5歲兒子親吻朋友6歲女兒，港爸當場向對方道歉！卻反遭妻子黑面責罵？

By Stephanie on 15 Sep 2022

Digital Content Writer

父母疼愛自己嘅小朋友係理所當然嘅事，但過分嘅溺愛卻分分鐘會寵壞佢哋！一位港爸喺FB群組中表示近日帶妻子及5歲兒子與朋友一家人相聚，期間兒子突然攬住朋友嘅囡囡錫，而對方事後亦表示唔鍾意。然而，妻子返到屋企卻鬧返港爸「點解要同人哋道歉？！」大呻與妻子嘅管教方式有出入！

Photo from 《暖男爸爸》

90後港爸分享育兒小插曲

夫婦之間難免會發生爭吵，而唔少成為父母嘅夫婦多數都會因為管教子女而產生分歧。日前，一位90後港爸表示近日帶同妻子及5歲兒子同朋友一家食飯。期間，兒子因為玩得太興奮而開始攬住朋友嘅6歲大囡囡「重（仲）錫咗面珠一啖。」而小女孩就因為唔鍾意而推跌兒子，並向大人坦承覺得唔開心！

Photo from 「生仔要考牌」FB群組

5歲兒子吻朋友6歲女兒，港爸主動向朋友一家道歉！

港爸目睹情況後立刻向朋友一家道歉，並即場教導兒子。當日朋友夫婦驚訝表示「都唔知道原來個女會因為咁而唔開心」，然後就開始討論育兒心得，期間妻子在旁黑晒面一言不發。

Photo from 《大叔的愛》

Photo from 《愛上Pinocchio》

妻子卻鬧返港爸？

回家後，唔願意出聲嘅妻子就立刻鬧港爸「點解要同人哋道歉？小朋友錫下好正常。點解要鬧自己個仔唔啱？人哋個女推跌自己個仔都唔擔心？！」發現妻子似乎對兒子親吻其他小朋友完全唔在意？！

Photo from 《惡之花》

即睇更多人氣文章：

中大獎獲375萬如常生活無人知人妻收短訊被老公踢爆隱瞞8年全為1個原因

20歲天真男與女友網戀兩年！驚揭女友竟是男扮女裝，全靠朋友一句點醒！

抱怨妻子過分「寵愛」兒子

其後，港爸大呻妻子「發仔瘟到上晒腦」，指妻子宜家所有事都以「為咗個仔好」做理由，連工人姐姐或者俾長輩湊都唔肯！妻子為咗親自照顧兒子辭咗份工；但家務事又做得唔好「連阿仔玩具都唔抹唔執、每日出街同阿仔食早餐、午餐，晚餐就等婆婆來煮飯，冇煮就叫外賣」，仲會同兒子一齊沖涼；樓主體諒妻子湊仔疲累，但擔心妻子嘅「寵愛」會令兒子受到影響！

Photo from 《母子逆緣》劇照

網民一面倒撐樓主！

網民幾乎可以話係一面倒贊同港爸嘅教導方法「樓主爸爸，你要堅持住！」、「保護自己同尊重別人真係要及早教」等，認同教導小朋友正確嘅觀念一定要從小開始！

Photo from 「生仔要考牌」FB群組

Photo from 《酷蓋爸爸》劇照

批評妻子管教方式易出事？！

部份網民就批評樓主妻子對兒子太「寵愛」，擔心長此下去會令小朋友長大後變得非常任性「有D女人就係咁，以為自己生咗個仔就大哂」、「你老婆有問題，唔係細個就做乜都得。」、「做阿媽做到走火入魔」等。網民提議樓主現階段只能平心靜氣與妻子討論育兒方法，由於post裡面有提及現時妻子依然會同5歲嘅仔仔一齊沖涼，所以網民普遍認為應該先教導小朋友「男女有別」！

Photo from 「生仔要考牌」FB群組

Photo from 《惡之花》

相關文章：港媽嬲爆撞破兒子同女友拍拖！利用補習為由呃零用錢誓要拆散二人!

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

港媽懶理細路店內「扭計」扔玩具只緊張點谷仔女入名校 2件事被轟唔識教仔

5 Aug , 2022

俗語有話：「生仔容易教仔難」，小朋友應該從小教導正確既習慣，否則愈大愈難教！最近有港媽係網上分享，見到其他媽媽擋係店中間傾偈，無視仔女既行為都阻緊其他人，反而討論緊點樣「谷個仔入名校」，令該位網民非常不滿！

Photo from 《開心速遞》劇照

近日有一位港媽係Facebook專頁「生仔要考牌系列」，講述某日同個女去玩具店行，間鋪唔算好大間有大概1千尺，人流都算多，當時就有三位媽媽揹住小朋友既書包企係店鋪既正中央，岩岩好企係所有巷既交匯處傾偈，完美擋住左四個方向既路，而事主幾次行到嗰個位置都要兜路行。

Photo from 《魔法玩具城》劇照

事主就估計幾位媽媽應該帶住5至6個小朋友，因為幾個小朋友不斷跑黎跑去，想認真數都數唔到，而且小朋友有小朋友玩，媽媽有媽媽企係到高談闊論，期間就聽到幾位媽媽討論緊「點樣谷個仔入某間名校」之類既內容。

Photo from 《開心速遞》劇照

事主就表示其中兩個年紀較細，目測3至5歲既女童不斷圍住貨架跑，每跑經一個貨架就將一件玩具扔係地，指「眼見嘅都扔咗3, 4件，另外聽聲有貨跌落地嘅都好幾件」，有店員跟係女童身後遂件執返扔落地既玩具，另一名店員就追住女童跑，但兩位店員都唔敢出聲，過程持續超過5分鐘，但三位媽媽完全無理過件事。

Photo from 《Toy story》劇照

隨後又有一名男童「扭計」，向其中一位媽媽要求買玩具，媽媽果斷拒絕，仲話「你再係咁就即係迫我打你！」，轉個頭就繼續傾偈。只見該位男童「嬲爆爆」，只可以不停細聲抱怨：「次次都係咁，次次都話唔得，次次都話下次，次次都話叫老竇嚟買，呃人嘅！」男童更不斷用拳頭打落想要既玩具到，而男童媽媽都無理會。

Photo from 《寶寶大過天》劇照

事主表示場面咁混亂，當下即刻拉個女離開，更指「此地不宜久留」，佢認為3位媽媽「都算穿得身光頸靚」，如果想傾偈可以去公園，至少「唔好企正喺中間阻住晒」，佢又不滿指幾位媽媽既小朋友「拆緊人間舖」，點解完全無理過班小朋友，就算真係比佢地個仔入到名校又代表到啲咩，而且小朋友扔玩具落地好順手，猜測呢個行為並唔係第一次，幾位員工一直都只係敢怒不敢言。