東龍島空中飛索x戶外攀岩體驗 低至$580/位 超刺激感受玩足全日!

踏入9月後天氣會開始變涼，最適合做戶外活動！今次推薦兩個刺激又好玩嘅活動，空中飛索體驗同戶外攀岩，無論成班朋友定一家大細都可以試玩，即刻報名燃燒體內嘅小宇宙！

HKRCA香港攀岩歷奇襯住秋天推出兩個戶外活動優惠，分別係戶外攀岩同空中飛索﹐兩樣都咁緊張刺激，價格已包專用攀岩鞋、安全帶、攀岩頭盔、攀岩器材、相關安全裝備同教練指導費，去到就可以安心咁玩！

戶外攀石歷奇之旅

是次活動推薦九龍畢架山同香港歌連臣角兩座本地著名山峰比大家體驗攀岩，會由持有中國香港攀山及攀登總會教練證書認證嘅專業教練指導，仲包含等大家可以安全咁係岩石邊緣自由攀爬，初學者同有經驗者都有多條攀登路線選擇，令初學者都可以快速上手！而且優惠有小班、大班甚至1對1教學等不同方案，可以按自己需要選擇！體驗價低至$780/位就可以玩大半日～

活動行程由朝早10點半開始，登山後導師會講解同示範安全措施，然後就會開始攀登，直到5點左右落山解散，過程中可以欣賞平日無法感受嘅風景，非常充實！

參加活動當日要穿著輕便服飾或運動服裝，是次活動亦需要自備午餐同水，仲緊記要做足防曬措施以防曬傷呀！

優惠期由即日起至2022年12月31日。

>>>立即預約攀石歷奇之旅<<<

東龍島空中飛索體驗

是次活動有成8.5小時行程，低至$580/位就可以體驗東龍島飛索，專業教練會逐一介紹安全設備使用方法，高速飛越香港上空，用身體探索大自然嘅美，享受崖上空中飛索嘅刺激感之餘仲可以完全融入海天一線嘅美景！除咗可以同朋友黎體驗令人腎上腺飆升嘅空中飛索，今次活動只要6歲以上小朋友就可以參加，帶埋仔女參加戶外活動享受親子樂亦係唔錯嘅選擇！

活動行程由10點10分開始集合並搭船前往東龍島，之後可以享受一陣自由活動時間，盡情係靚景打卡。12點正教練就會開始介紹安全設備，然後遠足20分鐘左右抵達飛索地點！大約4點就準備回程，6點左右就解散完成一日嘅活動～

是次活動除咗要注意防曬同自備食物、水之外，仲建議穿著長袖衫褲以防被樹枝、石頭刮傷，仲要著有良好防滑功能嘅運動鞋呀。

優惠期由即日起至2022年12月20日。

>>>立即預約東龍島空中飛索<<<

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）