內地男獲11位姐姐夾錢提供結婚買樓費用，曾被狠批重男輕女？事隔4年公開家族近況！
唔少人都認同喺屋企排行最小就會萬千寵愛在一身～過往內地一名男子係家中唯一嘅男仔，前面仲有11位家姐，家人都對佢非常寵愛。喺2018年，佢結婚嘅時候姐姐們竟然夾錢幫佢儲埋老婆本，一度引起熱話！事隔近4年，原來有媒體再次採訪佢哋，令大家族嘅近況曝光！
Photo from 微博
內地一家14口大家庭
根據內媒報導，山西省有一家人足足擁有12名孩子咁多，由於父母一直都想擁有一名男丁，所以就不停生小朋友。而年紀最細嘅就係獨生子高浩珍，同最年長嘅姐姐年齡相差27年；由於佢哋出身於農村家庭，姐姐們都會落田工作，唯獨高浩珍唔需要；即使佢主動要求幫手都會被拒絕，自細就喺家人嘅寵愛下長大！
Photo from 微博
2018年小兒子結婚，11名姐姐幫手夾錢？
2018年，高浩珍交往5年嘅女友懷孕，二人決定結婚成家立室。當佢哋一向家人公佈喜訊，11位姐姐都立刻幫細佬籌備結婚費用，其中有10位姐姐都交出咗2萬人民幣（約港幣2.2萬），而排行第9嘅姐姐則交出3萬人民幣（約港幣3.3萬），一共俾咗約23萬人民幣（約港幣25萬）佢買新婚房！
Photo from 微博
結婚當日全家身穿訂製紅色Tee！
婚禮當日，家人一齊穿著事先訂製好嘅紅色衣服，而11位姐姐嘅衣服上則根據年齡排序標明號碼，睇得出一家人感情應該唔錯～而高浩珍對於姐姐們為佢籌備結婚費用而深受感動，並承諾會努力賺錢孝順父母及姐姐們！
Photo from 微博
即睇更多人氣文章：
當年大批網民狠批「高家寵壞小兒子」？！
而11位姐姐們為咗細佬嘅婚事仲喺村裡面跳舞，場面極震撼，令唔少附近嘅居民都圍觀，亦令呢場婚事瞬間成為網民熱話！然而當時網民們都只關注姐姐們「俾23萬細佬」，令大家都不禁將「重男輕女」、「農村概念」等聯想埋一齊；好多人都批評家人們嘅「溺愛」令高浩珍永遠都唔識長大。
Photo from 微博
事後姐姐受訪澄清並無「重男輕女」
由於當年佢哋一家人都備受關注，即使好多傳媒嘗試採訪佢哋都被一一拒絕。其後，有內地傳媒成功採訪到排行第10嘅姐姐高玉（化名），佢回應「老一輩一定會比較傳統，但絕對不是重男輕女」強調12姐弟都感情好好！而佢亦自爆其實自己成功考上北京嘅大學，但基於屋企經濟狀況問題而決定出社會工作，言談中睇得出佢感到十分可惜。
Photo from 微博
解釋姐姐們夾錢原因
其後，記者都詢問姐姐「為何要籌錢俾細佬結婚」，佢表示屋企嘅收入唔多，但開支非常大；所以姐姐們都自發性地幫細佬夾錢「籌錢給弟弟辦婚禮是我們自願的！」據悉當時姐姐們嘅呢筆錢幫高浩珍買下新婚房，根據佢哋村落嘅房價已經可以買到大約100平方米嘅房屋。
Photo from 微博
高家近況公開！
事隔4年再有內地傳媒公開高家嘅近況！原來高媽媽已經因為年紀老邁而離世，而曾經受訪嘅姐姐高玉都已經尋覓到真愛，幸福地與另一半組織家庭。喺今年初，二家姐嘅兒子仲結埋婚，高家可以話係喜訊連連～但依然有唔少網民認為高家隱約地隱藏「重男輕女」概念，只係「當事人」們並唔知道，至今大家都對此事件議論紛紛。
Photo from 《小舍得》劇照
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
內地女自認樣靚身材正！明言只接受有錢人追求：禮金至少要1億
28 Apr , 2022
Photo from 《惡之花》劇照
成都女生揚言要收1億禮金先肯出嫁
成都有網友喺個人社交平台開直播時遇到一名成都女生，於是就訪問佢，佢得知女生仲未有男朋友，於是就問佢有關擇偶條件方面嘅問題。
Photo from 《愛的迫降》劇照
首先問女生如果日後有男友，會覺得對方要畀幾多禮金？點知女生出言驚人，直指起碼要有$1億人民幣，又自信稱自己要出嫁理所當然地想嫁入豪門。
Photo from 微博
自誇「神仙顏值」、身材好
連訪問嘅主持都被女生嚇親，直言佢要1億禮金太誇張，但女生繼續大爆擇偶條件：「我找男友肯定要找有錢的，我喜歡開勞斯萊斯的男生。」並自誇自己有身材，又靚，自信全因自己外在條件突出：「我覺得我比別人好看多了」又誠實稱無錢嘅男生，憑咩娶佢。
Photo from 微博
Photo from 微博
Photo from 微博
男友要月入20萬，女生先勉強接受追求
女生對男人嘅收入有明確要求，必須要係有錢人，於是主持又問佢如果搵到男朋友，男友每個月要賺幾多錢先可以養活佢，女生表明佢每月生活費最少都有8萬人民幣：「20萬的話，我覺得還行，可以追我。」
Photo from 微博
Photo from 微博
拜金 vs 搏出位
女生嘅出位言論隨即掀起熱議，唔少網民認為女生太過自信，從直播片段都睇唔出佢顏值有幾高、身材有幾好，而且即使佢有唔錯嘅外型條件提出1億禮金都非常「離地」。
Photo from 《今生是第一次》劇照
網民除咗直言女生自己嘅條件唔值佢提出嘅要求，又指佢開口埋口都提著錢十分拜金，價值觀唔正常。不過亦有人稱女生嘅言論太誇張，質疑係拍片人同佢夾定，目的係引起網友關注「搏眼球」。
Photo from 《愛的迫降》劇照
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
