何超蓮自拍被指撞樣阿嬌，攞證笑到見牙唔見眼！曾自認似好姊妹
Photo from 何超蓮微博
何超蓮長駐內地，何超雲獲男友求婚
現年31歲嘅何超蓮與內地男演員竇驍相戀3年，感情穩定，超蓮亦長駐內地陪伴男友，兼發展佢嘅個人事業。同家人分隔兩地，以往過節時佢都會同媽媽三太陳婉珍、家姐何超雲等親人聚會。
Photo from 何超蓮微博
Photo from 何超雲IG
日前傳出單身多年嘅何超雲覓得真命天子，即將結婚升呢做人妻。據知超雲未婚夫係消防員，兩人經健身教練介紹下認識，已極速同居！不過超雲本人以及妹妹何超蓮都未有回應喜訊是否屬實。
Photo from 何超雲IG
何超蓮攞到內地駕駛執照晒自拍
不過熱愛更新微博嘅何超蓮仍有繼續晒近照，最近佢就公開自拍照：「順利考到內地駕照～」何超蓮喺內地居住咁長時間，考返個內地駕駛執照出入的確方便好多，相中超蓮笑到見牙唔見眼，相信佢攞完證之後十分開心。
Photo from 何超蓮微博
網民指何超蓮撞樣鍾欣潼，超蓮曾自認似阿嬌
有網友留言：「我以為是阿嬌」，指超蓮呢張自拍同鍾欣潼十分相似，唔少網民都有同感。雖然超蓮同阿嬌樣子其實唔算相似，但佢哋並非第一次被指撞樣，之前何超蓮用抖音嘅中國娃娃filter「福娃表情包」拍片，就曾經被人指好似阿嬌！
Photo from 何超蓮微博
Photo from 何超蓮微博
Photo from 何超蓮抖音
Photo from 何超蓮抖音
何超蓮同阿嬌份屬好姊妹，之前經常合體出席聚會，又成日攬到實影合照，兩人更當眾錫錫。平日不時會拍抖音嘅超蓮更曾經留言表示：「連我都覺得有點像鍾欣潼」
Photo from 阿嬌微博
Photo from 阿嬌IG
Photo from 何超蓮抖音
情同姊妹何超蓮與阿嬌近年零互動
但情同姊妹嘅兩人近年互動少咗好多，不單無再公開過合照，2018年之後互相留言、轉發都欠奉。阿嬌最近出演內地節目《乘風破浪3》人氣急升，都未見超蓮為佢打氣，有網民認為兩人現時關係耐人尋味。
Photo from 何超蓮微博
Photo from 阿嬌微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
何超蓮大爆賭王豪門秘辛！稱屋企有錢是原罪，細個自覺好窮
16 Jun 2022
Photo from 何超蓮微博
Photo from 何超蓮微博
何超蓮指賭王何鴻燊中意子女孝順
主持人提到賭王有好多子女，問超蓮幾耐會見爸爸一次，何超蓮即回：「每天都見啊！」又指一日會見爸爸兩、三次：「沒有你們想的那麼慘。」佢又直言爸爸特別寵佢嘅原因好膚淺：「因為我爸喜歡孝順跟漂亮的。」佢指自己好重視家庭，亦好孝順。
Photo from 《不止於她第二季》
Photo from 《不止於她第二季》
超蓮指細個家姐、細佬都去澳洲讀書，三太都跟埋去，而佢留喺香港，爸爸賭王每日都會幫佢睇功課，又安排補習等，十分上心。超蓮稱賭王生佢嘅時候已經70歲，事業上已經發展得非常穩定，所以有時間專注家庭。
Photo from 《不止於她第二季》
大爆賭王曾被暗算，超重視子女安全
爸爸身為賭王，當然見慣唔少風浪，何超蓮表示賭王被暗算過3次，所以細個住新葡京酒店都有保鏢保護佢哋嘅安全：「門口要有一個保鏢、走廊跟電梯位置還有一個。」
Photo from 《對照記》
Photo from 《不止於她第二季》
超蓮指爸爸十分關心子女嘅安全，佢表示自己細個想去澳門旅遊塔玩skywalk，換晒裝備後被拒絕入內，原來賭王設立咗一個名單畀旅遊塔，所有子女都唔可以玩呢種活動，超蓮稱：「他自己覺得危險，然後就不讓我們跳。」
Photo from 《不止於她第二季》
Photo from 《不止於她第二季》
何超蓮自爆家族生意無話事權，坦言自己無野心
何超蓮帶主持人觀光時提到四房二兒子何猷亨準備嘅上葡京即將開幕，主持人問賭王咁多房兒女係如何分工，係咪開會商量邊個負責做咩事，超蓮直言：「這都不是我們說了算的啦！」佢指上葡京係四太嘅項目，由對方搵人負責，不過當主持問如果遇到佢唔感興趣嘅項目可唔可以拒絕，超蓮亦坦言：「不太能。」
Photo from 何猷君微博
Photo from 《不止於她第二季》
Photo from 《不止於她第二季》
主持問賭王有無同子女講要守住佢嘅事業，超蓮表示：「他可能跟超瓊說了，不會和我說。」超蓮指佢有負責嘅項目就一定會管理好，但唔會主動要求：「我也沒那個野心。」雖然超蓮對家族生意無咩野心，但佢對創業卻有好大熱情，至今有開過牛肉麵店、經營潮牌服飾等。
Photo from 《不止於她第二季》
Photo from 何超蓮微博
何超蓮自稱好窮，指屋企有錢是原罪？
佢提到自己開嘅第一間牛肉麵店好受歡迎，有意再喺九龍開分店，但咁啱新冠疫情開始爆發，當時賭王過身第二日佢就親自去同商場方開會，希望有誠意啲，打算商量可以減租，點知對方反問：「你不會沒錢交租吧？！」仲諗住加租，令佢大為吃驚，認為喺疫情下仲要加租係不可接受：「為甚麼要因為我的家庭背景這樣子對我？」
Photo from 《不止於她第二季》
Photo from 《不止於她第二季》
超蓮指當時全香港人都知佢爸爸啱啱離世第二日就咁對佢：「太欺負人了。」佢表示自此之後佢從來唔會親自同人開會，超蓮稱現時佢喺香港嘅產業仲蝕緊錢：「我是真的很窮。」佢指自己出去同人傾嘅價格永遠比其他人高：「我媽說這就是因為你家裡面有錢，這是原罪。」
Photo from 《不止於她第二季》
Photo from 《不止於她第二季》
三太並非主動接近賭王，而係由大房太太撮合
之後超蓮指佢並非讀貴族學校，三太幫佢報讀嘅係普通政府學校，而且只畀好少零用錢佢，一個星期得$10蚊，令佢覺得自己好窮：「並沒有覺得自己很有錢。」
Photo from 《不止於她第二季》
超蓮仲大爆三太同爸爸賭王嘅愛情故事，佢指三太年輕時好靚好多人追求，但佢一心只想工作，後來做賭王大太太嘅看護：「她（三太）還在那死心眼的工作。」、「是大太太覺得她（三太）真的很可靠又乖、又很漂亮，又覺得我爸好像很喜歡她。」
Photo from 何超蓮微博
Photo from 《不止於她第二季》
Photo from 《不止於她第二季》
Photo from 何超蓮IG
超蓮指重點係唔係三太主動搵賭王，而係賭王先鍾意三太，然後大太太幫佢哋製造機會：「（大太太）跟我媽說希望你能幫我照顧好他（賭王），因為我也沒辦法照顧他到老，所以（賭王同三太）才在一起的。」稱賭王係三太嘅初戀，佢指喺賭王呢個咁複雜嘅家庭，三太咁多年承受好多壓力，大讚媽媽好偉大。
Photo from 《不止於她第二季》
Photo from 《不止於她第二季》
Photo from 《不止於她第二季》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
