download HolidaySmart 假期日常 app
陳茵媺復工晒新髮型，與陳豪夫妻檔拍劇！老公強烈要求戴口罩瞓覺

陳茵媺復工晒新髮型，與陳豪夫妻檔拍劇！老公強烈要求戴口罩瞓覺

娛樂新聞
By Jennifer on 16 Sep 2022
Digital Editor
今晚食乜餸：小二，嚟一碟花生！

現年41歲嘅陳茵媺相隔10年再同老公陳豪合作拍新劇，淡出娛樂圈已久嘅佢復出再拍劇集即引起關注，但拍攝無幾耐陳豪陳茵媺嘅細女就確診新冠肺炎，兩夫婦需即時停工，日前佢哋終於隔離完畢，陳茵媺喺拍攝期間接受訪問，新劇造型即曝光！

現年41歲嘅陳茵媺相隔10年再同老公陳豪合作拍新劇Photo from 娛樂新聞台

陳茵媺復出與陳豪合作拍新劇《羅密歐與祝英台》

陳茵媺2013年同陳豪結婚，兩人婚後育有2子1女，一家五口盡享天倫之樂，而陳茵媺為專注照顧仔女，暫時淡出娛樂圈。2015年佢約滿離巢，集中精力於家庭上。

陳茵媺2013年同陳豪結婚，兩人婚後育有2子1女，一家五口盡享天倫之樂Photo from 娛樂新聞台

陳茵媺為專注照顧仔女，暫時淡出娛樂圈Photo from 娛樂新聞台

陳家雖然只有陳豪落力拍劇工作，但佢不時都被問太太幾時會復出，陳豪透露老婆都會戲癮發作，但為咗年紀尚幼嘅子女暫時無意復出。不過2016年出世嘅細女Camilla已經6歲大，陳茵媺宣佈復出拍攝新劇《羅密歐與祝英台》，同老公陳豪夫妻檔拍住上！

陳茵媺宣佈復出拍攝新劇《羅密歐與祝英台》，同老公陳豪夫妻檔拍住上！Photo from 娛樂新聞台

細女Camilla確診新冠肺炎，陳豪陳茵媺即時停工隔離

陳茵媺久未復出，復出之作仲要係同老公陳豪合作，隨即掀起網民熱議！兩夫妻繼《天梯》後再度合作成為話題，不過劇集開拍無耐陳豪同陳茵媺嘅細女Camilla就確診新冠肺炎，作為密切接觸者，陳茵媺同陳豪都要停工隔離。

兩夫妻繼《天梯》後再度合作成為話題Photo from 陳茵媺IG

劇集開拍無耐陳豪同陳茵媺嘅細女Camilla就確診新冠肺炎，作為密切接觸者，陳茵媺同陳豪都要停工隔離。Photo from 陳茵媺IG

隔離期滿7日，兩人喺女兒康復後正式復工，娛樂新聞台喺新劇拍攝現場訪問陳茵媺，佢表示囡囡雖然中招但好堅強，有發高燒但好快就恢復，日日都好精神想出房門，又想食熱氣嘢，不過全部都被媽媽陳茵媺制止。

隔離期滿7日，兩人喺女兒康復後正式復工Photo from 陳茵媺IG

陳茵媺新劇造型曝光

陳茵媺新劇飾演「祝英台」，不過作為時裝劇佢打扮都十分時尚，留咗多年短髮嘅陳茵媺新劇中仍以短髮示人，但側分嘅耳下不及肩短髮造型更顯優雅女人味，但見佢手上有紋身，新劇角色極有可能係一位女強人。

陳茵媺新劇飾演「祝英台」Photo from 娛樂新聞台

留咗多年短髮嘅陳茵媺新劇中仍以短髮示人，但側分嘅耳下不及肩短髮造型更顯優雅女人味Photo from 娛樂新聞台

陳茵媺手上有紋身，新劇角色極有可能係一位女強人。Photo from 娛樂新聞台

陳豪要求瞓覺都要戴口罩

陳茵媺透露囡囡確診佢初時都有啲驚慌，畢竟女兒年紀仲細，而且都驚會傳染畀全家，尤其係當時佢已經開咗一日工，怕會感染畀劇組人員，喺隔離期間陳家都做足防疫措施，勤力噴消毒酒精、全日戴口罩，陳茵媺仲大爆：「我哋要瞓覺全程戴口罩呀，爸爸（陳豪）一定要！佢要求呢樣嘢」陳茵媺表示老公陳豪負責照顧女兒，自己就要照顧兩個仔，每日5點半就起身做清潔、煮飯等家務，12點幾先瞓。

陳茵媺透露囡囡確診佢初時都有啲驚慌，畢竟女兒年紀仲細，而且都驚會傳染畀全家Photo from 娛樂新聞台

陳茵媺仲大爆：「我哋要瞓覺全程戴口罩呀，爸爸（陳豪）一定要！佢要求呢樣嘢」Photo from 陳茵媺IG

陳豪以往防疫意識超強

陳豪向來都係防疫大使，以往為妻兒嘅健康著想，即使要拍劇、出席活動都做足防疫措施。喺頒獎典禮上佢拒用大會提供嘅透明口罩，堅持戴醫用口罩、出席新劇記者會時又戴上兩個口罩，同劇拍檔胡定欣確診後陳豪更獨自於露台生活「自我隔離」

頒獎典禮上陳豪拒用大會提供嘅透明口罩，堅持戴醫用口罩Photo from TVB

出席新劇記者會時陳豪戴上兩個口罩Photo from 娛樂新聞台

同劇拍檔胡定欣確診後陳豪獨自於露台生活Photo from 陳茵媺IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

陳豪為防疫獨自於露台生活！保障妻兒健康，屋企24小時戴口罩

1 Mar 2022

陳豪一向係「顧家好男人」，曾為妻兒健康而堅持戴醫用口罩。近日有傳同劇拍檔胡定欣確診新冠肺炎，防疫意識極高嘅陳豪隨即安排自己獨自於家中露台生活，盡量避免直接與家人接觸。

陳豪一向係「顧家好男人」，曾為妻兒健康而堅持戴醫用口罩。Photo from 陳茵媺 IG

陳豪、陳茵媺結婚9年仍然恩愛

陳豪與陳茵媺於2013年結婚，婚後育有2子1女，一家五口幸福美滿。結婚9年陳豪同陳茵媺甜蜜依舊，係圈中公認嘅模範夫妻，陳茵媺更淡出娛樂圈，集中精神照顧家庭，而陳豪就努力工作，務求令家人嘅生活更好。

陳豪與陳茵媺於2013年結婚，婚後育有2子1女，一家五口幸福美滿。Photo from 陳茵媺 IG

結婚9年陳豪同陳茵媺甜蜜依舊，係圈中公認嘅模範夫妻Photo from 陳茵媺 IG

陳豪為保妻兒健康，出席活動戴實口罩

近來疫情嚴重，陳豪為妻兒嘅健康著想，即使要拍劇、出席活動都做足防疫措施，現身新劇《飛虎3壯志英雄》記者會時亦戴上兩個口罩。

陳豪出席新劇《飛虎3壯志英雄》記者會時戴上兩個口罩。Photo from TVB

佢之前出席台慶堅拒用透明口罩，而係戴返醫用口罩，喺一眾藝人中十分搶眼，陳豪當時表示寧願犧牲個樣換嚟安全。

台慶堅拒用透明口罩，而係戴返醫用口罩，陳豪當時表示寧願犧牲個樣換嚟安全。Photo from TVB

傳胡定欣確診，陳豪加強防疫

陳豪超高防疫意識獲網友大讚，而確診數字日趨上升，有唔少藝人都中招，近日有傳視后胡定欣都確診，佢正為TVB拍攝新劇，陳豪同胡定欣有唔少對手戲，作為接觸者佢再加強防疫。

確診數字日趨上升，有唔少藝人都中招，近日有傳視后胡定欣都確診Photo from TVB

獨自於露台生活，陳豪於家中24小時戴口罩

陳豪老婆陳茵媺喺IG公開片段，片中細女Camilla喺餐盤上放咗啲小食送去畀坐喺露台嘅爸爸，陳豪打開玻璃門接過後就閂門，全程都帶住口罩，見佢用餐都喺露台，望住無敵大海景、睇住iPad食飯，陳茵媺同3個仔女就喺玻璃門外。

陳豪細女Camilla喺餐盤上放咗啲小食送去畀坐喺露台嘅爸爸Photo from 陳茵媺 IG

陳豪打開玻璃門接過後就閂門，全程都帶住口罩Photo from 陳茵媺 IG

陳豪用餐都喺露台，望住無敵大海景、睇住iPad食飯Photo from 陳茵媺 IG

陳茵媺表示陳豪呢幾日幾乎起居飲食都係喺露台，即使瞓覺佢都係喺獨立房間。陳豪亦曾指因為工作佢接觸嘅人太多，所以就算喺屋企瞓覺都會戴住口罩！

陳茵媺同3個仔女喺玻璃門外。Photo from 陳茵媺 IG

陳茵媺表示陳豪呢幾日幾乎起居飲食都係喺露台，即使瞓覺佢都係喺獨立房間。Photo from 陳茵媺 IG

網民讚陳豪係好爸爸好老公

早前陳豪陳茵媺兒子Nathan生日，一家五口喺家中為佢慶祝，陳豪亦全程戴口罩，即使唱生日歌同影大合照都無除，睇嚟疫情下佢仍然維持高度戒備，寧願自己麻煩都唔想家人生病，網友大讚佢係好爸爸好老公！

早前陳豪陳茵媺兒子Nathan生日，一家五口喺家中為佢慶祝，陳豪亦全程戴口罩Photo from 陳茵媺 IG

陳豪寧願自己麻煩都唔想家人生病，網友大讚佢係好爸爸好老公！Photo from 陳茵媺 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

短髮陳豪娛樂新聞陳茵媺