體夫妻」丈夫移情別戀女粉絲！　拋棄妻女 網民：沒有腿都可以劈腿？！

相關文章：日本AA制夫妻大揭獨特相處模式 從不牽手/不叫對方名字/按時薪做家務

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）