李佳芯節目中自爆分手真正原因，直認與前任陳炳銓依然有聯絡！1個性格令異性覺得有距離感？

大台節目《仨心友行3》由黎諾懿監製及主持，邀請咗李佳芯(Ali)、麥美恩、劉穎鏇等人分享感情觀。期間Ali罕有地喺節目中提及舊愛陳炳銓，仲親自講述分手嘅原因，解釋現時與前任依然保持朋友關係？！

Photo from 《仨心友行3》

Ali自爆不懂撒嬌，令異性覺得有距離感

由黎諾懿主持嘅《仨心友行3》邀請咗佢過往嘅拍檔李佳芯（Ali）、麥美恩等人一齊遠離城市嘅煩囂，大談感情事。麥美恩同劉穎鏇都表示二人性格太熱情，導致佢哋經常令異性誤會。而Ali就表示自己本身性格直率，而且唔識得撒嬌，加上細細個就被媽媽灌輸要對異性保持距離嘅概念，認為自己喺男仔眼中應該好有距離感。

Photo from 《仨心友行3》

Photo from 《仨心友行3》

性格直率導致追求對象少？！

而Ali就話自己其實冇咩人追，認為自己性格太直率，對冇興趣嘅異性會即刻「落閘」；自爆若果遇到心儀對象「反而係我會成日黐住佢」連行動都非常直接～

Photo from 《仨心友行3》

Photo from 《仨心友行3》

擇偶條件公開！

Ali期望未來能夠遇到一位可以理解佢嘅伴侶，揚言「佢唔需要照顧我」，但希望對方能夠支持佢！佢話自己經常令另一半覺得好堅強「好似我呢個女朋友唔需要佢咁」，亦唔太識向男友撒嬌；不過宜家嘅佢已經明白簡單嘅關心可能已經能夠哄到另一半開心。

Photo from 《仨心友行3》

Photo from 《仨心友行3》

即睇更多人氣文章：

港媽每週比$500零用錢中五女 包早午飯車費仲要求儲$100 網民:有啲離地

網友狠批港男唔識髮型衣著打扮 著U記無設計質料差? 結論最緊要呢樣野!

罕提與前任分手原因！

Ali上年宣佈交往7年嘅陳炳銓分手，由於過往二人感情穩定，所以消息一出都令唔少人感到震驚。而Ali今次亦有喺節目中提及同前任分手嘅原因，指二人喺2020年疫情期間分手，認為可能係相處嘅時間多咗「加上有啲問題都已經醞釀咗好耐，只係差咗個導火線迫大家做決定。」

Photo from Ali IG

Photo from 《仨心友行3》

Photo from 《仨心友行3》

坦承二人現時依然有聯絡

但Ali覺得非常感恩嘅係佢現時同陳炳銓依然有保持聯絡「遇到拍攝上嘅問題，我都會搵佢。」而且二人嘅共同好友非常多，所以即使唔刻意聯絡都能夠知道對方嘅近況，認為佢哋好成功咁「用力一種方式維繫呢段感情」～

Photo from 《仨心友行3》

Photo from 《仨心友行3》

麥美恩過往經歷LongD，劉穎鏇超長情！

其後袁偉豪就詢問麥美恩及劉穎鏇係咪單身，二人點頭示意。麥美恩表示過往曾經遇過一位幾投契嘅對象，不過後來二人發展成遠距離戀愛，最終都係敵不過距離。而劉穎鏇就自爆自己非常長情，一旦開始一段關係就會想盡辦法維繫落去「就算身邊啲朋友話唔適合我，都會諗辦法嘗試維繫先！」

Photo from 《仨心友行3》

Photo from 《仨心友行3》

相關文章：李佳芯解凍後備受盡用！劇集綜藝接不停，任勞任怨只因是包薪藝人

相關文章：李佳芯與「蟲草大王」戀情曝光？！好姊妹爆未同陳炳銓分手已發展三角戀

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

李佳芯以健康為由辭演新劇 坦言唔想長期通宵拍劇 驚身體再出事

24 May , 2022

李佳芯（Ali）早前被爆係大台包薪藝人，導致無論劇集、綜藝、廣告都要做。不過，佢近日承認已辭演新劇《靈戲逼人》，原因更同健康有關，佢直言驚身體受唔住電視台長時間嘅拍攝！

Photo from 李佳芯 IG

39歲李佳芯（Ali）雖然曾因網上言論被雪大半年，但憑《智能愛人》中嘅出色演技深受觀眾喜愛，更奪得「最受歡迎電視女角色」一獎。解凍後，Ali工作接踵而來，但有傳因為佢係包薪藝人，所以被電視台用到盡，咩通告都要接。而早前落實在6月開拍嘅新劇《靈戲逼人》亦打算讓Ali做女一，飾演女鬼同張振朗做拍檔。

Photo from 李佳芯 IG

李佳芯為健康辭演新劇

不過，Ali早前就以健康為由辭演《靈戲逼人》，由於拍攝即將開始，劇組都慌忙尋找替任人選，最後決定將由龔嘉欣頂上，幸好佢剛剛跟《靈戲》監製王偉仁合作拍了《十八年後的終極告白2.0》，相信雙方早已有默契。

Photo from 李佳芯 IG

身體曾現警號

Ali於2017年發現在卵巢附近長有約10cm腫瘤，需要入院做切除手術，雖然感覺似剖腹產子，但敬業嘅Ali開刀後一星期便復工。

Photo from 李佳芯 IG

佢日前受訪解釋辭演原因，表示身體早有前科，而每次開一套劇都畀好大壓力自己，導致情緒、狀態、身體都好容易有毛病。

Photo from 電視台娛樂新聞截圖

未能演女鬼大感可惜

對於未能接拍劇集，Ali都覺得好可惜，佢直言好想嘗試演女鬼，尤其喺《智能愛人》做過機械人後，就好有興趣飾演另類角色。佢續稱，公司都體諒其苦衷，「隨時影響身體、影響拍攝、進度，好難要人哋下下就到你。所以都同公司傾過，驚我負擔唔到。」

Photo from 李佳芯 IG

抗拒長時間通宵拍劇

Ali表示一直都有睇中醫、做針灸治療，醫師都建議佢盡量不要捱夜，但佢無奈稱，做娛樂圈好多時都要直踩十多個小時，所以希望在情緒和飲食方面做好啲，達到平衡。佢直言：「有啲劇組真係要兩、三個月都直踩24小時，咁吃力嘅情況真係驚負擔唔到。」

Photo from 李佳芯 IG

相關文章：李佳芯解凍後備受盡用！劇集綜藝接不停，任勞任怨只因是包薪藝人

相關文章：蟲草大王陳恩德搞活動，李佳芯臨時缺席！直言TVB要求唔合理

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）